ပူအိုက်တဲ့ညတွေမှာ ကလေးတွေ ကောင်းကောင်းအိပ်ပျော်စေဖို့
မနက်ခင်းနေရောင်ခြည်နွေးနွေးလေးကို လူတိုင်းကြိုက်ကြပေမယ့် ညအိပ်ခါနီး ပူအိုက်တာကိုတော့ ကြိုက်တဲ့သူတွေ မရှိလောက်ဘူး ထင်ပါတယ်။ ကျောင်းနေအရွယ်ကလေးတွေဟာ ညဘက်မှာ ၉-၁၂ နာရီလောက်အထိ အိပ်ချိန်ရှိသင့်ပေမယ့် အရင်တည်းက ကလေးတွေဟာ ရှိသင့်တဲ့အိပ်ချိန်ထက်နည်းပြီး အိပ်တတ်ကြလို့ အခုလို ပူအိုက်တဲ့ရာသီမှာ အိပ်ချိန်ပိုနည်းသွားမလား စိုးရိမ်ရပါတယ်။
ညဘက်အိပ်မပျော်တာ ရက်ဆက်လာရင် ကိုယ်ခံအားနည်းပြီး မကြာခဏ နေမကောင်းဖြစ်နိုင်ပါတယ်။ ကလေးတွေအိပ်မယ့်အခန်းကို အဲယားကွန်းဖွင့်ပေးပြီး အပူချိန် 16-20°C လောက်မှာ ထားပေးပါ။ အဲယားကွန်းဖွင့်လို့မရတဲ့ရက်တွေဆိုရင်တော့ ဖော်ပြပေးမယ့်နည်းလမ်းတွေနဲ့ ကလေးရဲ့အိပ်ခန်းကို အေးမြနေအောင် ပြုလုပ်ပေးနိုင်ပါတယ်။
Nutroplex 1
● နေ့ခင်းဘက် နေပူတဲ့အချိန်မှာ အပြင်က လေပူတွေ အခန်းထဲမဝင်အောင် ပြတင်းပေါက်တွေ ပိတ်ထားပါ။ အခန်းက နေရောင်တိုက်ရိုက်ရတယ်ဆိုရင် လိုက်ကာတွေပါ ကာထားပေးပါ။
● အိပ်ရာမဝင်ခင် ကလေးကို ရေအေးအေးလေးနဲ့ ရေချိုးပေးပါ။ ပုံမှန်တော့ အိပ်ပျော်ဖို့ဆိုရင် ရေကြက်သီးနွေးနဲ့ ချိုးသင့်ပေမယ့် ပူအိုက်တဲ့ရာသီမှာတော့ ရေအေးအေးလေးနဲ့ ချိုးပေးတာ ပိုကောင်းပါလိမ့်မယ်။
● ညအိပ်ဝတ်စုံကို ချောင်ချိပါးလွှာတဲ့ အဝတ်အစားမျိုးပဲ ဝတ်ဆင်ပေးပါ။
Nutroplex 2
● အရမ်းပူလွန်းရင် ရေဓာတ်ဖြည့်ပေးဖို့ လိုအပ်လို့ ကလေးနားမှာ သောက်ရေတစ်ဖန်ခွက်၊ ဒါမှမဟုတ် ရေတစ်ဘူး အမြဲထားပေးထားပါ။
● တချို့မေမေတွေက အိပ်ရာထဲ ကလေးအပေါ့သွားရင် မွေ့ယာမစိုအောင်ဆိုပြီး ရေစိုခံအိပ်ရာခင်းတွေ ခင်းပေးလေ့ရှိပါတယ်။ ဒီအခင်းတွေက ချွေးပိုထွက်စေလို့ ပူအိုက်တဲ့ရာသီမှာတော့ အသုံးမပြုကြပါနဲ့နော်။
Dr. Aye Hsu Mon (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...