ကိုယ်ဝန်ဆောင်ချိန် ကြွက်တက်ခြင်းကင်းဝေးစေရန် စားသုံးပေးသင့်သော အာဟာရများ
ကိုယ်ဝန်ဆောင်မိခင်တွေအနေနဲ့ ရင်သွေးလေးကို ဝမ်းနဲ့လွယ်ထားရလို့ သက်သောင့်သက်တာမရှိချိန်မှာ ကြွက်တက်တာကိုပါ ခံစားရရင်တော့ ကသိကအောက်ဖြစ်စရာပါပဲနော်။ အထူးသဖြင့် ညဘက်တွေမှာဖြစ်ရင် အိပ်ရေးပျက်ပြီး ကျန်းမာရေးထိခိုက်နိုင်ပါတယ်။ အာဟာရဓာတ် ချို့တဲ့ရင်လည်း ကြွက်တက်နိုင်တာကြောင့် ကိုယ်ဝန်ဆောင်ချိန်မှာ ကြွက်တက်ခြင်းကင်းဝေးအောင် ကူညီပေးနိုင်တဲ့ အာဟာရဓာတ်တွေအကြောင်းကို မျှဝေပေးချင်ပါတယ်။
Obimin Calcium IA 1
ကယ်လ်ဆီယမ် - ကြွက်သားလုပ်ဆောင်ချက် ကောင်းမွန်စေရန် ကူညီပေးတာကြောင့် ကိုယ်ဝန်ဆောင်ချိန်မှာ နို့နဲ့နို့ထွက်ပစ္စည်းများ၊ အစိမ်းရောင်အရွက်များ၊ ကယ်လ်ဆီယမ်ဖြည့်စွက်ထားသော အစားအသောက်များကို စားသောက်ပေးသင့်ပါတယ်။
မဂ္ဂနီဆီယမ် - ကြွက်သားတွေကို ပျော့ပျောင်းစေပြီးတော့ ကြွက်တက်တဲ့အကြိမ်ရေကို လျော့နည်းစေတာကြောင့် အခွံမာသီးများ၊ အစေ့အဆံများ၊ ပြုပြင်ထားခြင်းမရှိသော ကောက်ပဲသီးနှံများ၊ အစိမ်းရောင်အရွက်များကို စားပေးသင့်ပါတယ်။
ပိုတက်ဆီယမ် - ကြွက်သားလုပ်ဆောင်မှုကို ကောင်းမွန်စေတာကြောင့် ငှက်ပျောသီး၊ လိမ္မော်သီး၊ အာလူးနဲ့ ပဲအမျိုးမျိုးတို့ကို စားသုံးပေးပါ။
Obimin Calcium IA 2
Vitamin D - ကယ်လ်ဆီယမ်စုပ်ယူမှုကို အားပေးတာကြောင့် Vitamin D ရရှိဖို့အတွက် နေရောင်ခံပေးပါ။ နေရောင်ခြည်ခံယူဖို့ အခက်အခဲရှိသူများအနေနဲ့ Vitamin D ဖြည့်စွက်ထားတဲ့ အစားအသောက်များ၊ ဖြည့်စွက်အားဆေးများကို မှီဝဲပေးသင့်ပါတယ်။
အမျှင်ဓာတ် - ဝမ်းချုပ်တဲ့အခါ ကြွက်တက်ခြင်းကို ပိုဆိုးစေတာကြောင့် ကိုယ်ဝန်ဆောင်မိခင်တို့ ဝမ်းမှန်စေဖို့အတွက် အမျှင်ဓာတ်ကြွယ်ဝတဲ့ အသီးအနှံများ၊ ဟင်းသီးဟင်းရွက်များ၊ မပြုပြင်ထားတဲ့ ကောက်ပဲသီးနှံများကို ပိုမိုစားသုံးပေးသင့်ပါတယ်။
ဖော်ပြပေးခဲ့တဲ့ အာဟာရဓာတ်တွေဟာ ကြွက်တက်တာကို အထိုက်အလျောက် လျော့နည်းစေပါတယ်။ ကိုယ်ဝန်ဆောင်ချိန်မှာ ဒီလိုအစားအစာတွေကို ပိုမိုစားသုံးပေးတဲ့အပြင် ရေများများသောက်ခြင်း၊ လေ့ကျင့်ခန်းလုပ်ခြင်း၊ ကိုယ်ဝန်ဆောင်အားဆေးများ မှီဝဲပေးခြင်းဖြင့်လည်း ကြွက်တက်ခြင်းကင်းဝေးစေရန် ကူညီပေးနိုင်ပါတယ်။
Related News And Articles
ကိုယ်ဝန်ဆောင်ချိန်မှာ ဟော်မုန်းအပြောင်းအလဲကြောင့်၊ ကြီးထွားလာတဲ့ ရင်သွေးလေးဟာ အစာအိမ်ကို ဖိထားခြင်းကြောင့်၊ အစာအိမ်ထဲကအက်စစ်တွေ အစာရေမျိုထဲ ပြန်တက်ခြင်းကြောင့် အစာမကြေခြင်းနဲ့ ရင်ပူခြင်းကို ခံစားရလေ့ရှိပါတယ်။ ဒီလက္ခဏာကို သက်သာစေဖို့အတွက်…
တချို့အမျိုးသမီးတွေဟာ ကိုယ်ဝန်ဆောင်ချိန်မှာ ဟော်မုန်းအပြောင်းအလဲကြောင့် သွားဖုံးတွေရောင်ပြီးတော့ သွားဖုံးသွေးယိုတာမျိုးတွေ ဖြစ်တတ်ကြပါတယ်။ ဒါကြောင့် ကိုယ်ဝန်ဆောင်ချိန်မှာ သွားနဲ့သွားဖုံးကျန်းမာရေးကို သေချာဂရုစိုက်ပေးဖို့ လိုအပ်ပါတယ်။ ကိုယ်ဝန်ဆောင်မိခင်တို့အတွက် သွားနဲ့သွားဖုံးကျန်းမာအောင် ပြုလုပ်...