ရင်သွေးလေးတို့ ဦးနှောက်ဖွံ့ဖြိုးစေဖို့ ဂီတနှင့်ပြုစုပျိုးထောင်စို့

●  ဂီတဟာ ကလေးတွေအတွက် ပေါင်းသင်းဆက်ဆံရေးကောင်းစေသော စိတ်ခံစားချက်နှင့် ဆော့ကစားလိုသော ခံစားချက်တို့ကို ဖြစ်ပေါ်စေပါတယ်။ ဒါ့အပြင် သီချင်းတစ်ပုဒ်ကို ထပ်ခါတလဲလဲနားဆင်ခြင်းဖြင့် ဒီအပိုဒ်ပြီးရင် ဘယ်အပိုဒ်မှာ ခုန်ပေါက်ရမလဲ ဘယ်အပိုဒ်မှာ သီချင်းဆိုရမလဲ စသဖြင့် ကြိုတင်မှန်းဆတတ်တဲ့ စွမ်းရည်ကိုလည်း တိုးတက်စေပါသေးတယ်။
●  ကလေးတွေအနေနှင့် သီချင်းကို နားထောင်ရုံတင်မဟုတ်ပဲ လိုက်ဆိုတတ်ကြပါတယ်။ ဒီအခါမှာ ပါးစပ်နှင့်မျက်နှာကြွက်သားတွေ လှုပ်ရှားရတဲ့အတွက် ကာယစွမ်းရည်နှင့် ကစားခြင်း အလေ့အထကိုလည်း တိုးတက်စေပါတယ်။
●  သီချင်းနားထောင်ခြင်းဖြင့် ကစားခြင်းနှင့် လူမှုရေးစွမ်းရည်ကိုပါ တိုးတက်စေတာ မဟုတ်ပါဘူး။ စည်းချက်အလိုက် ကခုန်ခြင်း၊ မိခင်မှကလေးကို ချော့မြူခြင်းဖြင့် သားအမိ၊ မောင်နှမနှင့် ကလေးထိန်းတို့နှင့် ကလေးငယ်ကြား ချစ်ခင်ရင်းနှီးမှုကိုလည်း တိုးပွားစေနိုင်ပါတယ်။
●  ကလေးတွေကို သီချင်းဆိုပြခြင်းဖြင့် သူတို့ဆီက အာရုံစူးစိုက်မှုနှင့် နှစ်လိုမှုကို လည်း ဖမ်းစားနိုင်ပါသေးတယ်။