/
news/အမျိုးသမီးများနှင့်ကျန်းမာရေး/ပျိုမေတို့-ကျန်းမာစေဖို့-အဓိကလိုအပ်တဲ့-အာဟာရ-၄-မျိုး

ပျိုမေတို့ ကျန်းမာစေဖို့ အဓိကလိုအပ်တဲ့ အာဟာရ (၄) မျိုး

Category
အမျိုးသမီးများနှင့်ကျန်းမာရေး

          အမျိုးသမီးတွေအတွက် အသက်အရွယ်တိုင်းမှာ ကျန်းမာစေဖို့ အာဟာရဓာတ်နဲ့ လေ့ကျင့်ခန်းတွေ လိုပါတယ်။ အသက်ကြီးလာတာနဲ့အမျှ နှလုံးရောဂါ၊ အင်ဆူလင်ပြသနာ၊ အရိုးပြဿနာတွေနဲ့ ဟော်မုန်းမညီမျှမှုတွေ ပိုဖြစ်နိုင်ချေ များလာပါတယ်။ ဒါကြောင့် နေ့စဉ်စားနေတဲ့အစားအစာတွေက ညီညွတ်မျှတဖို့ အရေးကြီးပါတယ်။ အမျိုးသမီးတွေအတွက် နေ့စဉ်လိုအပ်တဲ့ အရေးကြီးဆုံးသော အာဟာရဓာတ်တွေ ရှိပါတယ်။

 

1.      ကယ်ဆီယမ်

          အမျိုးသမီးတွေ အသက်ကြီးလာတာနဲ့အမျှ အရိုးဆုံးရှုံးမှုလည်း များလာပါတယ်။ အရိုးပြဿနာတွေကို လျော့ကျစေဖို့အတွက် တစ်နေ့ကို ကယ်ဆီယမ် 400-1000 mg စားသုံးပေးသင့်ပါတယ်။ ကယ်ဆီယမ်ကို ပေးစွမ်းနိုင်တဲ့ အကောင်းဆုံးသော အရင်းအမြစ်တွေကတော့ နို့နဲ့ နို့ထွက်ပစ္စည်းများ၊ အစိမ်းရောင် ဟင်းသီးဟင်းရွက်များ၊ အယ်မွန်သီးနဲ့ အစေ့များ ဖြစ်ကြပါတယ်။

 

2.      သံဓာတ်

          သံဓာတ်ချို့တဲ့တဲ့အခါမှာ အားနည်းလာမယ်၊ အာရုံမစူးစိုက်နိုင်တော့ဘဲနဲ့ ရောဂါပိုးတွေဝင်နိုင်ချေလည်း ပိုများပါတယ်။ သံဓာတ်ချို့တဲ့တာက အမျိုးမျိုးသော အကြောင်းအရာတွေ အပါအဝင် အာဟာရချို့တဲ့မှုကြောင့် အမျိုးသမီးတွေမှာ ပိုအဖြစ်များပါတယ်။ တစ်နေ့ကို သံဓာတ် 21 mg စားသုံးသင့်ပါတယ်။ သံဓာတ်ကြွယ်ဝစေဖို့အတွက် ပြုပြင်မထားတဲ့ ကောက်ပဲသီးနှံတွေ ဆန်လုံးညို၊ ပေါင်မုန့်ညို၊ အစေ့အဆံတွေ၊ အစေ့တွေ၊ အခွံမာသီးတွေ စားပေးပါ။

 

3.      Folate

          Folate ကတော့ ကိုယ်ခံအားစနစ်၊ စွမ်းအင်ထုတ်လုပ်မှု၊ သွေးအားနည်းရောဂါကို ကာကွယ်ရာမှာနဲ့ နှလုံးရောဂါ၊ လေဖြတ်ခြင်းတွေကို ကာကွယ်ဖို့ရာမှာ အရေးပါပါတယ်။ တစ်နေ့ကို folic acid 500-1000 mcg လိုအပ်ပါတယ်။ Folate ကိုတော့ လတ်ဆတ်တဲ့ အစိမ်းရောင်ဟင်းသီးဟင်းရွက်တွေ၊ အသည်းတွေကနေ ရရှိနိုင်ပါတယ်။

 

4.      Magnesium

          ခန္ဓာကိုယ်က စိတ်ဖိစီးမှုတွေကို ခံနိုင်ရည်ရှိဖို့၊ လုံလောက်တဲ့စွမ်းအင်တွေ ထုတ်ပေးနိုင်ဖို့နဲ့ ကျန်းမာတဲ့အရိုးတွေကို တည်ဆောက်နိုင်ဖို့အတွက် မဂ္ဂနီဆီယမ်က ကူညီပေးပါတယ်။ ကြွက်သားတွေနဲ့ အာရုံကြောစနစ်တွေ အားကောင်းစေဖို့လည်း ကူညီပါတယ်။ တစ်နေ့ကို အစားအစာကနေ မဂ္ဂနီဆီယမ် 350 mg လောက် ရသင့်ပါတယ်။ ကောက်ပဲသီးနှံတွေ၊ ဟင်းသီးဟင်းရွက်တွေကနေပြီးတော့ မဂ္ဂနီဆီယမ် လုံလောက်စွာ ပေးစွမ်းနိုင်ပါတယ်။

Dr. Mya Myo Myo Swe (www.drmyanmar.com)