/
news/အမျိုးသမီးများနှင့်ကျန်းမာရေး/အချိန်မတိုင်မီ-သွေးဆုံးခြင်းဆိုတာ

အချိန်မတိုင်မီ သွေးဆုံးခြင်းဆိုတာ

Category
အမျိုးသမီးများနှင့်ကျန်းမာရေး

    အမျိုးသမီးတိုင်းနဲ့ မစိမ်းသောအရာများတွင် သွေးဆုံးခြင်းလည်း တစ်ခုအပါအဝင် ဖြစ်ပါတယ်။ အမျိုးသမီးများ လစဉ် သားဥကြွေခြင်း ရပ်တန့်ပြီး ရာသီသွေး မစီးဆင်းတော့ခြင်းကို သွေးဆုံးခြင်းလို့ ခေါ်ဆိုနိုင်ပါတယ်။ များသောအားဖြင့် အသက် ၄၅ နှစ်နဲ့ ၅၅ နှစ်ကြားတွင် သွေးဆုံးတတ်ကြလေ့ ရှိပါတယ်။ ၁ ရာခိုင်နှုန်းသော အမျိုးသမီးများကတော့ အသက် ၄ဝ မတိုင်မီ သွေးဆုံးကြပြီး ထိုသို့ဖြစ်ပေါ်ခြင်းကို အရွယ်မတိုင်မီ သွေးဆုံးခြင်းလို့ သတ်မှတ်နိုင်ပါတယ်။

>>    လက္ခဏာများ
●    ရာသီမမှန်ခြင်း
●    မျက်နှာတွင် ပူနွေးနီမြန်းသောအကွက်များ ဖြစ်ပေါ်ခြင်း
●    ချွေးစေးများ ထွက်ခြင်း
●    အိပ်မပျော်ခြင်း
●    ဆီး အသွားများခြင်း၊ ဆီး မထိန်းနိုင်ခြင်း
●    မိန်းမကိုယ် ခြောက်သွေ့ခြင်း
●    စိတ်အပြောင်းအလဲများ ဖြစ်ပေါ်ခြင်း
●    ပိန်သွားခြင်း သို့မဟုတ် ဝလာခြင်း
●    ကြွက်သားများ နာကျင်ကို်က်ခဲခြင်း

>>    ဖြစ်ပေါ်စေသည့် အကြောင်းရင်းများ
●    အကြောင်းရင်းမရှိဘဲ စောစီးစွာ သွေးဆုံးခြင်း (၆ဝ ရာနှုန်းခန့်)
●    Auto immune ရောဂါများဖြစ်သော သိုင်းရွိုက်နည်းပါးသည့်ရောဂါ၊ SLE ရောဂါ၊ လေးဖက်နာရောဂါများရှိခြင်း
●    မျိုးရိုးရှိခြင်း
●    Turner’s Syndrome ရှိခြင်း
●    ဗိုင်းရပ်စ်ပိုးဝင်ခြင်း စသည်

>>    ကုထုံးများ
    တကယ်ကတော့ မျိုးဥအိမ်များကို ပြန်လည်အလုပ်လုပ်စေနိုင်မယ့် ကုသမှုမျိုး မရှိသေးပါဘူး။ သို့သော် တွေ့ရှိချက်များအရ စောစီးစွာ သွေးဆုံးသူ ၁ဝ ယောက်တွင် ၁ ယောက်ဟာ သားသမီးပြန်ရတတ်တယ်လို့ သိရပါတယ်။
●    စောစီးစွာ သွေးဆုံးခြင်းကြောင့် အမျိုးသမီး တော်တော်များများမှာ စိတ်ပိုင်းဆိုင်ရာ ထိခိုက်မှုများ ရှိတတ်ပါတယ်။
●    ကလေး မရနိုင်တော့ဘူးဆိုပြီး စိတ်ဓာတ်ကျခြင်း၊ အချိန်မတိုင်သေးခင် အိုမင်းနေပြီဟု အားငယ်တတ်ခြင်း၊ လက်တွဲဖော်အတွက် လိင်ပိုင်းဆိုင်ရာ ဆွဲဆောင်မှု မရှိနိုင်တော့ဘူးဆိုပြီး မိမိကိုယ်ကို အလိုမကျခြင်းတို့ ဖြစ်တတ်ပါတယ်။
●    ဒါကြောင့်မို့ အချိန်မတိုင်ခင် သွေးဆုံးသူ အမျိုးသမီးများအနေဖြင့် စိတ်အားတက်ကြွအောင် နေထိုင်ပြီး လိုအပ်ပါက ဆရာဝန်နဲ့ တိုင်ပင်ဆွေးနွေးခြင်းဖြင့် နေ့စဉ်ဘဝကို လှပကျန်းမာအောင် နေထိုင်သင့်ပါတယ်။

လေပြေနုသွေး (ဆေး-၂) (www.drmyanmar.com)