သားသားမီမီးတို့အတွက် မှန်ကန်သော ရွေးချယ်မှုဖြစ်စေဖို့

Vitamin E
မိမိကလေး ကျန်းကျန်းမာမာ ပျော်ပျော်ရွှင်ရွှင်ဖြစ်နေဖို့ ရောဂါကင်းပြီး ကိုယ်ခံစွမ်းအားကောင်းမွန်နေဖို့ လိုပါတယ်။ ဗီတာမင်အီးဟာ ရောဂါပိုးမွှားတွေကို တိုက်ထုတ်ပေးမယ့် ကိုယ်ခံအားစနစ်ကို မြှင့်တင်ပေးတဲ့အပြင် သွေးကြောများကို ကောင်းစွာပွင့်စေတဲ့အတွက် ခန္ဓာကိုယ်တစ်လျှောက် သွေးလည်ပတ်မှုကောင်းစေပြီး ကိုယ်တွင်းကလီစာများရဲ့ လုပ်ငန်းစွမ်းဆောင်ရည်ကို တိုးမြှင့်ပေးပါတယ်။ ဒါကြောင့် မေမေတို့အနေနဲ့ မိမိကလေးကို ပန်းဂေါ်ဖီစိမ်း၊ မက်မွန်သီး၊ နေကြာစေ့၊ သစ်ကြားစေ့ စတဲ့ အစေ့အဆံများ၊ ကွေကာ စသည့် ဗီတာမင်အီး ကြွယ်ဝစွာပါဝင်တဲ့ အစားအစာတွေကို မကြာခဏ ကျွေးပေးသင့်ပါတယ်။

Iron
သံဓာတ်ဟာ သွေးနီဥရဲ့ အရေးကြီးတဲ့အစိတ်အပိုင်းဖြစ်တဲ့ ဟေမိုဂလိုဘင်မှာ ပါဝင်ပါတယ်။ သွေးနီဥများဟာ အဆုတ်မှ အောက်စီဂျင်ကို တစ်ကိုယ်လုံးကို ပို့ဆောင်ပေးတာမို့ သံဓာတ်ချို့တဲ့နေပါက သွေးအားနည်းခြင်းကို ခံစားရမယ့်အပြင် အချိန်မီမဖြည့်နိုင်ပါက ကြီးထွားမှုနှောင့်နှေးခြင်း၊ သင်ယူလေ့လာရန်ခက်ခဲခြင်းတို့ ဖြစ်လာနိုင်ပါတယ်။ ဒါကြောင့် ကလေးကျန်းမာရေးအတွက် မေ့ထားလို့မရတဲ့ သံဓာတ် ပြည့်ဝနေစေဖို့ အမဲသား၊ ဝက်သားကဲ့သို့ အနီရောင်ရှိသောအသားများ၊ ပဲအမျိုးမျိုး၊ ငါး၊ ပုဇွန် စတဲ့ ရေထွက်အစားအစာများ၊ အစိမ်းရင့်ရောင်ရှိသောအရွက်များ၊ သံဓာတ်အားဖြည့်ထားတဲ့ ပေါင်မုန့်ကြမ်း၊ ကွေကာများကို မကြာခဏ ကျွေးပေးသင့်ကြောင့် တိုက်တွန်းလိုက်ပါတယ်။

Dr. Aye Hsu Mon (www.drmyanmar.com)