ကိုယ်အလေးချိန်ကျဖို့အတွက် သံပုရာရည် သောက်နေသူတွေ သိထားဖို့ ...

          ကိုယ်အလေးချိန်ကျဖို့အတွက် အခြေခံအကျဆုံးနဲ့ ရိုးရှင်းတဲ့နည်းလမ်းတစ်ခုကတော့ မနက်စောစောမှာ သံပုရာရည်နွေးနွေးလေးတစ်ခွက် သောက်ခြင်းပဲ ဖြစ်ပါတယ်။ ဒီနည်းလမ်းက ကျွန်ုပ်တို့အားလုံးနဲ့ ရင်းနှီးနေတဲ့နည်းလမ်းဖြစ်ပြီး တော်တော်များများလည်း စမ်းလုပ်ကြည့်ဖူးကြပါလိမ့်မယ်။ ဒီသံပုရာရည်သောက်တာနဲ့ ပတ်သက်ပြီး သိထားသင့်တဲ့အချက်လေးတွေကို ဖော်ပြပေးလိုက်ပါတယ်။

♦       ရင်ပူခြင်းကို ဖြစ်စေနိုင်ပါတယ်။

          သံပုရာသီးမှာ အက်ဆစ်ဓာတ်ပါဝင်တဲ့အတွက် သောက်တာများသွားရင် ရင်ပူစေနိုင်ပါတယ်။ ဒါကြောင့် အက်ဆစ်တွေ ပြန်ကန်တက်တယ်လို့ သံသယဖြစ်ရင် သံပုရာရည် အများကြီး မသောက်ပါနဲ့။

♦       သွားကြွေလွှာတွေကို ပျက်စီးစေနိုင်ပါတယ်။

          သံပုရာသီးမှာပါဝင်တဲ့ အက်ဆစ်ဓာတ်က သွားရဲ့ကြွေလွှာကို ပျက်စီၤးစေနိုင်ပါတယ်။ အက်ဆစ်ဓာတ်က သွားထဲကို ထိုးဖောက်ဝင်ရောက်ပြီး သံပုရာသီးမှာ ပါဝင်တဲ့ သဘာဝသကြားဓာတ်က သွားကို ထပ်ပြီးပျက်စီးစေပါတယ်။ ဒါကြောင့် သံပုရာရည်သောက် ပြီးတဲ့အခါ ပလုတ်ကျင်းပေးပါ။

♦        ပျို့အန်ခြင်းကို ဖြစ်စေနိုင်ပါတယ်။

          သံပုရာသီးမှာ ကျွနု်ပ်တို့ ခန္ဓာကိုယ်အတွက် မရှိမဖြစ်လိုအပ်တဲ့ ဗီတာမင်စီ ကြွယ်ဝပေမယ့် အလွန်အကျွံ စားသုံးရင်တော့ ကျန်းမာရေးပြဿနာအမျိုးမျိုးကို ဖြစ်စေနိုင်ပါတယ်။ ဗိုက်နာခြင်း၊ ပျို့ခြင်း၊ အစာအိမ် မအီမသာဖြစ်ခြင်းတွေ ဖြစ်စေနိုင်ပါတယ်။ ဒါကြောင့် အလွန်အကျွံ သောက်သုံးခြင်းကို ရှောင်ကြဉ်ပါ။

♦       ဆီး မကြာခဏ သွားစေနိုင်ပါတယ်။

          သံပုရာရည် သောက်တာများရင် နောက်ထပ် ကြုံတွေ့ရနိုင်တဲ့ ကျန်းမာရေးပြဿနာတစ်ခုကတော့ ဆီး မကြာခဏသွားပြီး ရေဓာတ် ခမ်းခြောက်ခြင်းပဲ ဖြစ်ပါတယ်။ ဒါကြောင့် ရေဓာတ် ခမ်းခြောက်ခြင်းကို တွန်းလှန်နိုင်ဖို့ ရေများများ သောက်ပေးဖို့ လိုပါတယ်။

Dr. Mya Myo Myo Swe (www.drmyanmar.com)