ကိုယ်ဝန်ဆောင်ချိန် ခြေထောက်ကြွက်တက်တဲ့အခါ
ကိုယ်ဝန်ဆောင်အမျိုးသမီးတွေရဲ့ တစ်ဝက်လောက်မှာ ခြေထောက် ကြွက်တက်တတ်ကြပါတယ်။ ဘာကြောင့်ဖြစ်တာလဲဆိုတာ သေသေချာချာ ရေရေရာရာ မသိသေးပေမယ့် သွေးထဲမှာ ကယ်လ်စီယမ်နည်းတာ၊ ဖော့စ်ဖရပ်စ်များတာ စတာတွေကြောင့် ဖြစ်ဖို့များပါတယ်။
ကိုယ်ဝန်ဆောင် ဒုတိယကာလနဲ့ တတိယကာလတွေမှာ ဖြစ်တတ်ပြီးတော့ ညဘက်မှာ ဖြစ်တာများပါတယ်။
Obimin 1
>> ခြေထောက်ကြွက်တက်တယ်ဆိုရင် -
● ခြေထောက်ကို ဆန့်ထားပါ။
● ခြေချင်းဝတ်ကို ကွေးလိုက်ပါ။ (ခြေချောင်းလေးတွေကို ခေါင်းဘက်ကို ဦးတည်လိုက်ပါ။)
● ခြေသလုံးကို နှိပ်နယ်ပေးပါ။
● ခြေသလုံးကြွက်သားတွေ ဆန့်သွားအောင် လမ်းပတ်လျှောက်ပေးပါ။
● ဒီလိုလျှောက်တဲ့အခါမှာတော့ ခြေချောင်းတွေကို မဆန့်ထားပါနဲ့နော်။
Obimin 2
အဖြစ်နည်းပေမယ့်လည်း ကိုယ်ဝန်ဆောင်ချိန် ခြေသလုံးသွေးကြော သွေးခဲပိတ်တာကြောင့်လည်း ဖြစ်နိုင်ပါတယ်။ ဒီလိုသွေးခဲပိတ်တာဟာ အသက်အန္တရာယ်ရှိတတ်ပြီး ဆေးကုသမှုခံယူဖို့လိုပါတယ်။
>> ခြေသလုံးသွေးကြောသွေးခဲပိတ်ခြင်းရဲ့လက္ခဏာရပ်တွေကတော့ -
1. ခြေထောက်တစ်အားနာခြင်း၊
2. ဖောရောင်ခြင်း
3. ဖျားခြင်း စတာတွေနဲ့ လာတတ်ပါတယ်။
ခြေထောက်ဟာ ပြာနေ၊ ဖြူနေတတ်ပြီး ကိုင်ကြည့်လိုက်ရင် အေးနေ၊ ပူနေတတ်ပါတယ်။ အကယ်၍ ခြေထောက်နာတာ၊ ရောင်တာ ဆက်ဖြစ်နေရင်တော့ ဆရာဝန်နဲ့ ချက်ချင်းပြဖို့ လိုပါတယ်။
Dr. Mya Phoo Ngon (www.drmyanmar.com)
Related News And Articles
အာဟာရပညာရှင်အများစုကတော့ နွားနို့ဟာ ကိုယ်ဝန်ဆောင်မိခင်တွေအတွက် အသင့်တော်ဆုံးနို့အမျိုးအစားလို့ ဆိုကြပါတယ်။ ဘာလို့ဆို နွားနို့မှာ မိခင်နဲ့ကလေးအတွက် လိုအပ်တဲ့ အာဟာရဓာတ်တွေ (အထူးသဖြင့် ကယ်လ်ဆီယမ်၊ ဗီတာမင်ဒီနဲ့ ပရိုတင်းဓာတ်) ကြွယ်ဝစွာပါဝင်လို့ ဖြစ်ပါတယ်။ ဒါပေမဲ့ နွားနို့သောက်တဲ့အခါ သန့်စင်ထား...
အသီးအနှံတွေဟာ ကျန်းမာရေးနဲ့ညီညွတ်ပေမယ့် တချို့အသီးတွေကတော့ ကိုယ်ဝန်ဆောင်မေမေတို့ စားသုံးဖို့ မသင့်တော်တာမျိုး ရှိပါတယ်။ ဘယ်လိုအသီးတွေဖြစ်မလဲဆိုတာ လေ့လာကြည့်ကြရအောင်နော်။