ပျော်ရွှင်သောကလေးများ စာပိုတော်ကြသလား

(Unicode)

    ကျွန်မတို့ရဲ့ ရှေးဘိုးဘင်များ လက်ထက်ကတည်းကပင် ပညာဆည်းပူးဖို့အတွက် ကလေးများကို ကျောင်းထားခဲ့ကြပါတယ်။ ထိုခေတ်ကတည်းကစတင်ပြီး ယနေ့အထိ ပညာရဲ့တန်ဖိုးက မြင့်မားနေဆဲ ဖြစ်ပါတယ်။
    ဗြိတိန်နိုင်ငံရှိပညာရှင်များရဲ့ သုတေသနအဖြေအရ ကလေးတို့ရဲ့ စိတ်ခံစားမှုပေါ် မူတည်ပြီး ကျောင်းတွင်း အောင်မြင်မှုရလဒ်တွေ ကွာခြားနိုင်ကြောင်း သိရှိရပါတယ်။ ထိုပညာရှင်တွေရဲ့ အဆိုအရ နွေးထွေးကြင်နာသော ကျောင်းပတ်ဝန်းကျင်ကို ပိုင်ဆိုင်ရသော ကလေးငယ်တွေအနေနဲ့ စာသင်ကြားရာတွင် ပိုမိုတိုးတက်နိုင်သလို စရိုက်ဆိုးတွေ ဖြစ်ပေါ်နိုင်ခြေလည်း နည်းပါးနိုင်တယ်လို့ သိရပါတယ်။
    စစ်တမ်းတွေအရ ကလေးတွေကို ကျောင်းနေပျော်ပြီး စာတော်စေချင်တယ်ဆိုရင် အောက်ပါအချက်တွေနဲ့ ပြည့်စုံအောင် ထားသင့်ပါတယ်။
♦    ဆရာများနဲ့ ကလေးများရဲ့ ဆက်ဆံရေးနဲ့ ပျော်ရွှင်မှုကို အလေးထားခြင်း
♦    ကျောင်းသားနဲ့ ဆရာတွေကြားက team work ကောင်းမွန်ဖို့ အာရုံထားခြင်း
♦    ကလေးငယ်များအား သူတို့အတွေးအမြင် ထင်မြင်ယူဆချက်များကို ဖော်ပြနိုင်ဖို့ အားပေးခြင်း
    အမှန်တကယ်ပဲ ကလေးတစ်ဦးရဲ့ သင်ယူနိုင်စွမ်းရည်ဟာ စိတ်ခံစားမှုပေါ်မှာ မူတည်နေပါတယ်။ ဦးနှောက်ဟာ ပိုက်လုံးတစ်လုံးဆိုရင် မပျော်ရွှင်တဲ့ စိတ်ခံစားမှုရှိခြင်းဟာ ပိုက်လုံးကို ပိတ်ဆို့စေတဲ့ အညစ်အကြေးတွေပါပဲ။
    ဒါကြောင့် မိဘနဲ့ဆရာများအနေနဲ့လည်း ရင်သွေးငယ်လေးတွေရဲ့ ဦးနှောက်ပိုက်လုံးကို သန့်ရှင်းနေအောင် ပူးပေါင်းဆောင်ရွက်ခြင်းဖြင့် ကျန်းမာပျော်ရွှင် ဉာဏ်ရည်ထက်မြက်သော ရင်သွေးလေးတွေကို မွေးထုတ်ပေးနိုင်မှာ ဖြစ်ပါတယ်။

လေပြေနုသွေး (ဆေး-၂) (www.drmyanmar.com)