သတိထားရမယ့် ကြက်ညှာချောင်းဆိုး
ကလေးကတစ်ပတ်ကျော်ကြာအောင်ချောင်းဆိုးနေပြီးတစ်ခါတစ်လေမှာဆိုရင် ချောင်းအခါ ၂၀ လောက်ဆိုးပြီးမှ အသက်တစ်ကြိမ်လောက်ပဲရှူတာမျိုး၊ ချောင်းဆိုးတဲ့တစ်ကြိမ်နဲ့တစ်ကြိမ်ကြားထဲမှာ အသက်ရှူရခက်လာတယ်ပြီးတော့ ကလေးအသက်ရှူသွင်းတဲ့အချိန်မှာ ထူးဆန်းတဲ့အသံအစ်အစ်ကြားရတယ်ဆိုရင် ဒါကကြက်ညှာချောင်းဆိုးပဲဖြစ်ပါတယ်။
Ceelin 1
>> ကြက်ညှာချောင်းဆိုးဘာကြောင့်ဖြစ်ရသလဲ
Pertussis လို့ခေါ်တဲ့ဘက်တီးရီးယားပိုးတစ်မျိုးက အသက်ရှူလမ်းကြောင်းနံရံကိုတိုက်ခိုက်တယ် ပြီးတော့အသက်ရှူလမ်းကြောင်းရောင်လာကာ လမ်းကြောင်းကျဉ်းသွားပြီး တစ်ခါတစ်လေမှာ လေဝင်ပေါက်ကိုတောင်ပိတ်ဆို့သွားစေပါတယ်။ ကြက်ညှာချောင်းဆိုးအတွက် ကာကွယ်ဆေးအပြည့်မထိုးထားတဲ့ကလေးတွေမှာ ဖြစ်နိုင်ချေများပါတယ်။ ကလေးငယ်ငယ်တွေမှာ အန္တရာယ်အကြီးဆုံးပါ။ အသက် ၆ လအောက်ကလေးတွေရဲ့အဆုတ်က ကြက်ညှာချောင်းဆိုးမှာဖြစ်လေ့ရှိတဲ့အသံမျိုးထွက်နိုင်တဲ့အထိ မသန်မာသေးတဲ့အတွက် မိဘတွေအနေနဲ့ရောဂါကို ခန့်မှန်းရခက်ပါတယ်။ အဲဒီအစားကလေးငယ်တွေက အဆက်မပြတ်ချောင်းဆိုးပြီး အသံမထွက်တော့တာ (သို့) အန်ထွက်တာမျိုးတွေဖြစ်ပြီး အသက်ရှူခဏရပ်သွားကာ အောက်ဆီဂျင်မရှိတော့တဲ့အတွက် နှုတ်ခမ်းတွေပြာလာတတ်ပါတယ်။
Ceelin 2
>> ကိုယ့်ကလေးဒီလိုမျိုးကြုံရပြီဆိုရင် ဘယ်လိုလုပ်ရမလဲ
မိမိကလေးမှာ ကြက်ညှာချောင်းဆိုးဖြစ်တယ်လို့ သံသယရှိပါက နီးစပ်ရာဆေးရုံဆေးခန်း၊ ကျန်းမာရေးဌာနကို ချက်ချင်းသွားပါ။ အသက် ၆ လအောက်ကလေးတွေဆိုရင် ဆေးရုံတင်ဖို့လိုအပ်ပါတယ်။ သတိထားရမယ့်အချက်က ကြက်ညှာချောင်းဆိုးက ကူစက်မှုမြင့်မားတဲ့ရောဂါတစ်မျိုးဖြစ်ပြီး ကာကွယ်ဆေးထိုးပြီး ၅ နှစ်လောက်ကြာရင် ဒီရောဂါကိုခုခံအားစပြီးကျလာပါတယ်။ ပိုးသတ်ဆေးစောစောပေးနိုင်တယ်ဆိုရင် ပိုးသတ်ဆေးစပြီး ၅ ရက်လောက်အကြာမှာ ရောဂါပိုးလုံးဝကင်းစင်သွားပါတယ်။ ဒါပေမယ့် ကလေးမှာချောင်းဆိုးကတော့ လအတော်ကြာအောင်ဆက်ရှိနေပြီး တခြားအသက်ရှူလမ်းကြောင်းရောဂါပိုးဝင်ရင်လည်း ချောင်းပြန်ဆိုးနိုင်ပါတယ်။
Dr. Mya Myo Myo Swe (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...