ကိုယ်ဝန်ဆောင်ချိန်မှာ ကော်ဖီသောက်လို့ရသလား ?

အရင်တုန်းကတော့ ကိုယ်ဝန်ရှိပြီဆိုရင် ကော်ဖီအပါအဝင် ကဖင်းဓာတ်ကို လုံးဝမစားသောက်ဖို့ အကြံပြုထားတာကို တွေ့ရပါတယ်။ ဒီနေ့ခေတ်မှာတော့ ကျွမ်းကျင်ပညာရှင်တွေဟာ ကိုယ်ဝန်ဆောင်မိခင်တွေလည်း ကဖင်းအသင့်အတင့်ပမာဏကို မှီဝဲပေးလို့ရပါတယ်ဆိုပြီး ပြောလာကြပါတယ်။ American College of Obstetricians and Gynecologists (ACOG) ရဲ့ အဆိုပြုချက်အရ ကိုယ်ဝန်ဆောင်မိခင်တို့ မှီဝဲနိုင်တဲ့ စိတ်ချရတဲ့ ကဖင်းဓာတ်ပမာဏဟာ တစ်နေ့ကို (၂၀၀) မီလီဂရမ်ထက် မပိုသင့်ဘူးလို့ သိရပါတယ်။ ဒီပမာဏဟာ (၁၂) အောင်စရှိတဲ့ ကော်ဖီတစ်ခွက် သောက်သုံးခြင်းနဲ့ ညီမျှပါတယ်။ ဒီ့ထက်ပိုများသွားတဲ့အခါ တိတိကျကျတော့ မပြောနိုင်ပေမယ့် ကလေးမှာ သားပျက်သားလျှောဖြစ်ခြင်း၊ ကိုယ်အလေးချိန်နည်းခြင်း အစရှိတဲ့ပြဿနာတွေ ဖြစ်လာနိုင်သလို အမေအနေနဲ့လည်း မကြာခဏဆီးသွားခြင်း၊ ရင်ပူခြင်း၊ သွေးအားနည်းခြင်း စတဲ့ပြဿနာတွေ ကြုံလာနိုင်ပါတယ်။