ရေနဲ့ကြာကြာထိတွေ့တဲ့အခါမှာ အရေပြားတွေဘာကြောင့် ရှုံ့တွသွားသလဲ?
ရေကြာကြာချိုးတဲ့အခါ (သို့) ရေချိုးကန်ထဲမှာ အကြာကြီးရေစိမ်တဲ့အခါမှာ လက်နဲ့ခြေထောက် အရေပြားတွေ ရှုံ့တွနေတာကိုတွေ့ရမှာပါ။ ဒါကပုံမှန်ဖြစ်စဉ်တစ်ခုပါပဲ။ ဘာကြောင့် ဒီလိုဖြစ်ရသလဲ?
ကျွန်ုပ်တို့ရဲ့ အရေပြားအပေါ်ဆုံးအလွှာကို မျက်စိနဲ့မမြင်နိုင်တဲ့အဆီဖုလေးတွေနဲ့ ဖုံးအုပ်ထားပါတယ်။ ဒီအဆီဖုလေးတွေက အရေပြားစိုစွတ်ချောမွေ့စေပြီး အကာအကွယ်ပေးပါတယ်။ အရေပြားကိုရေစို ခံစေတဲ့အတွက် လက်ဆေးတဲ့အခါမှာ ရေတွေအရေပြားပေါ် ကနေ အောက်ကိုပြန်ကျ သွားစေပါတယ်။
ရေထဲမှာအကြာကြီးနေတဲ့အခါ ဒီအဆီဖုလေးတွေကို ဖယ်ထုတ်လိုက်ပြီး အရေပြားရဲ့အပြင်လွှာ ကို ရေတွေ တိုးဖောက်ဝင်ရောက်လာပါတယ်။ ပြီးနောက် အရေပြားမှာရေတွေပြည့်အိုင်လာပါတယ်။ အရင်ကတော့ လူတွေထင်ကြတာက ရေကြောင့်အရေပြားတွေဖောင်းလာတယ်လို့ပါ။ သုတေသီတွေကတော့ အရေပြားတွေရှုံ့တွသွားရခြင်းက အာရုံကြောအလိုအလျောက်တုန့်ပြန်တဲ့စနစ်တစ်ခုကြောင့်ဖြစ်တယ်လို့ ယုံကြည်ကြပါတယ်။
ဒီလိုအရေပြားရှုံ့တွခြင်းဖြစ်ရင် ဘာမှလုပ်စရာမလိုပါဘူး။ အချိန်အနည်းငယ်အကြာမှာ ပုံမှန်အတိုင်းပြန်ဖြစ်သွားပါလိမ့်မယ်။
Dr.Mya Myo Myo Swe
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...