သားသားမီးမီးလေးတွေ သွားကိုက်နေလား
သားသားမီးမီးလေးတို့အနေနှင့် အချိုများအစားများခြင်း၊ သွားသန့်ရှင်းရေး အားနည်းခြင်းတို့ကြောင့် သွားမှာရှိတဲ့ အပေါ်ယံကြွေလွှာတွင် ပေါက်ပြဲပျက်စီးခြင်း ဖြစ်ပေါ်ရာကနေ သွားပိုးစားခြင်းဖြစ်ပေါ်ရတာ ဖြစ်ပါတယ်။ သွားပိုးစားခြင်းကနေတစ်ဆင့် သွားပိုးပေါက်နှင့် အခေါင်းပေါက်များ ဖြစ်ပေါ်လာစေပါတယ်။
>> ကလေးငယ်များမှာ သွားပိုးစားခြင်းကို ဖြစ်ပေါ်စေတဲ့ အကြောင်းရင်းများ
● သွားပိုးစားခြင်းဟာ ဘက်တီးရီးယားပိုးများနှင့် အခြားအကြောင်းရင်းများစွာကြောင့် ဖြစ်ပေါ်ရခြင်း ဖြစ်ပါတယ်။
● အချိုနှင့်ကစီဓာတ် မြင့်မားသောအစားအစာတွေ သွားပေါ်မှာ တင်ကျန်ရာကနေ သွားပိုးစားတာဖြစ်တာမို့ ကလေးတွေ အလွန်နှစ်သက်တဲ့ သကြားလုံး၊ ချောကလက်၊ ရေခဲချောင်း၊ အချိုရည်များ၊ ပေါင်မုန့်၊ နွားနို့ စသည်တို့ကို စားပြီးတိုင်းမှာ သွားသန့်ရှင်းရေး ကောင်းစွာမပြုလုပ်မိပါက သွားပိုးစားစေတတ်ပါတယ်။
● အဆိုပါအစားအစာများဟာ တံတွေး၊ အက်ဆစ်၊ ဘက်တီးရီးယား အစရှိသည်တို့နှင့် ပေါင်းစပ်ရာကနေ သွားပေါ်မှာ သွားချေးဖတ်များကို ဖြစ်ပေါ်စေပါတယ်။ အချိန်ကြာတာနှင့်အမျှ ဘက်တီးရီးယားများကနေထွက်တဲ့ အက်ဆစ်တွေဟာ သွားအပေါ်ယံမျက်နှာပြင်ကို တိုက်စားခြင်းဖြင့် ပိုမိုကြီးမားတဲ့ သွားပိုးပေါက်တွေကို ဖြစ်ပေါ်စေတာပဲ ဖြစ်ပါတယ်။
Biogesic for kids IA 1
>> သွားပိုးစားခြင်းဖြစ်စေဖို့ အလားအလာပိုများတဲ့ ကလေးငယ်များကတော့ -
● ခံတွင်းမှာ သွားပိုးပေါက်ဖြစ်စေမယ့် ဘက်တီးရီးယားများ စုပုံနေသူများ
● အချိုနှင့်ကစီဓာတ်အစားများသူများ
● ရေသောက်နည်းသူများ သို့မဟုတ် ဖလူအိုရိုက်ပါဝင်မှုနည်းသောရေကို သောက်လေ့ရှိသူများ
● ခံတွင်းသန့်ရှင်းရေးအားနည်းသူများ
● တံတွေးအထွက်နည်းသူများ စသည်တို့ပဲ ဖြစ်ပါတယ်။
>> သားသားမီးမီးလေးတွေအနေနှင့် -
● သွားနာတယ်လို့ ပြောတာမျိုး
● အချို စာများစားတဲ့အခါ သို့မဟုတ် ပူသော၊ အေးသော အရည်များသောက်တဲ့အခါ သွားကျဉ်တယ်လို့ ပြောတာမျိုးရှိရင်တော့ သွားထဲမှာ သွားပိုးပေါက်တွေ ရှိနေပါပြီ။
Biogesic for kids IA 2
>> သားသားမီးမီးလေးတွေ သွားပိုးစားခြင်းမဖြစ်အောင် ဘယ်လိုကာကွယ်ကြမလဲ?
● ကလေးကို ငယ်စဉ်ကတည်းက ခံတွင်းသန့်ရှင်းရေး ပုံမှန်လုပ်ပေးပါ။
● အသက် ၃ နှစ်အောက်ကလေးငယ်များအား သွားတိုက်ရာတွင် ဆန်စေ့အရွယ်ပမာဏခန့်ရှိသော သွားတိုက်ဆေးကို သုံးသင့်ပြီး ၃ နှစ်အထက်ကလေးများကိုတော့ ပဲစေ့အရွယ်ပမာဏကို အသုံးပြုနိုင်ပါတယ်။
● အသက် ၂ နှစ်နောက်ပိုင်းကလေးများကိုတော့ သွားကြားထိုးသောချည်မျှင်ကို အသုံးပြုပေးနိုင်ပါတယ်။
● ကလေးအား အချိုများသောအစာများ ကျွေးခြင်းကို ကန့်သတ်သင့်ပါတယ်။
● နို့ဘူးတိုက်သောကလေးများအား နို့ဘူးအတွင်း အချိုရည်များထည့်တိုက်ခြင်း ရှောင်ပါ။
● ကလေးအား သွားဆရာဝန်နှင့်ပြသပြီး သွားသန့်ရှင်းရေး ပုံမှန်လုပ်ပေးပါ။
လေပြေနုသွေး (ဆေး-၂) (www.drmyanmar.com)
Related News And Articles
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...
မေမေတို့သိထားတဲ့အတိုင်း ဘေဘီလေးတွေရဲ့ အသားအရေဟာ နူးညံ့ပြီး ထိခိုက်လွယ်တာကြောင့် ရေချိုးဆပ်ပြာကို သေချာရွေးချယ်ပြီး၊ ရေချိုးပြီးတဲ့အခါ အသားအရေကို သေချာထိန်းသိမ်းပေးသင့်ပါတယ်။ ဒီလိုလုပ်ပေးခြင်းဖြင့် ဘေဘီလေးရဲ့အသားအရေကို နူးညံ့ချောမွေ့စေပြီး ဓာတ်မတည့်မှုကင်းဝေးကာ ကျန်းမာတဲ့အသားအရေကို ရရှိစေပါတယ်။...
