ကိုယ်ဝန်ဆောင်ချိန် ပိုးသတ်ဆေးတွေသောက်တာ ဘေးကင်းရဲ့လား

>>  ကိုယ်ဝန်ဆောင်ကာလမှာ ရှောင်သင့်သော ပိုးသတ်ဆေးတွေကတော့ -
●  Macrolides အုပ်စု၊ Quinolones အုပ်စု၊ Tetracyclines အုပ်စု၊ Sulfonamides အုပ်စု၊ Metronidazole အုပ်စုတို့ဖြစ်ပြီး ကိုယ်ဝန်ပျက်ကျနိုင်ချေကို မြင့်မားစေပါတယ်။
●  Tetracycline ဆေးဟာ သန္ဓေသားရဲ့သွားတွေကို ဝါစေနိုင်တဲ့အတွက် ကိုယ်ဝန် ၁၅ ပတ်မတိုင်ခင် သောက်သုံးတာမျိုး ရှောင်သင့်ပါတယ်။

ကိုယ်ဝန်ဆောင်မိခင်တွေအနေနှင့် ကျန်းမာရေးအခြေအနေအရ ပိုးသတ်ဆေးသောက်ဖို့ လိုတာမျိုး ရှိနိုင်ပါတယ်။ ပိုးသတ်ဆေးတစ်မျိုးနှင့်တစ်မျိုး ဆိုးကျိုးခြင်း မတူနိုင်ပါဘူး။ ကိုယ်ဝန်ဆောင်စဉ် ပိုးသတ်ဆေးများကြောင့် ရနိုင်တဲ့ဆိုးကျိုးအများစုကတော့ -
●  အသားဝါခြင်း
●  သန္ဓေသားရဲ့ အရိုးဖွံ့ဖြိုးမှုကို ထိခိုက်ခြင်း
●  သန္ဓေသားရဲ့သွားအရောင်ကို ထိခိုက်စေခြင်းတို့ ဖြစ်ပါတယ်။
ကိုယ်ဝန်ဆောင်မိခင်များအနေနှင့် ပိုးသတ်ဆေးများ သောက်သုံးရပါက မွေးလာသောကလေးမှာ ပိုးဝင်ခြင်းကြောင့် ဆေးရုံတက်ရနိုင်ချေ ၂၀ ရာနှုန်း မြင့်မားနိုင်ပါတယ်။ ဒါကြောင့် မေမေတို့အနေနှင့် ဆရာဝန်နှင့် စနစ်တကျတိုင်ပင်ပြီးမှသာ ပိုးသတ်ဆေး သောက်သုံးသင့်ပါတယ်။

လေပြေနုသွေး (ဆေး-၂) (www.drmyanmar.com)