ဘယ်ဆန်စားရင် ကျန်းမာရေးနဲ့ ညီညွတ်မလဲ

         ဆန်ဖြူဖြူဖွေးဖွေးတွေကတော့ တကမ်ဘာလုံးမှာ သိုလှောင်ချက်ပြုတ် သုံးစွဲနေကြတဲ့အပြင် အစားအများဆုံးဆန်လို့ ဆိုနိုင်ပါတယ်။ ဒါပေမဲ့ အပေါ်ကအခွံတွေတွေကို အကုန်အစင် ဖယ်ထားတဲ့အပြင် ထပ်ခါထပ်ခါဖွေးအောင် ပြုလုပ်ဖွပ်ထားတဲ့အတွက်

●        အာဟာရတန်ဖိုး နိမ့်ပါတယ်။

●        ဆီးချိုတက်နှုန်း ဂလူးကို့စ် အညွန်းကိန်း အမြင့်မားဆုံးဆန်လည်း ဖြစ်ပါသတဲ့။

●        ကြာကြာဖွပ်ထားတော့ ကြာကြာခံတာလောက်ပဲ ကောင်းကွက်ရှိပါတယ်။

●        ချက်ပြီးရင် အမြင်လှတယ်။

●        ဖွေးတယ်၊ နုတယ် စားကောင်းတယ်။

          ဆန်လုံးညိုကတော့ အပေါ်အခွံကို အပြီးအစီး မချွတ်ထားတဲ့ဆန်ပေါ့၊ အညိုအမည်း အနီလေးတွေ လာတယ်။ ပြဿနာက ကြာကြာမခံဘူး။ ဖွေးဖြူနေတဲ့ဆန်တွေက ကြာကြာခံတယ်။ ဆန်လုံးညိုမှာ ဗီတာမင်နဲ့ သတ္တုဓာတ်တွေ အာဟာရဓာတ်တွေ ပိုပါတယ်။

          ဆန်လုံးညိုမှာပါတဲ့ ဗီတာမင်တွေက -

●        ဗီတာမင်ဘီ

●        ဘီဝမ်း

●        ကယ်လဆီယမ်

●        ဗီတာမင်အီး

●        ဆယ်လယ်နီယမ်နဲ့

●        မဂ္ဂနီဆီယမ်တို့ ဖြစ်ပါတယ်။

          ဆန်ဖြူဖြူထက် ပိုပြီးကျန်းမာစေတဲ့ဆန်ပါ။ စားရတာတော့ ကြမ်းတယ်။  အမျှင်ဓာတ် အများကြီးပါတော့ ဝမ်းသိပ်မချုပ်ဘဲ အစာအိမ်နဲ့ အူလမ်းကြောင်းကို အများကြီး သန့်သွားစေတယ်။ နောက်ပြီး ကိုလက်စထရော အဆီဓာတ်ပမာဏကိုလည်း ထိန်းညှိပေးပါတယ်။

ဂျီပီငှက် (ဆေး/မန်း) (www.drmyanmar.com)