ဒုတိယကလေးယူမယ့်အချိန် ပြင်ဆင်သင့်သည့်အချက်များ
ဒုတိယကလေးယူဖို့ပြင်ဆင်ရမှာလညး် မိခင်တွေဟာ စိန်ခေါ်မှုတွေနဲ့ ရင်ဆိုင်ရပါတယ်။ ဒါကြောင့် ချောချောမွေ့မွေ့ ကိုယ်ဝန်ဆောင်မီးဖွားနိုင်ဖို့ အောက်ပါအချက်တွေကို ကြိုတင်ပြင်ဆင်ပြုလုပ်ဖို့တော့ လိုပါလိမ့်မယ်။
၁။ သွေးစစ်ကြည့်ပါ။ ဒုတိယမြောက်ကိုယ်ဝန်ယူချိန်မှာ သံဓာတ်အားနည်းနေတတ်ပါတယ်။
၂။ သားဥကြွေရက်ကို တွက်ချက်ကြည့်ပါ။ ပထမကလေးမီးဖွားပြီး ဟော်မုန်းအပြောင်းအလဲများနဲ့ တားဆေး၊ နို့တိုက်ခြင်းစတာတွေဟာ သားဥကြွေချိန်ကို ကမောက်ကမဖြစ်စေနိုင်ပါတယ်။ ဒါကြောင့် ဘယ်အချိန်ကိုယ်ဝန်ဆောင်ခြေများတယ်ဆိုတာကို သိနိုင်အောင် စတင်တွက်ချက်သင့်ပါတယ်။
၃။ ကိုယ်အလေးချိန်လျှော့ချပါ။ အဝလွန်ခြင်းဟာ သနေ္ဓတည်ခြင်းကို အဟန့်အတားဖြစ်စေပြီး သားဥအိမ်ရေ အိတ်များတည်ခြင်းဖြစ်စေတတ်ပါတယ်။ ဟော်မုန်းတွေကမောက်ကမဖြစ်ပြီး သားဥပုံမှန်မကြွေတာမျိုး ဖြစ်တတ်ပါတယ်။ ဒါကြောင့် ကိုယ်အလေးချိန်ချရန် ပြေးခြင်း၊ ကိုယ်ကာယလေ့ကျင့်ခန်းပြုလုပ်ခြင်းတို့ကို စတင်လုပ်သင့် ပါတယ်။
၄။ ခင်ပွန်းဖြစ်သူကိုလည်း အတူပါဝင်ခိုင်းပါ။ ကလေးယူဖို့အတွက် တစ်ယောက်တည်းလုံးပမ်းနေရုံနဲ့ မရနိုင်ပါ ဘူး။ ဒါကြောင့် ခင်ပွန်းဖြစ်သူကို သုတ်အရည်အသွေးကောင်းမွန်စေတဲ့ အစားအသောက်များ စားစေတာ၊ ဆေး လိပ်အရက်ရှောင်စေတာ စတဲ့နည်းလမ်းတွေကို ကြိုးစားခိုင်းရပါမယ်။
၅။ ကိုယ်ဝန်ထပ်ဆောင်မယ့် အချိန်ကို သေချာသတ်မှတ်ပါ။ အသက်အရွယ်နဲ့ မျိုးပွားနိုင်စွမ်းတွေကို ထည့်တွက်မယ်ဆိုရင်တော့ ကလေးစောစောယူခြင်းဟာ ပိုကောင်းပါတယ်။ ဒါပေမဲ့ ပထမသားဦးမွေးပြီး ၁၈လခန့်အထိ ထပ်မယူတာကောင်းပါတယ်။ အပေါ်အောက် အနည်းဆုံး ၃နှစ်လောက်ခြားပေးခြင်းဖြင့် ဒုတိယကလေးမွေးချိန်မှာ သားဦးလေးဟာ အကုန်လိုက်လုပ်ပေးစရာမလိုတဲ့အရွယ်ကို ရောက်ပြီဖြစ်တဲ့အတွက် ကလေးအငယ်အ တွက် အချိန်ပေးနိုင်ပြီဖြစ်ပါတယ်။
Related News And Articles
အာဟာရပညာရှင်အများစုကတော့ နွားနို့ဟာ ကိုယ်ဝန်ဆောင်မိခင်တွေအတွက် အသင့်တော်ဆုံးနို့အမျိုးအစားလို့ ဆိုကြပါတယ်။ ဘာလို့ဆို နွားနို့မှာ မိခင်နဲ့ကလေးအတွက် လိုအပ်တဲ့ အာဟာရဓာတ်တွေ (အထူးသဖြင့် ကယ်လ်ဆီယမ်၊ ဗီတာမင်ဒီနဲ့ ပရိုတင်းဓာတ်) ကြွယ်ဝစွာပါဝင်လို့ ဖြစ်ပါတယ်။ ဒါပေမဲ့ နွားနို့သောက်တဲ့အခါ သန့်စင်ထား...
အသီးအနှံတွေဟာ ကျန်းမာရေးနဲ့ညီညွတ်ပေမယ့် တချို့အသီးတွေကတော့ ကိုယ်ဝန်ဆောင်မေမေတို့ စားသုံးဖို့ မသင့်တော်တာမျိုး ရှိပါတယ်။ ဘယ်လိုအသီးတွေဖြစ်မလဲဆိုတာ လေ့လာကြည့်ကြရအောင်နော်။