မိခင်နို့ရည်ဟာ ဘေဘီလေးတို့အတွက် အဆိပ်အတောက်မဖြစ်စေဖို့

မေမေတို့ရဲ့နို့ရည်ဟာ ကလေးငယ်လေးတွေအတွက် အကောင်းဆုံးဖြစ်ပြီး လိုအပ်တဲ့ အာဟာရတွေသာမက ဗီတာမင်တွေ၊ သတ္တုဓာတ်တွေကိုပါ ပေးစွမ်းနိုင်ပါတယ်။ ဒါပေမဲ့ တစ်ချိန်တည်းမှာပဲ အဆိပ်အတောက်လေးတွေလည်း ပါသွားနိုင်ပါတယ်။ လူတွေဟာ အစားအသောက်တွေ၊ ရေတွေ၊ ရှူသွင်းနေတဲ့လေတွေ၊ မျက်နှာပေါ်တင်တဲ့ မိတ်ကပ်တွေကနေ နေ့စဉ်နဲ့အမျှ အဆိပ်အတောက်တွေကို နည်းနည်းဆီ ထိတွေ့နေရပါတယ်။ ဒါကြောင့် နို့ရည်ထဲမှာလည်း နည်းနည်းပါသွားနိုင်တာပေါ့။

>>  ဒါဆို မိခင်နို့ မတိုက်သင့်တော့ဘူးလား
●  အဆိပ်အတောက်တွေ နို့ရည်ထဲ ပါနိုင်တယ်ဆိုပေမယ့် ကလေးကို အန္တရယ်ပေးနိုင်တဲ့ ပမာဏတော့ မဟုတ်ပါဘူးတဲ့။
●  မိခင်နို့ဟာ ကလေးအတွက် အကောင်းမွန်ဆုံးဖြစ်တာကြောင့် မိခင်နို့တိုက်တာကို လုံးဝမရပ်လိုက်သင့်ပါဘူး။
●  ဒါ့အပြင် မိခင်နို့ဟာ ကိုယ်ခံအားကောင်းစေပါတယ်။

>>  နို့မှုန့်ပြောင်းတိုက်ရင်ရော -
လုံးဝကို မပြောင်းလိုက်သင့်ပါဘူးနော်။
နို့မှုန့်ဟာ မိခင်နို့ကို လုံးဝမယှဉ်နိုင်ပါဘူး။ အာဟာရတွေ၊ ဗီတာမင်တွေကလည်း ပါသင့်သလောက် မပါပါဘူး။
ဘယ်လောက်ကောင်းပါတယ်ဆိုတဲ့ နို့မှုန့်တွေပေါ်ပေါ်၊ မိခင်နို့ဟာ ကလေးတွေအတွက် အကောင်းဆုံးပဲ ဖြစ်နေမှာပါ။

>>  ဒါဆို အဆိပ်အတောက်တွေ ပါဝင်မှုနည်းအောင် ဘယ်လိုလုပ်ကြမလဲ?
●  ပိုးသတ်ဆေးမသုံးဘဲ စိုက်ပျိုးထားတဲ့ အသီးအနှံတွေ၊ သဘာဝအတိုင်း မွေးမြူထားတဲ့ အသား၊ငါးတွေကိုပဲ စားသုံးသင့်ပါတယ်။
●  ကျန်းမာရေးနဲ့ ညီညွတ်တဲ့ အစားအစာတွေကိုပဲ စားပါ။
●  အမြဲတမ်း အသီးအနှံ၊ အသီးအရွက်၊ နို့နဲ့ နို့ထွက်ပစ္စည်း၊ အသား ငါးစတာတွေကို ညီညီမျှမျှစားပါ။
●  အဆီအရမ်းများတာတွေ ရှောင်ပါ။
●  ငါးကြီးဆီလိုမျိုး အားဆေးတွေ ရှောင်ပါ။
●  အသားငါးတွေကို မချက်ပြုတ်ခင် အဆီတွေကို ဖယ်နိုင်သလောက်ဖယ်ပါ။
●  ပတ်ဝန်းကျင်က အဆိပ်အတောက်တွေကိုတော့ ကိုယ်က ပြုလုပ်သူမဖြစ်အောင် သတိထားပါ။

Dr. Htar (www.drmyanmar.com)