အစာအိမ် သွေးယိုစီးခြင်း ဖြစ်စေသော အကြောင်းအရင်းများ
အစာအိမ်နံရံနဲ့ အူနံရံအစိတ်အပိုင်းတချို့ တိုက်စားခံရတဲ့အခါမှာ အနာဖြစ်လာပါတယ်။ H. Pylori ဆိုတဲ့ ဘက်တီးရီးယားပိုးတစ်မျိုးကြောင့်လည်း အစာအိမ်အနာ အဖြစ်များပါတယ်။ အစာအိမ်နဲ့ အူလမ်းကြောင်း သွေးယိုစီးရတဲ့ အဖြစ်များဆုံး အကြောင်းအရင်းကတော့ အစာအိမ်အနာပါပဲ။ အကိုက်အခဲပျောက်ဆေး အလွန်အကျွံသောက်ရင်၊ နေထိုင်စားသောက်မှုပုံစံ မမှန်ရင် အစာအိမ်အနာ ဖြစ်တတ်သလို ဖြစ်ပြီးသား အနာကနေပြီးလည်း သွေးယိုစီးစေနိုင်ပါတယ်။
• အကိုက်အခဲပျောက်ဆေးများ
အကိုက်အခဲပျောက်ဆေးတွေက အစာအိမ်နံရံတွေကို ဓာတုပစ္စည်းတွေနဲ့ အခြားထိခိုက်မှုတွေကနေ ကာကွယ်ပေးနိုင်တဲ့ ဟော်မုန်းထွက်တာကို ဟန့်တားပါတယ်။ အစာအိမ်နံရံကို အကာအကွယ် မရှိတော့တဲ့အခါ အက်ဆစ်တွေရဲ့ တိုက်စားမှုခံရပြီး ရောင်ရမ်းခြင်းနဲ့ သွေးထွက်ခြင်းတွေ ဖြစ်စေနိုင်ပါတယ်။ အကိုက်အခဲပျောက်ဆေး စွဲသောက်တတ်တဲ့သူတွေမှာ အစာအိမ် သွေးယိုစီးမှုဖြစ်လေ့ရှိပြီး ဆေးသောက်တဲ့ပမာဏအပေါ် မူတည်ပြီး သွေးယိုစီးနိုင်ခြေ ပိုများလာပါတယ်။ အကိုက်အခဲပျောက်ဆေးတွေ များများနဲ့ ခဏခဏသောက်လေလေ သွေးယိုစီးမှု ပိုများလေပါပဲ။
Kremil-S 1
• အခြားဆေးဝါးများ
1. ဆရာဝန် ညွှန်ကြားတဲ့ သွေးကျဲဆေးတွေနဲ့အတူ အကိုက်အခဲပျောက်ဆေးတွေပါ တွဲဖက်ပြီး သောက်သုံးသူတွေမှာ အစာအိမ် သွေးယိုစီးနိုင်ခြေ 12 ဆ ပိုများပါတယ်။
2. အကိုက်အခဲပျောက်ဆေးတွေနဲ့ corticosteroid ဆေးတွေ တွဲသောက်ရင်လည်း အစာအိမ် သွေးယိုစီးနိုင်ခြေ 7 ဆ ပိုများပါတယ်။
Kremil-S 2
• အရက်
အရက်က အစာအိမ်နံရံတွေကို ထိခိုက်စေပြီး ဒဏ်ဖြစ်စေနိုင်တဲ့အပြင် အစာအိမ်ကနေ အက်ဆစ်ထွက်တာလည်း များစေပါတယ်။ အရက်နဲ့ အကိုက်အခဲပျောက်ဆေး တွဲသောက်ရင်လည်း အစာအိမ်အနာ သွေးယိုစီးနိုင်ခြေ ပိုများပါတယ်။
• ဆေးလိပ်သောက်ခြင်း
ဆေးရွက်ကြီးထဲမှာရှိတဲ့ နီကိုတင်းဓာတ်က အစာအိမ်အက်ဆစ်ဓာတ်ပမာဏနဲ့ ပြင်းအားကို များစေရုံသာမက အနာကျက်တာကိုလည်း နှေးစေနိုင်ပါတယ်။ ဆေးလိပ်သောက်တဲ့သူတွေမှာ သွေးထွက်ခြင်းကဲ့သို့သော အစာအိမ်အနာရဲ့ နောက်ဆက်တွဲဆိုးကျိုးတွေ ပိုဖြစ်နိုင်ပါတယ်။
Dr. Mya Myo Myo Swe (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...