သူများဖျားတိုင်း လိုက်မဖျားတဲ့ ကလေးတွေဖြစ်စေဖို့အတွက် လျို့ဝှက်ချက်များ
၁။ ကလေးလက်များကို သန့်ရှင်းစင်ကြယ်စွာထားပါ။
လက်ကိုပုံမှန်ဆေးကြောခြင်းကအသက်ရှူလမ်းကြောင်းနဲ့ အစာအိမ်နဲ့အူလမ်းကြောင်းဆိုင်ရာရောဂါတွေ ပျံ့နှံ့မှုကိုလျော့ကျစေတဲ့အတွက် ကိုယ့်ရဲ့ကလေးတွေကိုကျောင်း/ မူကြိုကပြန်လာချိန်၊ ကစားပြီးချိန်၊ အစာမစားမီအချိန်၊ အိမ်သာကထွက်လာတဲ့အချိန်တွေမှာ လက်ပုံမှန်ဆေးတဲ့အကျင့်၊ လက်သန့်စင်ဆေးရည်နဲ့ပွတ်တိုက်တဲ့အကျင့်လုပ်ပေးထားပါ။ လက်ကိုပွတ်တိုက်ဆေးကြောတဲ့အခါမှာ ၁၅-၂၀ စက္ကန့်ကြာကြာပွတ်တိုက်ဆေးကြောဖို့ အရေးကြီးပါတယ်။
၂။ နေ့စဉ် ကိုယ်လက်လှုပ်ရှားမှုရှိပါစေ။
နေ့စဉ် ကိုယ်လက်လှုပ်ရှားမှုအသင့်အတင့် ပုံမှန်ရှိနေခြင်းကတစ်နှစ်ပတ်လုံးမှာအအေးမိခြင်းနဲ့တုတ်ကွေးဖြစ်နိုင်ချေကို ၂၅-၅၀% လျော့ကျစေပါတယ်။
Ceelin Plus 1
၃။ အိပ်ရေး၀အောင် အိပ်စက်အနားယူပါစေ။
ကလေးတွေကိုစောစောအိပ်ခိုင်းပါ။ အိပ်ရေးမဝခြင်းကတုပ်ကွေးနဲ့ အအေးမိခြင်းဖြစ်နို်င်ချေကို နှစ်ဆလောက်မြင့်တက်စေပါတယ်။
၄။ မျက်နှာကိုလက်ဖြင့် ထိတွေ့ကိုင်တွယ်ခြင်းမပြုပါစေနှင့်။
အအေးမိ၊ တုပ်ကွေးဗိုင်းရပ်စ်ပိုးတွေက ခန္ဓာကိုယ်ထဲကို နှာခေါင်း၊ မျက်လုံး၊ ပါးစပ်တွေကနေတစ်ဆင့်ဝင်ရောက်တဲ့အတွက် ကလေးတွေကိုမျက်နှာကိုလက်နဲ့မထိတွေ့မပွတ်သပ်ဖို့ပြောပါ။ ဒီနည်းကလုံးဝလိုက်နာဖို့ခက်တဲ့အတွက် လက်ဆေးနည်းကတော့ ပိုပြီးအရေးကြီးတဲ့နည်းလမ်းဖြစ်ပါတယ်။ ကလေးကို ပိုက်၊ ခွက်နဲ့ သွားတိုက်တံတွေကိုတခြားသူတွေနဲ့ မျှဝေသုံးစွဲခြင်းမပြုဖို့ သင်ပေးထားပါ။
Ceelin Plus 2
၅။ ကျန်းမာရေးနဲ့ညီညွတ်မျှတတဲ့အစားအစာတွေကျေွးပါ။
အရောင်အသွေးစုံတဲ့ သစ်သီးတွေ၊ ဟင်းသီးဟင်းရွက်တွေပါဝင်တဲ့အစားအစာကကလေးရဲ့ ခုခံအားစနစ်ကို မြှင့်တင်ပေးပါတယ်။ ဒါကြောင့် ဗီတာမင် C ကြွယ်ဝတဲ့အစားအစာများ( မုန်လာ၊ စတော်ဘယ်ရီ၊ လိမေ္မာ်သီး) နှင့် ဗီတာမင် D ကြွယ်ဝသောအစားအစာများ (တူနာ၊ နို့နှင့် ကောက်ပဲသီးနှံ) စတဲ့အစားအစာတွေကျေွးပါ။ probiotic ပါဝင်တဲ့ ဒိန်ချဉ်ကလည်းကိုယ်ခံအားကိုတည်ဆောက်ပေးပါတယ်။
၆။ တုပ်ကွေးကာကွယ်ဆေးထိုးထားပါ။
တုပ်ကွေးကိုကာကွယ်ဖို့အတွက် အကောင်းဆုံးနည်းလမ်းတစ်ခုကတော့ တစ်နှစ်တစ်ကြိမ် တုပ်ကွေးကာကွယ်ဆေးထိုးပေးခြင်းပဲဖြစ်ပါတယ်။
Dr. Mya Myo Myo Swe (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...