မေမေတွမနိုးခင်မှာတင် နိုးနေတတ်တဲ့ ဘေဘီိပိစိလေးတွေအတွက်
မနက်စောစောနိုးနေတတ်တာက တကယ်တော့ ပြသနာမဟုတ်ပါဘူး။ လူကြီးတွေမှာ မနက်အစောနိုးတာ အကျင့်ပုံမှန််တောင်လုပ်ယူရပေမယ့် ကလေးတွေမှာကျ နေ့စဉ်အစောကြီး မိဘတွေ မနိုးခင် အိပ်ခန်းထဲမှာ လေးဘက်သွားတွားပြီး တတောက်တောက်ဆော့နေတာဟာ အကျင့်တစ်ခုလိုဖြစ်လာတဲ့အခါ ပြုစုစောင့်ရှောက်သူမိဘတွေ စိတ်ညစ်ရပါတယ်။
မနက် ၈ နာရီမတိုင်ခင်နိုးတာမှန်သမျှကို အစောနိုးတယ်လို့ပဲသတ်မှတ်ပါတယ်။ ဒါပေမယ့် ကလေးတွေမှာ ခဏခဏ အစောနိုးတိုင်းပြဿနာလို့ မဆိုနိုင်ပြန်ပါဘူူး။ မနက် ၆ နာရီလောက်နိုးပြီး လန်းဆန်းနေတဲ့ ကလေးငယ်ဟာပုံမှန် အိပ်ရေး၀တယ်လို့ဆိုနိုင်ပါတယ်။ ဒီတော့ နိုးလာတဲ့အချိန်မှာ အိပ်ရေး၀ပြီး ပျော်ရွှင်တက်ကြွနေရင် ကလေးအတွက် အဆင်ပြေတဲ့နိုးချိန်ပါ။ သူက အိပ်ရေး၀ပေမယ့် သူ့ရဲ့ အိပ်ချိန်နိုးချိန်နဲ့ ပတ်သက်တဲ့ တချို့အချက်လေးတွေကို နည်းနည်းပြင်ပေးပြီး အရမ်းအစောကြီးမနိုးအောင် ကြိုးစားကြည့်ရအောင်။
Ceelin Plus 1
လေးဘက်သွားကာစ အဆော့သန်တဲ့ မနက်စောစောနိုးနေ ဆော့နေတတ်တဲ့ သားသားတို့အတွက် ပညာရှင်များက ဒီလိုအကြံပြုထားပါတယ်။
• နေ့ခင်းအိပ်ချိန်နဲ့ ညအိပ်ရာ၀င်ချိန်သိပ်ကွာခြားလွန်းရင် ပြဿနာက သူလေးသိပ်ပင်ပန်းသွားပြီး ညကို အစောကြီးအိပ်သွားစေပါတယ်။ ဒီတော့ အကျိုးဆက်အနေနဲ့ သူအိပ်ရေး၀သွားပြီး နိုးတဲ့အခါ အစောပြန်နိုးလာပါတယ်။
• နေ့ခင်းအိပ်ချိန်သိပ်မကြာပါစေနဲ့။ နေ့ခင်းအိပ်ချိန်ကို အချိန်သတ်မှတ်ပါ။ အကျင့်လုပ်ပေးပါ။
• ညကို ၁၂ နာရီကြာ အိပ်ရင် နေ့ခင်းမှာ ၂ နာရီလောက်ပဲ ထပ်အိပ်ဖို့လိုပါတယ်။ ညကို ၁၀ နာရီပဲ အိပ်တဲ့ကလေးဟာ နေ့ခင်းကို ၄ နာရီလောက်ပဲ အိပ်သင့်ပါတယ်။ ဒီတော့ ညမှာ ကလေးအိပ်ချိန်ဘယ်လောက်ကြာတယ်ဆိုတာ တွက်ကြည့်ပြီး နေ့ခင်းအိပ်ချိန်ကို ချိန်ထားသင့်ပါတယ်။
Ceelin Plus 2
• အိ်ပ်ချိန်ကို ညှိပါ။ မှန်ကန်တဲ့ အိပ်ချိန်ဖြစ်ပါစေ။
• လေးဘက်သွားကလေးလေးတွေမှာ ည ခြောက်နာရီမတိုင်ခင် သူ ့ကို အိပ်ဖို့ကြိုးစားတာဟာ ဘယ်လိုမှ အဆင်ပြေမှာမဟုတ်ပါဘူး။ည ၆ နာရီမတိုင်ခင် ကလေးကို အိပ်ရာထဲမသွင်းပါနဲ့လို့ ပညာရှင်တွေကအကြံပြုထားပါတယ်။ သိပ်စောစောသိပ်ချင်ရင် ၇ နာရီကျော်မှ စပြီးအိပ်ပါစေ။
ဂျီပီငှက် ( ဆေး/ မန််း) (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...