စိတ်ဖိစီးမှုတွေ ပြေပျောက်စေဖို့အတွက် လက်လေးကို နှိပ်နယ်ပေးကြမယ်

          အလုပ်မှာ၊ မိသားစုရေးမှာ ကြုံတွေ့ရတဲ့ စိတ်ဖိစီးမှုတွေကြောင့် ခေါငး်မူးခေါင်းကိုက်၊ ခေါင်းတစ်ခြမ်းကိုက်တာတွေကို အမြဲလိုလို ရင်ဆိုင်နေကြရပါတယ်။ ဒါတွေကို ပြေပျောက်စေဖို့အတွက် လေ့ကျင့်ခန်းလုပ်တာ၊ ကျန်းမာရေးနဲ့ ညီညွတ်တဲ့အစားအစာတွေစားတာ၊ စိတ်ဖိစီးမှုကို ဖြေလျှော့ပေးတဲ့နည်းတွေ၊ အသက်ရှူလေ့ကျင့်ခန်းတွေအပြင် လက်ကိုနှိပ်နယ်ပေးတာကလည်း ခေါင်းကိုက်တာတွေကို ပျောက်စေပါတယ်။

          နှိပ်နယ်ပေးဖို့အတွက် လူတွေ အရမ်းမထူပြီး လေဝင်လေထွက်ကောင်းတဲ့နေရာလေးကို ရွေးချယ်ပါ။ lavender/ lemon grass (စပါးလင်) ကို အခြေခံထုတ်ထားတဲ့ အဆီ essential oils လေးကို လက်မှာ ပွတ်လိုက်ပါ။

1.       ညာဘက်လက်ဖဝါး အလယ်ခေါင်ကို ဘယ်ဘက်လက်မနဲ့ ၅ စက္ကန့် ဖိထားပေးပြီးရင် ၃ စက္ကန့် ပြန်လွှတ်ပါ။ ဒီလိုမျိုး ဖိလိုက်လွှတ်လိုက် ၁၀ ကြိမ် လုပ်ပေးပါ။ ဒီအတိုင်းပဲ ဘယ်ဘက်လက်ဖဝါးကို လုပ်ပေးပါ။

2.       ပြီးရင် ညာဘက်လက်မ အလယ်ခေါင်က်ို ဘယ်ဘက်လက်မ၊ လက်ညှိုးနဲ့ ၇ စက္ကန့် ဖိထားပေးပြီးတော့ ၅ စက္ကန့် ပြန်လွှတ်ပါ။ ဘယ်ဘက်လက်မကိုလည်း ဒီအတိုင်း ဖိလိုက်၊ လွှတ်လိုက်လုပ်ပေးပါ။

3.       လက်ဖဝါး ၂ ဖက်ကို အပူထွက်လာအောင် စက္ကန့် ၂၀ လောက် ပွတ်တိုက်ပေးပြီးတော့ မိနစ်အတော်ကြာအောင် စိတ်ကို လျှော့ချပြီးတော့ အသက်ပြင်းပြင်း ရှူသွင်းရှူထုတ် လုပ်ပေးပါ။

          အပေါ်ကအတိုင်း တစ်နေ့ ၂ ကြိမ် လုပ်ပေးမယ်ဆိုရင် စိတ်ဖိစီးမှုတွေ ပြေလျော့ပြီး ခေါင်းကိုက် သက်သာလာတာကို တွေ့ရမှာပါ။

Dr. Mya Myo Myo Swe (www.drmyanmar.com)