ဘက်တီးရီးယားပိုးကြောင့်၊ ဗိုင်းရပ်စ်ပိုးကြောင့် စသည်ဖြင့် ကိုယ်ပူရတဲ့အမျိုးအစားအမျိုးမျိုးရှိပါတယ်
အဓိကအားဖြင့် ဘက်တီးရီးယားပိုးနဲ့ ဗိုင်းရပ်စ်ပိုးတွေကြောင့် ကိုယ်ပူရပြီး ဒီကိုယ်ပူတာကလည်းအကြောင်းအရင်းအမျိုးမျိုးရှိတဲ့အတွက် ကုထုံးလည်းမျိုးစုံရှိပါတယ်။
>> ကလေးများတွင် ကိုယ်ပူရသောအကြောင်းအရင်းများ
မိဘတွေသိထားသင့်တဲ့ အဖြစ်များသောအကြောင်းအရင်းများမှာ-
1. ဗိုင်းရပ်စ်ပိုးကြောင့်- ကလေးအဖျားကြီးတာက ရောဂါပိုးဝင်ခြင်း (သို့) ဗိုင်းရပ်စ်ပိုးတစ်မျိုးမျိုးကြောင့်အအေးမိခြင်းကြောင့် အဖြစ်များပါတယ်။ ဗိုင်းရပ်စ်ပိုးကြောင့်ကိုယ်ပူတယ်ဆိုရင် ၃ ရက်လောက်ကြာပါက သူ့အလိုလိုပြန်ပျောက်သွားလေ့ရှိပြီး ပိုးသတ်ဆေးတွေက အကျိုးသက်ရောက်မှုမရှိတဲ့အတွက် တိုက်ဖို့မလိုပါဘူး။
2. ဘက်တီးရီးယားပိုးကြောင့် - ဗိုင်းရပ်စ်ပိုးကြောင့်ကိုယ်ပူတာထက်အဖြစ်နည်းပြီး ဘက်တီးရီးယားပိုးကြောင့် ကိုယ်ပူတယ်ဆိုရင်တော့ ဆေးကုသမှုခံယူဖို့လိုပါတယ်။ အချို့မှာဆိုရင် ဆရာဝန်က ပိုးသတ်ဆေးသောက်ဖို့ ညွှန်ကြားပါလိမ့်မယ်။
ဘာအကြောင်းကြောင့်ပဲဖြစ်ဖြစ် ကိုယ်ပူတာ ၃ ရက်ကျော်သွားရင်တော့ ဆရာဝန်သွားပြပါ။
3. အဆုတ်ရောင်ခြင်း
4. နားတွင် ရောဂါပိုးဝင်ခြင်း
5. အစာအိမ်နှင့်အူလမ်းကြောင်း (သို့) ဆီးလမ်းကြောင်းပိုးဝင်ခြင်း
6. ကာကွယ်ဆေးထိုးပြီးနောက် - ကာကွယ်ဆေးထိုးပြီးနောက် တစ်ရက်နှစ်ရက်လောက်ကြာတဲ့အထိ ကိုယ်ပူတတ်ပါတယ်။
7. အပူနှင့်ထိတွေ့မှုများခြင်း - ကလေးကို ရာသီဥတုနဲ့မကိုက်ညီတဲ့ အရမ်းပူတဲ့အဝတ်တွေဝတ်ဆင်ပေးရင်လည်း ကိုယ်ပူတတ်ပါတယ်။
>> အသက် ၃ လအောက်ကလေး ကိုယ်ပူရင် ဆေးရုံဆေးခန်းချက်ချင်းသွားပြဖို့လိုပါတယ်။
ကိုယ်ပူတာကို အရေးပေါ်လို့သတ်မှတ်ခဲပါတယ်။ ဒါပေမယ့် အသက် ၃ လအောက်ကလေးတွေမှာကိုယ်ပူပါက ကလေးကြီးတွေလို လက္ခဏာမပြတဲ့အပြင် ကလေးမအီမသာဖြစ်နေတာကို အလွယ်တကူမသိနိုင်တဲ့အတွက် ဒီကလေးငယ်တွေ ဖျားပြီဆိုရင်တော့ ဆေးရုံဆေးခန်းကို ချက်ချင်းသွားပြပါ။ ကိုယ်ပူတာက ပြင်းထန်တဲ့ ရောဂါတစ်ခုခုရဲ့လက္ခဏာဖြစ်နိုင်တဲ့အတွက် ဆေးခန်းသွားဖို့ မနှောင့်နှေးပါနဲ့။ ဒါ့အပြင် ဆရာဝန်မညွှန်ကြားဘဲ ကိုယ့်သဘောနဲ့ကိုယ်ဆေးမတိုက်ပါနဲ့။
Dr. Mya Myo Myo Swe (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...