အအိပ်မက်တဲ့သားသားမီးမီးတွေ အကြီးမြန်သတဲ့
ရင်သွေးလေးက လိုတာထက်ပိုအိပ်လွန်းတဲ့အခါ အနည်းနဲ့ အများဆိုသလို စိတ်ပူကြရပါတယ်။ ဒါပေမယ့် မကြာခဏ နှစ်နှစ်ခြိုကိခြိုက် အိပ်စက်တတ်တဲ့ လသားလေးတွေ၊ ရက်သားလေးတွေဟာ ကျန်းမာရေးပိုကောင်းပြီး ဖွ့ံဖြိုးကြီးထွားနှုန်းမြန်ဆန်ပါသတဲ့။
အီမိုရီတက္ကသိုလ်က ပါမောက္ခတွေဟာ ရက်သားအရွယ် ကလေးလေးတွေကို သုတေသနလုပ်ခဲ့ကြပါတယ်။
• ယောကျ်ားလေး ၉ယောက်။ မိန်းကလေး၁၄ယောက်
• သူတို့ကိုကျွေးတဲ့ အစာ( နို့ / နို့ဘူး )
• အိပ်တဲ့ အချိန် နာရီ
• အဖျားအနာကင်းမကင်း
• မူရင်းအတိုင်းအတာ
• ကိုယ်အလေးချိန်တို့ကို တိုင်းတာစောင့်ကြည့်ခဲ့ကြပါတယ်။
Ceelin 1
စောင့်ကြည့်ပြီးတဲ့အခါ နေ့ခင်းကိုပိုအိပ်ပြီး အိပ်ချိန်ပိုကြာတဲ့ ကလေးတွေဟာ ကြီးထွားနှုန်း ၄၃ ရာခိုင်နှုန်းတက်လာတာကို တွေ့ရပါသတဲ့။
သူတို့လေးတွေပိုအိပ်တဲ့နာရီတိုင်းဟာ သူတို့ ကို ၂၀ ရာခိုင်နှုန်းပိုမိုကြီးထွားလာစေပြီး အဲလိုကြီးထွားလာတာဟာ များများအိပ်ပြီး ၄၈ နာရီအတွင်းစတင်ပါသတဲ့။
ဒီတော့ များများအိပ်တဲ့ လသားလေးတွေ၊ ရက်သားလေးတွေဟာ ကောင်းကောင်းအိပ်ပြီး နှစ်ရက်အတွင်း အံ့သြစရာကောင်းလောက်အောင် ဖွံဖြိုးကြီးထွားလာပါသတဲ့။
Ceelin 2
ယေဘုယျအားဖြင့် ကလေးတွေက လူကြီးတွေထက် အိပ်ချိန်အများကြီး ပိုလိုအပ်ပါတယ်။ နှစ်နှစ်ခြိုက်ခြိုက်အိပ်စက်ခြင်းဟာ သူတို့လေးတွေအနေနဲ့ ဖိစီးမှုတွေ၊ ငိုရတာတွေကနေ ကင်းလွတ်ခွင့်အကြာကြီးရနေတာဖြစ်လို့ သူတို့ရဲ့ ကြီးထွားနှုန်းတက်လာတာ ဖြစ်ပါတယ်။
• ယောကျ်ားလေးတွေက မိန်းကလေးတွေထက် အိပ်ချိန်တိုပေမယ့် ခဏခဏအိပ်သတဲ့။
• သုံးကြိမ်လောက်..ဥပမာ ၄ နာရီ ၅ နာရီခန့်…ပိုအိပ်တတ်တဲ့ ကလေးဟာ ကြီးထွားနှုန်းအလိုလိုတက်လာမှာဖြစ်ပါတယ်။
• မိခင်နို့်တိုက်ကျွေးတဲ့ကလေးတွေက ဖော်မြူလာနို့မှုန့်တိုက်တဲ့ကလေးတွေထက် နေ့ခင်းမှာခဏလေးနဲ့ မကြာမကြာအိပ်တတ်ကြတာကိုတွေ့ရပါတယ်။
ဂျီပီငှက် (ဆေး/မန်း) (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...