ဗိုက်ခွဲမွေးပြီးနောက် ချုပ်ရိုး ပိုးဝင်ခြင်း

ဗိုက်ခွဲမွေးသည့်အမျိုးသမီးများရဲ့ (၃) ရာခိုင်နှုန်းမှ (၁၅) ရာခိုင်နှုန်းဟာ ချုပ်ရိုးနေရာကို ပိုးဝင်ခြင်း ဖြစ်တတ်ပါတယ်။
ဘက်တီးရီးယားများကြောင့်ဖြစ်ပြီး အပေါ်ယံ အနာကနေ အတွင်းပိုင်း ပြည်တည်သည်အထိ ဖြစ်တတ်ပါတယ်။

>>  ချုပ်ရိုးမကျက်ခြင်း ဖြစ်ပေါ်စေသည့် အကြောင်းရင်းများ
●  အဝလွန်ခြင်း
●  ဆီးချိုရှိခြင်း
●  မမွေးခင် မွေးလမ်းကြောင်းကို မကြာခဏစမ်းခြင်း
●  ရေမြွှာစောပေါက်ခြင်း
●  မွေးဖွားနေစဉ် ရေမြွှာရေမှတစ်ဆင့် ပိုးဝင်ခြင်း
●  အရေးပေါ် ခွဲမွေးရခြင်း
●  ယခင်က ချုပ်ရိုးဒဏ်ရာဟောင်း ရှိဖူးခြင်း

>>  ရောဂါပိုးဝင်သည့် လက္ခဏာများ
●  အဖျား 100.4°F အထက်ရှိခြင်း
●  ချုပ်ရိုးနေရာ နီရဲခြင်း၊ နာခြင်း၊ ရောင်ရမ်းခြင်း၊ ပြည်များထွက်ခြင်း
●  မိန်းမကိုယ်မှ အနံ့ရှိသောအရည်များ ဆင်းခြင်း
●  ခွဲစိတ်ပြီး ရက်အတန်ကြာအောင် ဗိုက်အောက်ပိုင်း နာကျင်နေခြင်း
●  ဆီးသွားသည့်အခါ ပူခြင်း၊ နာခြင်း၊ သွေးပါခြင်း
(ခွဲမွေးပြီးသည့်နေ့မှစ၍ ချုပ်ရိုးမကျက်မချင်း နေ့တိုင်း ဂရုစိုက်ကြည့်ရှုပြီး အထက်ပါလက္ခဏာများ ဖြစ်ပေါ်လာလျှင်တော့ ဆရာဝန်နဲ့ ချက်ချင်းပြသသင့်ပါတယ်။)

>>  ကုသရန်နည်းလမ်းများ
●  ပိုးသတ်ဆေးပေးခြင်း - စောစောသိရလျှင် သောက်ဆေးပေးလေ့ရှိပြီး လိုအပ်ပါက ထိုးဆေးပေးပါလိမ့်မယ်။
●  ချုပ်ရိုးပြန်ဖြေပြီး ပြည်များကို ညှစ်ထုတ်ခြင်း၊ ပိုက်ထည့်ထားပြီး ပြည်ထုတ်ခြင်း
●  အနာကို စနစ်တကျ၊ သန့်သန့်ရှင်းရှင်းနဲ့ မှန်မှန် ဆေးထည့်ခြင်း
●  ဓာတုပစ္စည်းများနဲ့ အနာကို မထိတွေ့အောင်ရှောင်ပါ။
●  အဝတ်အစားကို ပွပွဝတ်ပါ။

>>  ကာကွယ်နည်း
●  ကိုယ်အလေးချိန် ထိန်းပါ။
●  ဆီးချိုထိန်းပါ။
●  ချုပ်ရိုးမကျက်စေမည့် ရောဂါအခံများရှိပါက မခွဲခင်ကတည်းက ကြိုတင်ကုသထားပါ။

ခွဲမွေးသည့်အခါ ချုပ်ရိုး ပိုးဝင်ခြင်းသည် ကြိုတင်ကာကွယ်လို့ရသလို ပျောက်ကင်းအောင် ကုသနိုင်တဲ့ရောဂါလည်း ဖြစ်ပါတယ်။ မိမိကိုယ်တိုင် ဆင်ခြင်၍လည်း ရှောင်ရှားနိုင်တဲ့ရောဂါ ဖြစ်ပါတယ်။

ဒေါက်တာနေလွင်ထူး (www.drmyanmar.com)