လမပြည့်ဘဲ မွေးတဲ့ကလေး

>> အသက်​ရှူ ကူကိရိယာများ

1. Endotracheal tube​ : က​လေးရဲ့အဆုတ်​ထဲ ​လေနဲ့​အောက်​ဆီဂျင်​​တွေ ​ကောင်​း​ကောင်​းဝင်​နိုင်​​အောင်​ ပါးစပ်​ထဲက​နေ အသက်​ရှုလမ်​း​ကြောင်​းထဲ ထည်​့ထား​သော​လေပိုက်​။

2. Ventilator : Endotracheal tubeကိုဆက်​သွယ်​ထားပြီး ​အောက်​ဆီဂျင်​ပမာဏ၊ ​လေဖိအားနဲ့ အသက်​ရှုနှုန်​းတို့ကို တိုင်​းတာ​ပေးတဲ့ အသက်​ရှူ စက်​။

3. Continuous Positive Airway Pressure(CPAP) : အသက်​ရှုနိုင်​​တဲ့က​လေး​တွေမှာ ​လေ​ကောင်​း​ကောင်​းဝင်​နိုင်​​အောင်​ အ​ထောက်​အကူပြုတဲ့ ပစ္စည်​း။

4. Oxygen hood : က​လေး​လေးရဲ့​ခေါင်​း​ပေါ်က​နေ အုပ်​ပြီး​အောက်ဆီဂျင်​လွှတ်​​ပေးနိုင်​တဲ့ ဖန်​​ပေါင်​း​ချောင်​။

>> အစားအစာ​နဲ့​ဆေးဝါးများကျွေးနည်​း

        အစာ​ခြေစနစ်​​ကောင်​း​ကောင်​းမဖွ့ံဖြိုး​သေးတဲ့ က​လေးငယ်​​လေး​တွေမှာ ​ကောင်​း​ကောင်​းနို့မစို့နိုင်​၊ မမြိုနိုင်​​သေးပါက အစာအာဟာရ​တွေနဲ့ ​ဆေးဝါး​တွေကို ခေါင်​းနဲ့ခြေ​၊လက်​စတာ​​တွေမှာ လိုင်​း​လေးထည်​့ပြီး အ​ကြောထဲတိုက်​ရိုက်​ထိုးသွင်​းနိုင်​တဲ့ Intravenous line ကို အသုံးပြု​လေ့ရှိပါတယ်​။

        ပြင်​ပအစာအာဟာရကိုကြာရှည်​ယူရမယ်​့ က​လေး​တွေမှာ​တော့ ချက်​ကြိုး​က​သွေး​ကြောထဲကို ပိုက်​​လေးထည်​့ပြီး သွင်​းနိုင်​ပါတယ်​။ ဒါ​ပေမယ်​့ ဒီနည်​းဟာ ပိုးဝင်​တာ၊​သွေးခဲပိတ်​တာ​တွေ ဖြစ်​နိုင်​တဲ့အတွက်​ အလွန်​အ​ရေးကြီးတဲ့အချိန်​မှသာ အသုံးပြု​လေ့ရှိပါတယ်​။

       အစာ​မစုပ်​မမြိုနိုင်​​သေး​ပေမယ်​့ အစာ​ခြေစနစ်​ ဖွ့ံဖြိုး​နေပြီဖြစ်​တဲ့က​လေး​တွေမှာ နှာ​ခေါင်​းပိုက်​မှတစ်​ဆင်​့ အစာ​ကျွေးနိုင်​ပါတယ်​။

       ​သွေး​ကြောအ​သေး​လေး​တွေကတစ်​ဆင်​့ ထည်​့သွင်​းဖို့အဆင်​မ​ပြေတဲ့ ​ဆေး​တွေအတွက်​​တော့ လက်​​မောင်​းစတာ​တွေကတစ်​ဆင်​့ ​သွေး​ကြောအကြီးထဲ ပိုက်​လိုင်​းထည်​့ပြီး ​ပေးရပါတယ်​။

    ဒါ​တွေအပြင်​ ​မွေးကင်​းစအထူးကြပ်​မတ်​ကုသ​ဆောင်​မှာ က​လေးကို​နွေး​ထွေး​စေပြီး ပိုးမွားနဲ့ဆူညံသံ​တွေမှ ကာကွယ်​​ပေးတဲ့ Incubatorနဲ့ အသားဝါတဲ့က​လေး​တွေကို ကုသ​ပေးဖို့ Bili မီး​ချောင်​​း​တွေ ရှိပါတယ်​။