ရာသီလာချိန်မှာ မိန်းမကိုယ်ကျန်းမာရေးကို ဂရုစိုက်ပါ
မိန်းမကိုယ်အတွင်း ရောဂါပိုးဝင်ရောက်မှုဟာ လစဉ်ရာသီသွေးဆင်းချိန်မှာ ဖြစ်နိုင်ချေအများဆုံး ဖြစ်ပါတယ်။
ဒါကြောင့် -
● မီးယပ်လာချိန်မှာသုံးတဲ့ Tampon ကို မကြာခဏ လဲပေးပါ။ Tampon က ရာသီသွေးတွေကို စုပ်ယူထားတာ ဖြစ်တာကြောင့် အချိန်အကြာကြီး ရာသီသွေးတွေကို မိန်းမကိုယ်အတွင်းမှာသာ ရှိနေစေပြီး pH ကို ပြောင်းလဲစေပါတယ်။ ဒီလိုဖြစ်ခြင်းမှကာကွယ်ဖို့ Tampon ကို 4-6 နာရီခြားတိုင်း လဲပေးဖို့ လိုအပ်ပါတယ်။
Dolfenal 1
● လစဉ်သုံး ကပ်ခွာဂွမ်းထုတ်ကို အသုံးပြုသူဆိုရင်လည်း လိုအပ်တဲ့အချိန်ထက် ပိုမသုံးသင့်ပါဘူး။ 6-8 နာရီခြားတိုင်း လဲပေးရပါမယ်။
● မိန်းမကိုယ်ကို သန့်ရှင်းရေးလုပ်တိုင်း အရှေ့မှအနောက်သို့ သန့်စင်မှသာ နည်းလမ်းမှန် ဖြစ်ပါတယ်။ ဆန့်ကျင်ဘက် သန့်စင်ပါက ဝမ်းအကြွင်းအကျန်တွေဟာ မိန်းမကိုယ်ထဲကို ဝင်ရောက်သွားပြီး ရောဂါပိုး ဝင်ရောက်မှုတွေ ဖြစ်စေနိုင်ပါတယ်။
● နူးညံ့ပြီးသန့်ရှင်းတဲ့ အိမ်သာသုံးစက္ကူကို အသုံးပြုပါ။ အမွှေးနံ့တွေ၊ ဓာတုပစ္စည်းတွေပါဝင်တဲ့ ထုတ်ကုန်တွေ ဒါမှမဟုတ် စိုစွတ်တဲ့အဝတ်တွေ အသုံးပြုခြင်းမှ ရှောင်ကြဉ်ပါ။
Dolfenal 2
● ချည်သားအတွင်းခံတွေကို အသုံးပြုပါ။ ချည်သားဟာ စိုစွတ်မှုကို လျင်မြန်စွာ ခြောက်သွေ့စေပြီး လေဝင်လေထွက်လည်း ကောင်းမွန်စေပါတယ်။ စိုထိုင်းခြင်းကြောင့်ဖြစ်စေတဲ့ မှိုပေါက်ဖွားမှုမှ ဟန့်တားပေးနိုင်တဲ့အပြင် ရောဂါပိုးဝင်ရောက်မှုကိုဖြစ်စေတဲ့ ဘက်တီးရီးယားတွေ ကြီးထွားခြင်းမှ ကာကွယ်ပေးပါတယ်။
● ချွေးစိုနေတဲ့အဝတ်အစားတွေ ဒါမှမဟုတ် စိုစွတ်နေတဲ့အဝတ်အစားတွေကို အချိန်ကြာကြာ ဝတ်ဆင်ထားမယ်ဆိုရင် ဘက်တီးရီးယားတွေဟာ စိုစွတ်တဲ့နေရာတွေမှာ အကောင်းဆုံး ရှင်သန်ပေါက်ဖွားနိုင်တာကြောင့် ယားယံခြင်း၊ ရောင်ရမ်းခြင်းမှစကာ အနံ့ဆိုးတွေ ထွက်လာသည်အထိ ဖြစ်ပေါ်စေတဲ့ မိန်းမကိုယ်ရောဂါကို ဖြစ်စေနိုင်ပါတယ်။ ဒါကြောင့် ကာယလေ့ကျင့်ခန်း လုပ်ပြီးတဲ့အခါ (သို့) ရေကူးလေ့ကျင့်ပြီးတဲ့အခါမျိုးတွေမှာ သန့်ရှင်း၊ ခြောက်သွေ့တဲ့ အဝတ်စားတွေကို ချက်ချင်း လဲပေးသင့်ပါတယ်။
CMS (www.drmyanmar.com)
Related News And Articles
ဓမ္မတာလာတဲ့အခါ အမျိုးသမီးတွေ မခံစားချင်တဲ့ ဝေဒနာတွေထဲမှာ ဆီးစပ်ကိုက်ခြင်းကလည်း တစ်ခုအပါအဝင်ပဲ ဖြစ်ပါတယ်။ တချို့တွေဆို အရမ်းကိုက်လွန်းလို့ အလုပ်ပျက်တဲ့အထိကို ဖြစ်တတ်ကြပါတယ်။ ဒါကြောင့် ဆီးစပ်မကိုက်အောင် ကြိုတင်ကာကွယ်လို့ရရင် ကောင်းမှာပဲလို့ တွေးမိကြပါလိမ့်မယ်။ စိတ်မကောင်းစွာနဲ့ပဲ ဆီးစပ်ကိုက်တာ...
ဓမ္မတာလာချိန်မှာ ဖြစ်လေ့ရှိတဲ့ ဆီးစပ်ကိုက်ခဲခြင်းဟာ တော်တော်လေးခံရခက်တဲ့ ဝေဒနာတစ်မျိုးဆိုတာကို ခံစားဖူးသူတွေမှပဲ သိနိုင်မှာပါ။ ဒါကြောင့် ဓမ္မတာလာတဲ့အခါ ကိုက်ခဲနာကျင်တတ်တဲ့ အမျိုးသမီးလေးတွေအတွက် အိမ်မှာအလွယ်တကူပြုလုပ်နိုင်တဲ့ ဓမ္မတာကိုက်ခဲနာကျင်ခြင်းကို သက်သာစေမယ့် သောက်စရာလေးတွေကို မျှဝေပေ...