ကိုယ်ဝန်ဆောင်မိခင်လောင်းတို့ အာဟာရပြည့်ဝစေဖို့

>>  ကိုယ်ဝန်ဆောင်ကာလ ဒုတိယ (၃) လအတွက်
●  သံဓာတ်ပြည့်ဝဖို့ အရေးကြီးတဲ့အချိန်ဖြစ်တာမို့ သံဓာတ် ပါဝင်သော အစားအစာများဖြစ်တဲ့ ကြက်သား၊ အနီရောင်အသားများ၊ ငါး၊ ပဲအမျိုးမျိုးနှင့် အစိမ်းရင့်ရောင်အရွက်များကို နေ့စဉ်စားသုံးပါ။
●  သန္ဓေသားရဲ့ဦးနှောက်ကို ဖွံ့ဖြိုးစေမည့် အိုမီဂါ ၃ ဖက်တီးအက်စစ်ပါဝင်သော ဆယ်လ်မွန်ငါး၊ ဆာဒင်းငါး စသည်တို့ကို စားပေးပါ။ သစ်ကြားသီး၊ သစ်အယ်သီး ကဲ့သို့ အစေ့အဆံများကိုလည်း သရေစာအဖြစ် စားပေးနိုင်ပါတယ်။
●  ကိုယ်ဝန်ဆောင်ကာလမှာ ဝမ်းချုပ်ခြင်းကို ကာကွယ်စေဖို့ သစ်သီးနှင့် အသီးအရွက်တွေကိုလည်း စားပေးသင့်ပြီး တစ်နေ့ကို ရေ ၁ လီတာခွဲကနေ ၂ လီတာထိ သောက်ပေးပါ။

>>  ကိုယ်ဝန်ဆောင်ကာလ တတိယ (၃) လအတွက်
●  ဒီကာလမှာ ကယ်လ်စီယမ်နှင့် ဗီတာမင်ဒီ ပြည့်ဝဖို့ လိုအပ်တာကြောင့် နို့နှင့် နို့ထွက်ပစ္စည်းများ၊ အစိမ်းရင့်ရောင်အရွက်များ၊ အရိုးပါ ဝါးစားလို့ရတဲ့ငါးများ၊ အစေ့အဆံများ၊ တို့ဟူး စသည်တို့ကို စားပေးပါ။
●  ဗီတာမင်ဒီကို မနက်ခင်း နေရောင်ခြည်ကို ၁၅ မိနစ်ခန့် ခံယူခြင်းဖြင့် ရနိုင်သလို ကြက်ဥ၊ အသား၊ အဆီပါသောငါးများကနေလည်း ရရှိနိုင်ပါတယ်။