သွေးဆုံးတဲ့လက္ခဏာကို သဘာဝအတိုင်း သက်သာအောင် ပြုလုပ်နည်းများ
အမျိုးသမီးတစ်ယောက်နဲ့တစ်ယောက် သွေးဆုံးတဲ့လက္ခဏာကို ကြုံတွေ့ရပုံခြင်း မတူညီကြပါဘူး။ တချို့က မသိလိုက် မသိဘာသာဘဲ ပြီးသွားပေမယ့် တချို့က အရမ်းခံစားရတတ်ပါတယ်။ ဒါတွေဟာ မျိုးရိုး၊ ရောဂါအခံ၊ စိတ်ဖိစီးမှု၊ ကိုယ်အလေးချိန်၊ သွေးတိုးရောဂါ ရှိ/မရှိ၊ အရက်၊ ဆေးလိပ်သောက်တတ်တဲ့ အကျင့်စတာတွေနဲ့ ဆိုင်ပါတယ်။ ကျန်းမာရေးကောင်းမွန်တဲ့ အမျိုးသမီးတွေကတော့ သက်သက်သာသာပဲ ကျော်ဖြတ်နိုင်ကြပါတယ်။
Menopace 1
>> သွေးဆုံးချိန်ဝေဒနာတွေကို သက်သာအောင်လုပ်ပေးနိုင်တဲ့ သဘာဝနည်းလမ်းတွေကတော့ -
● အလေးချိန်မတိုးအောင် ထိန်းထားပါ။
အထူးသဖြင့် ခါးတစ်ဝိုက် အလေးချိန်တက်လာတာ၊ တစ်နည်း ဗိုက်ပူလာတာဟာ အသည်းကို ဝန်ပိစေလို့ မီးယပ်ပူထတာကို ပိုဆိုးစေပါတယ်။
● အသည်းကျန်းမာရေးကို ဂရုစိုက်ပါ။
ကျန်းမာရေးနဲ့ညီညွတ်အောင် စားပြီး အသည်းအားဆေးတွေ သောက်ပါ။ အသည်းကို ထိခိုက်စေတဲ့အရာတွေကို ရှောင်ကြဉ်ပါ။
● ဟော်မုန်းညီအောင် ထိန်းညှိပါ။
သွေးဆုံးချိန်မှာ ဗီတာမင်တွေ၊ သတ္တုဓာတ်တွေပါတဲ့ အားဆေးမျိုးတွေ သောက်ပါ။ အာဟာရစုံအောင် စားသောက်ပါ။
Menopace 2
● စိတ်ဖိစီးမှုတွေကို လျှော့ချပါ။
စိတ်ဖိစီးမှုတွေက မီးယပ်ပူထတာ၊ ညဘက် ချွေးထွက်တာ၊ စိတ်ခံစားချက် အတက်အကျမြန်တာနဲ့ ညဘက် အိပ်မပျော်တာတွေကို ပိုဆိုးစေပါတယ်။ ကိုယ့်ကိုယ်ကို ဂရုစိုက်ပြီး စိတ်ပျော်အောင်နေပါ။ မိသားစုကလည်း တတ်နိုင်သမျှ စိတ်ချမ်းသာအောင်ထားပြီး အားပေးပါ။
● သွေးပေါင်ချိန်ကို ထိန်းပါ။
သွေးတိုးတာက မီးယပ်ရောဂါကို ပိုဆိုးစေပါတယ်။ လေ့ကျင့်ခန်းလုပ်တာ၊ အလေးချိန်လျှော့တာ၊ အစားအသောက်ပုံစံ ပြောင်းလဲတာ၊ စိတ်ဖိစီးမှုတွေ လျှော့ချတာတွေကလည်း သွေးပေါင်ကို ထိန်းပေးပါတယ်။
Dr. Htar (www.drmyanmar.com)
Related News And Articles
ဓမ္မတာလာတဲ့အခါ အမျိုးသမီးတွေ မခံစားချင်တဲ့ ဝေဒနာတွေထဲမှာ ဆီးစပ်ကိုက်ခြင်းကလည်း တစ်ခုအပါအဝင်ပဲ ဖြစ်ပါတယ်။ တချို့တွေဆို အရမ်းကိုက်လွန်းလို့ အလုပ်ပျက်တဲ့အထိကို ဖြစ်တတ်ကြပါတယ်။ ဒါကြောင့် ဆီးစပ်မကိုက်အောင် ကြိုတင်ကာကွယ်လို့ရရင် ကောင်းမှာပဲလို့ တွေးမိကြပါလိမ့်မယ်။ စိတ်မကောင်းစွာနဲ့ပဲ ဆီးစပ်ကိုက်တာ...
ဓမ္မတာလာချိန်မှာ ဖြစ်လေ့ရှိတဲ့ ဆီးစပ်ကိုက်ခဲခြင်းဟာ တော်တော်လေးခံရခက်တဲ့ ဝေဒနာတစ်မျိုးဆိုတာကို ခံစားဖူးသူတွေမှပဲ သိနိုင်မှာပါ။ ဒါကြောင့် ဓမ္မတာလာတဲ့အခါ ကိုက်ခဲနာကျင်တတ်တဲ့ အမျိုးသမီးလေးတွေအတွက် အိမ်မှာအလွယ်တကူပြုလုပ်နိုင်တဲ့ ဓမ္မတာကိုက်ခဲနာကျင်ခြင်းကို သက်သာစေမယ့် သောက်စရာလေးတွေကို မျှဝေပေ...