မတ်တတ်ပြေးအရွယ် ကလေးငယ်တွေ ကျန်းမာစေဖို့

>>  ဒီဆောင်းပါးလေးမှာတော့ ကလေးတွေကို ကျန်းမာမျှတသော ကိုယ်အလေးချိန် ပိုင်ဆိုင်စေမယ့် နည်းလမ်းကောင်းတွေကို ဝေမျှပေးလိုက်ပါတယ်။
(၁)  ဆော့ကစားပါ
ပြေးလွှားဆော့ကစားခြင်းဟာ ကလေးတွေအတွက် အကောင်းဆုံးလေ့ကျင့်ခန်းပါ။ ကလေးများနှင့်အတူ တူတူပုန်းတမ်းကစားခြင်း၊ ဘောလုံးကန်ခြင်း၊ ပန်းခြံထဲ လမ်းလျှောက်ခြင်း စသည်တို့ ကစားပေးနိုင်ပါတယ်။ တစ်ပတ်ကိုတစ်ကြိမ် မိသားစုလိုက် ပျော်ရွင်ဖွယ်ရာ လှုပ်ရှားမှုတွေကို ပြုလုပ်ပေးခြင်းဖြင့် ကလေးတွေကို တက်ကြွတဲ့လူနေမှုပုံစံကို ခံစားစေနိုင်ပါတယ်။

(၂)  ကျန်းမာရေးနဲ့ ညီညွတ်အောင် စားတတ်တဲ့အကျင့်ရဖို့ ငယ်စဉ်ကတည်းက လေ့ကျင့်ပေးပါ
အာလူးချောင်းကြော်နှင့် ကြက်ကြော်တွေကို ကလေးငယ်များ နှစ်သက်ကြပေမယ့် ကျန်းမာရေးကိုတော့ ဆိုးကျိုးတွေ ဖြစ်စေတယ်ဆိုတာ မေမေတို့ သိကြပါတယ်။ ဒါကြောင့် ဒီလိုအသင့်စားအစာတွေ ကြိုက်တတ်တဲ့ သားသားမီးမီးလေးတွေကို ကျန်းမာရေးနှင့်ညီညွတ်သော အစားအစာတွေကို ပြောင်းလဲစားသောက်အောင် ကြိုးစားကြည့်ပါ။
အချိုနှင့်ဆီကြော်စာတွေ လုံးဝမပါဝင်ဘဲ သစ်သီး၊ အသီးအရွက်၊ ဂျုံ၊ အစေ့အဆံတွေ ပါဝင်သော သရေစာတွေကို မေမေတို့က အရင်ဆုံးစားပြပါ။ ထို့နောက် ကလေးတွေအတွက်ပါ ထိုနည်းအတိုင်း ပြင်ဆင်ကျွေးမွေးပါ။ အားဖြည့်အချိုရည်နှင့် အချိုရည်ပုလင်းတွေကြိုက်သော ကလေးတွေကိုတော့ ရေနှင့် သစ်သီးဖျော်ရည်တွေ အစားထိုး တိုက်ကျွေးနိုင်ပါတယ်။ အဓိကရည်ရွယ်ချက်အနေနှင့် အသင့်စားအစာများ၊ ဆီကြော်စာများ၊ အငန်များနှင့် အချိုများသော အစားအစာတွေကို ရှောင်ကြဉ်ဖို့ ဖြစ်ပါတယ်။