ကိုယ်ဝန်အစောပိုင်းကာလမှာ အိပ်မပျော်တာကို ဘယ်လိုကုစားကြမလဲ

တခြားအကြောင်းရင်းအနေနဲ့ စိတ်ဖိစီးမှုကလည်းတစ်ကြောင်း ပါဝင်ပါတယ်။ ကလေးမွေးဖို့ဖွားဖို့ကိစ္စတွေ၊ မိခင်တစ်ယောက်အနေနဲ့ အလုပ်တာဝန်နဲ့ ကလေးတာဝန် မျှအောင်လုပ်ရမယ့်အရေးတွေကို စိတ်ပူပန်နေတတ်တာလည်း ပါပါတယ်။ ဒီအတွေးတွေကြောင့် တစ်ညလုံး မိုးလင်းတာမျိုး ဖြစ်တတ်ပါတယ်နော်။
ဒီအတွေးတွေကို ပယ်ဖျောက်ဖို့ကတော့ ခက်ခဲနေမှာပါ။ ဒါပေမဲ့ ဒီလိုတွေးနေလို့ အကျိုးမထူးဘူးလို့တွေးပါ။ ဒီအစား ကိုယ်စိတ်ပူနေတာကို ချရေးပါ။ ဒီနည်းက ဖြေရှင်းနိုင်တဲ့နည်းလမ်းတွေကို ညွှန်ပြနိုင်မှာပါ။ ဖြေရှင်းနည်းမရှိရင်လည်း ဒီကိစ္စကိုမေ့ပစ်ပြီး နောက်စိတ်ပူတာတစ်ခုကို ပြောင်းရေးပါ။ ဒါမှသာ ကိုယ့်စိတ်ထဲက ဝန်ထုပ်တွေပျောက်ပြီး ကောင်းကောင်းအနားယူနိုင်မှာပါ။
●  ကိုယ့်ခင်ပွန်းကို ကိုယ့်စိတ်ပူစရာတွေကို ပြောပြတာကလည်း စိတ်သက်သာရာရစေနိုင်ပါတယ်။
●  ညအိပ်ခါနီးလုပ်နေကျ လုပ်ရိုးလုပ်စဉ်ကို သတ်မှတ်လုပ်ဆောင်ပါ။
●  အိပ်မပျော်ဝေဒနာကိုကုစားဖို့နည်းလမ်းတစ်ခုက အိပ်ခါနီးလုပ်ရိုးလုပ်စဉ် သတ်မှတ်ဖို့ပါ။
●  ညတိုင်း ညအိပ်ချိန် တစ်သမတ်တည်း သတ်မှတ်ပေးဖို့က ပထမဆုံးအဆင့်ပါပဲ။

ညအိပ်ရာမဝင်ခင် အနည်းဆုံး ၁ နာရီကြိုပြီး တီဗီတွေ၊ ဖုန်းတွေ မကြည့်ပါနဲ့။ တီဗီ၊ ဖုန်း၊ တက်ဘလက်ကလာတဲ့ အပြာရောင်အလင်းဟာ ကိုယ်ခန္ဓာရဲ့နေ့ညနရီကို ပျက်သွားစေနိုင်ပါတယ်။ ဒီအစား စာအုပ်လေး ဖတ်ပေးပါ။
ရေလေး အေးအေးဆေးဆေး ချိုးပေးတာကလည်း စိတ်ကို ပြေလျော့စေနိုင်ပါတယ်။ ဗိုက်ထဲက ကလေးလေးကို မထိခိုက်အောင် ရေပူပူကြီးချိုးတာမျိုးတော့ ရှောင်ပေါ့။ အထူးသဖြင့် ကိုယ်ဝန်အစောပိုင်းကာလတွေမှာပါ။

●  အစားအသောက်နဲ့ လေ့ကျင့်ခန်း
အစားအသောက်နဲ့ လေ့ကျင့်ခန်းကလည်း အိပ်ချိန်ပေါ် သက်ရောက်မှု ရှိပါတယ်။

●  ရေသောက်ပါ
တစ်နေကုန် ရေ အများကြီးသောက်ပါ။ ၇ နာရီနောက်ပိုင်းရောက်ရင်တော့ လျှော့သောက်ပါတော့။ နေ့ခင်းနှောင်းပိုင်းရောက်လာရင် ကော်ဖီ ထပ်မသောက်ပါနဲ့တော့။

●  ကောင်းကောင်းစားပါ
ညနေစာကို ကောင်းကောင်းစားပါ။ ဒါပေမဲ့ ရင်ပူတာကိုရှောင်ရှားဖို့ အေးဆေး အချိန်ယူစားပေးပါ။ စောစောစားလို့လည်းရပေမယ့် ညဘက်အိပ်ရင်တော့ ဗိုက်ဟောင်းလောင်းနဲ့ ဗိုက်ဆာနေတာမျိုးတော့ မဖြစ်ပါစေနဲ့။ ညနေပိုင်း ဗိုက်ဆာရင် အဆာပြေတစ်ခုခု စားပေးပါ။ ပရိုတင်းအသားဓာတ်များတာ စားပေးရင် တစ်ညလုံးကို သွေးတွင်းအချိုဓာတ် ငြိမ်နေစေနိုင်ပါတယ်။ နို့နွေးနွေးလေး တစ်ခွက်သောက်တာကလည်း ကောင်းကောင်းအိပ်ပျော်စေပါတယ်။

●  လေ့ကျင့်ခန်း လုပ်ပါ
နေ့ပိုင်းမှာ လှုပ်လှုပ်ရှားရှားနေပါ။ ဒါမှ ညဘက်မှာ ကောင်းကောင်း အနားယူနိုင်မှာပါ။

●  သက်သောင့်သက်သာရှိဖို့က အရေးကြီးပါတယ်
အိပ်ခန်းကို သက်သောင့်သက်သာဖြစ်နေအောင် ထားပေးခြင်းက ကောင်းကောင်းအိပ်ပျော်စေဖို့ သော့ချက်ပါပဲ။