လုပ်ငန်းခွင်ဖိစီးမှုတွေကြောင့် ခြေကုန်လက်ပန်းကျနေပြီလား

>>  အောက်ပါလက္ခဏာတွေ ရှိနေပြီဆိုရင်တော့ သင်ဟာ ခြေကုန်းလက်ပန်းကျလောက်အောင် ဖိစီးမှု များပြားနေပြီ ဖြစ်ပါတယ်။
(၁)  အလုပ်နှင့်ပတ်သက်တဲ့ လှုပ်ရှားမှုတွေအပေါ် စိတ်ဝင်စားမှုမရှိတော့ခြင်း
(၂)  နာတာရှည်စိတ်ဖိစီးမှုကြောင့် ခေါင်းကိုက်ခြင်း၊ ဗိုက်နာခြင်း စသော လက္ခဏာများ ဖြစ်ပေါ်ခြင်း
(၃)  အလွန်အမင်း ပင်ပန်းနွမ်းနယ်ခြင်း
(၄)  စွမ်းဆောင်ရည် ကျဆင်းခြင်း၊ အလုပ်တာဝန်များကို ကောင်းစွာမဆောင်ရွက်နိုင်ခြင်း၊ အာရုံစူးစိုက်မရခြင်း၊ တီထွင်နိုင်စွမ်းကျဆင်းခြင်း

>>  ဘယ်လိုလူတွေမှာ အဖြစ်များလဲ?
အလုပ်စိတ်ဖိစီးမှုများသော အလုပ်တိုင်းက သင့်ကို burn out ဖြစ်စေမှာ မဟုတ်ပါဘူး။ သင့်အနေနှင့် စိတ်ဖိစီးမှုကို ကောင်းစွာ ကိုင်တွယ်နိုင်မယ်ဆိုပါက ဒီလိုဆိုးကျိုးတွေကို ကျော်လွှားနိုင်မှာ မှန်သော်လည်း အောက်ပါအခြေအနေမျိုးနှင့် ရင်ဆိုင်နေရသူတွေမှာတော့ burn out ဖြစ်နိုင်ချေ မြင့်မားပါတယ်။
(၁)  အချိန်တိုတွင်း အလုပ်များစွာ ပြုလုပ်ခိုင်းခြင်း
(၂)  မန်နေဂျာနှင့် ဆက်ဆံရေးမကောင်းခြင်း/ ကောင်းစွာ အထောက်အပံ့မရခြင်း
(၃)  တိကျသောတာဝန်ကို မပေးခြင်း
(၄)  အလုပ်များ မနိုင်မနင်းဖြစ်အောင် များပြားခြင်း
(၅)  မမျှတသောဆက်ဆံရေး