ရင်သွေးလေးကို သန်ချပေးရင်ကောင်းမလား

>> သန်ချမယ်ဆိုရင်………

• • လေးလကနေ ခြောက်လ တစ်ခါသန်ချပါ။ ကျောင်းတွေမှာအစိုးရပရောဂျက်နဲ့ သန်ချဆေးတိုက်ပါတယ်။

• • တချို့လူနာတွေအတွက် တစ်လုံးတည်း သောက်ရုံနဲ့မလုံလောက်တတ်ပါဘူး။ ဒါ့ကြောင့် ဆရာ၀န်နဲ့ သေချာတိုင်ပြီးပြီး တိုက်ပါ။ တချို့ဆိုရင်

သုံးရက်တိတိသောက်ရတာမျိုး၊ တချို့ဆိုရင် တစ်ပတ်နေရင် တစ်လုံးသောက်ရတာမျိုးတွေ လုပ်ရတတ်တာမို့ ဆရာဝန်နဲ့ တိုင်ပင်ပါ။

• • ကလေးကိုသန်ချမယ်ဆိုရင် ထိထိရောက်ရောက်တိုက်ပါ။ ဆရာဝန်ညွှန်ကြားချက်ယူတာ အမှန်ဆုံးပါ။ ကလေးငယ်တွေနှစ်နှစ်အောက်နဲ့ နှစ်နှစ်အထက်တွေမှာသူ့အချိုးအစားနဲ့သူဆေးတိုက်ရတာမို့ ဖြစ်ပါတယ်။

• • အစိုးရပရောဂျက်လာတဲ့အခါ သန်ချဆေးတိုက်ဖြစ်အောင်တိုက်ပါ။ အန္တရာယ်ကင်းဆေးကောင်းပြီးထိရောက်တဲ့အချိုးအစားရရှိတာကြောင့်  အရပ်ထဲကိုဆေးလာတိုက်တဲ့အခါ မသောက်ဘဲမနေပါနဲ့။ 

• • သန်ချပြီးတဲ့အခါ အာဟာရပြည့်ပြည့်ဝဝထပ်မံကျွေးပါ။ ကလေးလူကြီးမရွေးသန်ကောင်ကြောင့်အားနည်းနေအာဟာရချို့တဲ့နေတတ်တာမို့ သန်ချပြီးတဲ့အခါ အစားအစာနဲ့အာဟာရပြည့်ဝဖို့ အထူးသဖြင့် သံဓာတ်ပြည့်ဝတဲ့ ဟင်းနုနွယ်၊ အသည်း၊ ကြက်ဥ၊ ဘဲဥစတာတွေ ဂရုစိုက် ပြန်ကျွေးပြန်စားပေးခြင်းဖြင့် ပြန်လည်အားဖြည့်တင်းဖို့လိုအပ်ပါကြောင်းသတိပေးလိုက်ပါတယ်နောိ။

ဂျီပီငှက် (ဆေး/မန်း) (www.drmyanmar.com)