ရာသီပန်းပွင့်ချိန်တွင် သွေးခဲများဆင်းခြင်း
အမျိုးသမီးများအနေနှင့် ရာသီပန်းပွင့်ခြင်းကို လစဉ်ကြုံတွေ့ရပါတယ်။ တစ်ဦးချင်းပေါ် မူတည်ပြီး ရာသီလာတဲ့ အနေအထားဟာ တူညီကြမှာ မဟုတ်ပါဘူး။
ကိုယ်ခန္ဓာရှိ ဟော်မုန်းအပြောင်းအလဲများက သားအိမ်ရဲ့နံရံတွေကို တိုက်စားစေပြီး သွေးယိုစီးစေခြင်းကြောင့် ရာသီသွေးပေါ်ရခြင်း ဖြစ်ပါတယ်။ အမျိုးသမီးအများစုမှာတော့ ရာသီသွေးပေါ်စဉ်မှာ သွေးခဲများဆင်းလေ့ ရှိကြပါတယ်။ ဒီသွေးခဲတွေဟာ ရာသီသွေးများနှင့်အတူ သားအိမ်နံရံရှိတစ်သျှူးစများ ရောနှောနေခြင်း ဖြစ်ပါတယ်။
>> ဘာကြောင့် သွေးခဲများဆင်းရသလဲ?
● သားအိမ်အသားလုံးများရှိခြင်း
● သားအိမ်နံရံအတွင်းရှိ တစ်သျှူးတွေဟာ သားအိမ်ပြင်ပရှိ သားဥပြွန်များတွင်ရှိနေခြင်း
● ဟော်မုန်းများမမျှတခြင်း
● ကိုယ်ဝန်ပျက်ခြင်း
● သားအိမ်နှင့် သားအိမ်ခေါင်းကင်ဆာရှိခြင်း စသည့် အကြောင်းအရာများကြောင့် သွေးခဲများ ဆင်းတတ်ပါတယ်။
Dolfenal 1
>> ကုသနည်းတွေကတော့ ဖြစ်ရတဲ့နောက်ခံအကြောင်းအရင်းပေါ် မူတည်ပါတယ်။
● သွေးခဲဆင်းခြင်းကြောင့် သံဓာတ်နည်းစေတတ်သဖြင့် သံဓာတ်အားဆေးများ သောက်သုံးခြင်း
● ရာသီပုံမှန်ဖြစ်စေပြီး သွေးစီးဆင်းမှုနည်းပါးအောင် ဆရာဝန် ညွှန်ကြားချက်ဖြင့် ကိုယ်ဝန်တားဆေးများ သောက်ခြင်း
● သားအိမ်တွင်းသို့ ပစ္စည်းထည့်ခြင်း
● အကိုက်အခဲပျောက်ဆေးများသောက်ခြင်း
● ဟော်မုန်းဆေးများသောက်ခြင်း
● သွေးတိတ်ဆေးများသောက်ခြင်း စသည်ဖြင့် ဆရာဝန် ညွှန်ကြားချက်ဖြင့် ပြုလုပ်ရမယ့် ကုသနည်းများရှိပြီး
● သားအိမ်ကိုဖွင့်ကာ ခြစ်ထုတ်ခြင်း (D&C)
● သားအိမ်မှန်ပြောင်းကြည့်ခြင်း
● သားအိမ်နံရံအစိတ်အပိုင်းကို လှီးထုတ်ခြင်း
● ကြီးမားသောအသားလုံးများအားခွဲထုတ်ခြင်း
● လိုအပ်ပါက သားအိမ်ထုတ်ခြင်းစတဲ့ ခွဲစိတ်နည်းလမ်းများနှင့်လည်း ကုသမှုခံယူနိုင်ပါတယ်။
Dolfenal 2
ရာသီသွေး များများဆင်းလေ့ရှိသူတွေအနေနှင့် အောက်ပါအချက်တွေ ရှိနေပြီဆိုရင်တော့ ဆရာဝန်နှင့် အမြန်ဆုံးပြသဖို့ တိုက်တွန်းလိုပါတယ်။
● သွေးဆင်းတာ များလွန်းသဖြင့် ၁-၂ နာရီကြားတစ်ခါ ဂွမ်းလဲလှယ်ရခြင်း
● ရာသီလာချိန်ဟာ ၇ ရက်ထက် ပိုကြာမြင့်ခြင်း
● သွေးခဲအရွယ်ဟာ ၁ စင်တီမီတာခန့်ရှိခြင်း
● သွေးခဲအများအပြားဆင်းခြင်း
● ပြင်းထန်စွာ ဗိုက်နာကျင်ခြင်းနှင့်အတူ ပျို့အန်ခြင်း
● ကိုယ်ဝန်ဆောင်နေချိန်မှာ သွေးခဲများဆင်းခြင်း စတဲ့ အချက်တွေ ရှိနေပြီဆိုရင်တော့ နီးစပ်ရာ သားဖွားမီးယပ်ဆရာဝန်နှင့် အမြန်ဆုံး ပြသတိုင်ပင်ကြဖို့ တိုက်တွန်းလိုက်ပါတယ်။
လေပြေနုသွေး (ဆေး-၂) (www.drmyanmar.com)
Related News And Articles
ဓမ္မတာလာတဲ့အခါ အမျိုးသမီးတွေ မခံစားချင်တဲ့ ဝေဒနာတွေထဲမှာ ဆီးစပ်ကိုက်ခြင်းကလည်း တစ်ခုအပါအဝင်ပဲ ဖြစ်ပါတယ်။ တချို့တွေဆို အရမ်းကိုက်လွန်းလို့ အလုပ်ပျက်တဲ့အထိကို ဖြစ်တတ်ကြပါတယ်။ ဒါကြောင့် ဆီးစပ်မကိုက်အောင် ကြိုတင်ကာကွယ်လို့ရရင် ကောင်းမှာပဲလို့ တွေးမိကြပါလိမ့်မယ်။ စိတ်မကောင်းစွာနဲ့ပဲ ဆီးစပ်ကိုက်တာ...
ဓမ္မတာလာချိန်မှာ ဖြစ်လေ့ရှိတဲ့ ဆီးစပ်ကိုက်ခဲခြင်းဟာ တော်တော်လေးခံရခက်တဲ့ ဝေဒနာတစ်မျိုးဆိုတာကို ခံစားဖူးသူတွေမှပဲ သိနိုင်မှာပါ။ ဒါကြောင့် ဓမ္မတာလာတဲ့အခါ ကိုက်ခဲနာကျင်တတ်တဲ့ အမျိုးသမီးလေးတွေအတွက် အိမ်မှာအလွယ်တကူပြုလုပ်နိုင်တဲ့ ဓမ္မတာကိုက်ခဲနာကျင်ခြင်းကို သက်သာစေမယ့် သောက်စရာလေးတွေကို မျှဝေပေ...