သားအိမ်အသားလုံးရှိသူတွေ ကိုယ်ဝန်ဆောင်တဲ့အခါ

>> သားအိမ်တွင်းအသားလုံးတွေက ကိုယ်ဝန်ဆောင်ချိန်မှာ ဘာတွေ ပြသနာပေးတတ်သလဲကြည့်ကြရအောင်…………..

• ကလေးပျက်တတ်ပါတယ်။ သားအိမ်တွင်းတည်နေပြီး သနေ္ဓအိတ်တည်နေရာကိုမမြဲမြံစေတာကြောင့် အခန့်မသင့်တဲ့အခါ ကလေးပျက်ကျစေပါတယ်။

• အချင်းရှေ့ရောက်ခြင်း၊ အချင်းကွာခြင်းတွေ ဖြစ်တတ်ပါတယ်။ အချင်းတည်နေရာကို သားအိမ်အသားလုံးက ထိုးဖောက်နေရာယူလာတတ်တဲ့အခါ အချိန်မတိုင်ခင် အချင်းကွာတာ၊ သွေးဆင်းတာတွေ ကြုံရပါတယ်။

• ကလေးမွေးရခက်တာ၊ ခွဲမွေးရတာတွေ ဖြစ်နိုင်ပါတယ်။ သားအိမ်အသားလုံးတွေဟာ မွေးလမ်းကြောင်းမှာခံနေတဲ့အခါ သားအိမ်ကောင်းကောင်းပွင့်မလာဘဲ အနေအထားမမှန်တာ၊ ခွဲမွေးရတာတွေ ဖြစ်နိုင်ပါတယ်။

ယေဘုယျအားဖြင့် ပြောရရင်သားအိမ်အသားလုံးရှိသူတွေ ကိုယ်ဝန်ဆောင်တဲ့အခါ အန္တရာယ်ရှိတာ လူတိုင်းတော့ မဖြစ်တတ်ပါဘူး။ အပေါ်ကတင်ပြခဲ့တာတွေဟာ ဖြစ်နိုင်ချေရှိတဲ့အရာတွေသာဖြစ်ပါတယ်။ ဖြစ်နိုင်ခြေတွေကို သိရှိနားလည်ထားရင် အန္တရာယ်ကိုရှောင်နိုင်မှာ ဖြစ်ပါတယ်။