သားဥအိမ်ထဲက စုံစီနဖာအိတ်
Dermoid Cyst of Ovary လို့ခေါ်တဲ့ သားဥအိမ်ထဲမှာ အိတ်တည်တာကို တချိန်က တောရွာတွေမှာ စုန်းပြုစားတယ်ဆိုပြီး ထင်ကြပါတယ်။ ဒီအိတ်ဟာ အရည်၊ ဆံချည်မျှင်၊ သွား၊ အရိုး၊ သိုင်းရွိုက် စသည်ဖြင့် တစ်သျှူးမျိုးစုံပါဝင်တဲ့ အိတ်ဖြစ်ပါတယ်။ ဒါက သားဥအိမ်ထဲမှာကျန်ရှိနေတဲ့ မျိုးရိုးဗီဇဆဲလ်တစ်မျိုးကြောင့်ဖြစ်တာပါ။ ဒါကြောင့် ရင့်မှည့်တဲ့ တစ်သျှူးအဖြစ် ကြီးထွားနိုင်တဲ့ဆဲလ်မျိုးစုံပါဝင်ပါတယ်။
ဘယ်အသက်အရွယ်မှာမဆိုဖြစ်နိုင်ပေမယ့် ကလေးမွေးဖွားနိုင်တဲ့အရွယ်မှာတော့ အဖြစ်အများဆုံးပါပဲ။ ပျမ်းမျှအားဖြင့် အသက် 30 ၀န်းကျင်အရွယ်တွေမှာ အဖြစ်များပါတယ်။ Dermoid cyst က တစ်စင်တီမီတာ (လက်မဝက်ထက်သေး) ကနေပြီး 45 စင်တီမီတာ (17 လက်မ) လောက်အထိ အရွယ်အစားရှိနိုင်ပါတယ်။ ဒီအိတ်ကြောင့် သားဥအိမ်ကို လိန်သွားစေပြီး သွေးထောက်ပံ့မှုပြတ်တောက်သွားစေနိုင်ပါတယ်။ အိတ်ကြီးလေလေ ပေါက်ကွဲပြီး အထဲကဟာတွေ လွင့်စင်ထွက်ပြီး ၀မ်းဗိုက်အတွင်းရှိ တစ်နေရာရာကိုကပ်ခြင်း၊ အောင့်ခြင်းများဖြစ်နိုင်ချေများလေလေဖြစ်ပါတယ်။ ကံကောင်းတာတစ်ခုကတော့ ဒီအိတ်တွေရဲ့ 98% လောက်က ကင်ဆာမဟုတ်တဲ့အိတ်တွေသာ ဖြစ်ပြီး 2% လောက်ကသာ ကင်ဆာဖြစ်နိုင်ပါတယ်။
ဗိုက်ခွဲပြီး အိတ်ကိုဖယ်ထုတ်ခြင်း (သို့) မှန်ပြောင်းမှတဆင့် ဖယ်ထုတ်ခြင်းက အကောင်းဆုံး ကုထုံးဖြစ်ပါတယ်။ ဒီအိတ်ကြောင့် သားဥအိမ်လိန်သွားရင်တော့ အရေးပေါ်ဖြစ်ပြီး ချက်ချင်းကုသမှုခံယူရပါမယ်။
Related News And Articles
ဓမ္မတာလာတဲ့အခါ အမျိုးသမီးတွေ မခံစားချင်တဲ့ ဝေဒနာတွေထဲမှာ ဆီးစပ်ကိုက်ခြင်းကလည်း တစ်ခုအပါအဝင်ပဲ ဖြစ်ပါတယ်။ တချို့တွေဆို အရမ်းကိုက်လွန်းလို့ အလုပ်ပျက်တဲ့အထိကို ဖြစ်တတ်ကြပါတယ်။ ဒါကြောင့် ဆီးစပ်မကိုက်အောင် ကြိုတင်ကာကွယ်လို့ရရင် ကောင်းမှာပဲလို့ တွေးမိကြပါလိမ့်မယ်။ စိတ်မကောင်းစွာနဲ့ပဲ ဆီးစပ်ကိုက်တာ...
ဓမ္မတာလာချိန်မှာ ဖြစ်လေ့ရှိတဲ့ ဆီးစပ်ကိုက်ခဲခြင်းဟာ တော်တော်လေးခံရခက်တဲ့ ဝေဒနာတစ်မျိုးဆိုတာကို ခံစားဖူးသူတွေမှပဲ သိနိုင်မှာပါ။ ဒါကြောင့် ဓမ္မတာလာတဲ့အခါ ကိုက်ခဲနာကျင်တတ်တဲ့ အမျိုးသမီးလေးတွေအတွက် အိမ်မှာအလွယ်တကူပြုလုပ်နိုင်တဲ့ ဓမ္မတာကိုက်ခဲနာကျင်ခြင်းကို သက်သာစေမယ့် သောက်စရာလေးတွေကို မျှဝေပေ...