ဓမ္မတာနောက်ကျရတဲ့ အကြောင်းရင်းများ
ဓမ္မတာနောက်ကျရတာဟာ ကိုယ်ဝန်ရှိနေတာအပြင် အခြားအကြောင်းရင်းအများကြီးကြောင့် ဖြစ်နိုင်ပါတယ်။ အပျိုဖော်ဝင်ခါစနဲ့ သွေးဆုံးခါနီးကလွဲလို့ သာမန်အမျိုးသမီးတွေဟာ ၂၁-၃၅ ရက်တစ်ခါ ဓမ္မတာလာလေ့ရှိပါတယ်။
ဘယ်လိုအကြောင်းရင်းတွေကြောင့် ဓမ္မတာထိန်တတ်လဲဆိုတာ ကြည့်ကြရအောင်နော်။
၁။ စိတ်ဖိစီးမှု
စိတ်ဖိစီးမှုဟာ ဟော်မုန်းတွေကို ကမောက်ကမဖြစ်စေခြင်း၊ နေ့စဉ်လုပ်ငန်းဆောင်တာတွေကို ပျက်ယွင်းစေခြင်း၊ ဓမ္မတာကို ထိန်းချုပ်တဲ့ဦးနှောက်အစိတ်အပိုင်းကိုပါ ထိခိုက်စေခြင်းတို့ကြောင့် ဓမ္မတာမမှန် ဖြစ်စေနိုင်ပါတယ်။
၂။ ကိုယ်အလေးချိန်ကျခြင်း
အစားလုံးဝမစားခြင်း၊ အစားစားပြီး ပြန်အန်ခြင်း စတဲ့ စားသောက်ခြင်းဆိုင်ရာစိတ်ရောဂါရှိသူတွေနဲ့ ကိုယ်အရပ်နဲ့ ရှိသင့်တဲ့ကိုယ်အလေးချိန်ထက် ၁၀% လျော့နည်းနေသူတွေမှာ ဓမ္မတာထိန်တတ်ပါတယ်။ မာရသွန်အားကစားလိုမျိုး ပြင်းပြင်းထန်ထန် အားကစားပြုလုပ်သူတွေမှာလည်း တွေ့ရတတ်ပါတယ်။
Dolfenal 1
၃။ အဝလွန်ခြင်း
ကိုယ်အလေးချိန်ကျတာလိုပဲ အဝလွန်ခြင်းလည်း ဟော်မုန်းအပြောင်းအလဲဖြစ်စေနိုင်တာကြောင့် ဓမ္မတာထိန်စေနိုင်ပါတယ်။
၄။ PCOS လို့ခေါ်တဲ့ သားဥအိမ်အရည်အိတ်တည်ရောဂါစု
ယောက်ျားဟော်မုန်း အန်ဒရိုဂျင်တွေများနေတာကြောင့် သားဥအိမ်မှာ အရည်အိတ်တွေတည်ပြီး ဓမ္မတာမူမမှန် ဖြစ်လာတတ်ပါတယ်။
၅။ သန္ဓေတားဆေးများ
သန္ဓေတားဆေးတွေ စသုံးခါစတို့၊ ရပ်လိုက်ခါစတို့မှာ ဓမ္မတာမမှန်တာ ဖြစ်တတ်ပါတယ်။ တားဆေးကတ်ရပ်ပြီး၆ လလောက်အထိ ဒီလိုဖြစ်နိုင်တယ်လို့ ဆိုပါတယ်။
Dolfenal 2
၆။ နာတာရှည်ရောဂါများ
ဆီးချိုလိုမျိုး နာတာရှည်ရောဂါတွေဟာလည်း ဓမ္မတာစက်ဝန်းကို ထိခိုက်တတ်ပါတယ်။ သွေးတွင်းအချိုဓာတ် မငြိမ်တဲ့အခါ ဟော်မုန်းတွေကမောက်ကမဖြစ်ပြီး ဓမ္မတာမမှန်တာမျိုး ရှားရှားပါးပါး တွေ့ရတတ်ပါတယ်။
၇။ အရွယ်မတိုင်မီသွေးဆုံးခြင်း
ပုံမှန်ဆိုရင် ၄၅-၅၅ နှစ်ဝန်းကျင်လောက်မှာ သွေးဆုံးလေ့ရှိပေမယ့် တချို့အမျိုးသမီးတွေမှာ အသက် ၄၀ ဝန်းကျင်လောက်ကတည်းက သွေးဆုံးတတ်ကြပါတယ်။ ဒါကြောင့် ရာသီထိန်သွားတာမျိုးလည်း ဖြစ်တတ်ပါတယ်။
၈။ သိုင်းရွိုက်ပြဿနာများ
သိုင်းရွိုက်ဟာ ကိုယ်ခန္ဓာရဲ့ ဇီဝကမ္မဖြစ်စဉ်တွေကိုထိန်းချုပ်တာမို့ သိုင်းရွိုက်ဟော်မုန်းတက်နေတာ၊ ကျနေတာဟာ ဓမ္မတာပုံမမှန်ခြင်း ဖြစ်စေနိုင်ပါတယ်။
Dr. Mya Phoo Ngon (www.drmyanmar.com)
Related News And Articles
ဓမ္မတာလာတဲ့အခါ အမျိုးသမီးတွေ မခံစားချင်တဲ့ ဝေဒနာတွေထဲမှာ ဆီးစပ်ကိုက်ခြင်းကလည်း တစ်ခုအပါအဝင်ပဲ ဖြစ်ပါတယ်။ တချို့တွေဆို အရမ်းကိုက်လွန်းလို့ အလုပ်ပျက်တဲ့အထိကို ဖြစ်တတ်ကြပါတယ်။ ဒါကြောင့် ဆီးစပ်မကိုက်အောင် ကြိုတင်ကာကွယ်လို့ရရင် ကောင်းမှာပဲလို့ တွေးမိကြပါလိမ့်မယ်။ စိတ်မကောင်းစွာနဲ့ပဲ ဆီးစပ်ကိုက်တာ...
ဓမ္မတာလာချိန်မှာ ဖြစ်လေ့ရှိတဲ့ ဆီးစပ်ကိုက်ခဲခြင်းဟာ တော်တော်လေးခံရခက်တဲ့ ဝေဒနာတစ်မျိုးဆိုတာကို ခံစားဖူးသူတွေမှပဲ သိနိုင်မှာပါ။ ဒါကြောင့် ဓမ္မတာလာတဲ့အခါ ကိုက်ခဲနာကျင်တတ်တဲ့ အမျိုးသမီးလေးတွေအတွက် အိမ်မှာအလွယ်တကူပြုလုပ်နိုင်တဲ့ ဓမ္မတာကိုက်ခဲနာကျင်ခြင်းကို သက်သာစေမယ့် သောက်စရာလေးတွေကို မျှဝေပေ...