သားသားမီးမီးလေးတွေ အိပ်ရာထဲ ရှူးပေါက်ချတုန်းလား
ကလေးဘဝမှာ အိပ်ရာထဲ ဆီးသွားတယ်ဆိုတာ ဖြစ်လေ့ဖြစ်ထ အရာတစ်ခုပါပဲနော်။ မျိုးရိုးလိုက်တတ်တဲ့ အကြောင်းရပ်တစ်ခုလည်း ဖြစ်ပါတယ်။ စိတ်ညစ်စရာဆိုပေမယ့် ကြီးလာတာနဲ့ သူ့ဟာသူ ပြန်ပျောက်သွားတတ်တဲ့အကျင့်တစ်ခုပါပဲ။
** ကလေးရှူးပေါက်ချတတ်ရင်
>> လုပ်သင့်တာတွေက
● နေ့ဘက်မှာ ရေ ဝအောင်တိုက်ပါ။
● ကလေးကို ဆီး မှန်မှန်တည်ပါ။ ညအိပ်ခါနီးအပါအဝင် တစ်နေ့ကို ၇-၈ ကြိမ်လောက်ရှိပါစေ။
● အိပ်ခါနီး အိမ်သာတက်တာလိုမျိုး ကောင်းတဲ့အပြုအမူမျိုးလုပ်ရင် ဘာဆုချမယ်ဆိုတာ ကလေးနဲ့ တိုင်ပင်ပါ။
● အိပ်ရာကို ရေစိုခံတဲ့အခင်းတွေ ခင်းပေးပါ။
● ညဘက်မှာ အိမ်သာကို အလွယ်တကူ ထသွားနိုင်အောင် လုပ်ပေးပါ။
Nutroplex 1
>> မလုပ်သင့်တာတွေကတော့ -
● ကလေးကို အပြစ်မပေးပါနဲ့။ ကလေးအပြစ် မဟုတ်တာကြောင့် ပိုဆိုးစေနိုင်ပါတယ်။
● ကလေးကို ဆီးသွားစေတတ်တဲ့ ကော်ဖီ၊ ကိုလာ၊ လက်ဖက်ရည် စတဲ့ အဖျော်ရည်တွေ မတိုက်ပါနဲ့။
● ကလေးကို ညဘက်နှိုးနှိုးပြီး သေးတည်တာမျိုးက အထောက်အကူ မဖြစ်စေပါဘူး။
ကလေးငယ်လေးတွေမှာ ညဘက်ဆီးပေါက်ချတာ ပုံမှန်ပါပဲ။ အထူးသဖြင့် အသက် ၅ နှစ်အောက် ကလေးတွေမှာပေါ့။
>> အကယ်၍ -
● ဒီနည်းလမ်းတွေသုံးရက်နဲ့ ကလေး သေးပေါက်ချနေသေးရင်
● ၆ လထက် ပိုကြာအောင် သေးမပေါက်ချဘဲနေပြီးမှ ပြန်ပေါက်ချနေရင် ဆရာဝန်နဲ့ ပြကြည့်ပါ။
Nutroplex 2
>> ဆရာဝန်ရဲ့ကုထုံးများ
ဆရာဝန်က ဒီကုထုံးတွေကို ချပြပါလိမ့်မယ်။
● သေးပေါက်ချရင် နာရီသံပတ်မြည်တာ
● ညဘက် ဆီးနည်းစေတဲ့ဆေးတွေ ပေးတာ စသဖြင့်ပေါ့။
ဒီနည်းတွေ အလုပ် ဖြစ်၊ မဖြစ်ကိုလည်း ဆရာဝန်က စောင့်ကြည့်ပါလိမ့်မယ်။
ဒီနည်းတွေနဲ့ အလုပ်မဖြစ်ရင် အထူးကုနဲ့ လွှဲပေးပါလိမ့်မယ်။
>> ဘာကြောင့် ညဘက် ဆီးပေါက်ချတတ်ကြတာလဲ?
● အိပ်နေတုန်း ဆီးထမပေါက်ချင်တာ
● ညဘက်ကို ဆီးထွက်များနေတာ
● အိမ်မှာ၊ ကျောင်းမှာ စိတ်ဖိစီးမှုများနေတာ စတဲ့ အကြောင်းတွေကြောင့် ဖြစ်နိုင်ပါတယ်။
ဆီးချိုတို့၊ ဝမ်းချုပ်ခြင်းတို့ စတဲ့ ရောဂါတွေကြောင့်လည်း ညဘက် ဆီးထွက်ကျတတ်ပါသေးတယ်။
Dr. Mya Phoo Ngon (www.drmyanmar.com)
Related News And Articles
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...
မေမေတို့သိထားတဲ့အတိုင်း ဘေဘီလေးတွေရဲ့ အသားအရေဟာ နူးညံ့ပြီး ထိခိုက်လွယ်တာကြောင့် ရေချိုးဆပ်ပြာကို သေချာရွေးချယ်ပြီး၊ ရေချိုးပြီးတဲ့အခါ အသားအရေကို သေချာထိန်းသိမ်းပေးသင့်ပါတယ်။ ဒီလိုလုပ်ပေးခြင်းဖြင့် ဘေဘီလေးရဲ့အသားအရေကို နူးညံ့ချောမွေ့စေပြီး ဓာတ်မတည့်မှုကင်းဝေးကာ ကျန်းမာတဲ့အသားအရေကို ရရှိစေပါတယ်။...
