အမျိုးသမီးတွေမှာ ကြုံရတတ်တဲ့ မိန်းမကိုယ်ယားယံခြင်း
မိန်းမကိုယ်ယားယံတာကို အမျိုးသမီး တော်တော်များများ ကြုံဖူးတတ်ကြပါတယ်။ တစ်ခါတလေ ယားယံတာလောက်က ကိစ္စမရှိပါဘူး။ တောက်လျှောက်ယားယံနေပြီး ညဘက်တွေမှာပါ ညအိပ်မရလောက်အောင် ယားယံနေပြီဆိုရင်တော့ ပြဿနာဖြစ်လာပါတယ်။
>> ဒီလို မိန်းမကိုယ်ယားယံမှုကို ဖြစ်စေနိုင်တဲ့ အကြောင်းရင်းတွေက ဘာတွေလဲ?
● ပိုးဝင်ခြင်း
ဥပမာအားဖြင့် မှိုစွဲခြင်း၊ တုတ်ထိုးခြင်း၊ ဝဲပေါက်ခြင်း၊ ကြွက်နို့လိုမျိုး လိင်မှတစ်ဆင့် ကူးစက်တတ်တဲ့ရောဂါတွေဖြစ်ခြင်း စတာတွေကြောင့် ဖြစ်တတ်ပါတယ်။
● မိန်းမကိုယ် ဓာတ်မတည့်ခြင်း
မိန်းမကိုယ် ယားယံစေတတ်တဲ့ အဓိက အကြောင်းရင်းတစ်ချက်ပဲ ဖြစ်ပါတယ်။ ခရင်မ်လိမ်းဆေးတွေ၊ ဆပ်ပြာ၊ ရေမွှေး၊ ချွေးထွက်သန်ခြင်း၊ ကွန်ဒုံး၊ အတွင်းခံ၊ တစ်ရှူး၊ အဝတ်လျှော်ဆပ်ပြာ၊ တန်ပွန်၊ လစဉ်သုံး pad စတာတွေနဲ့ ဓာတ်မတည့်ဘဲ ယားယံတာ ဖြစ်နိုင်ပါတယ်။
Dolfenal 2022 IA 1
● အရေပြားပြဿနာများ
နှင်းခူ၊ ကြွပ်ပွေးအစရှိတဲ့ ယားယံတတ်တဲ့ အရေပြားရောဂါတွေကြောင့်လည်း ယားယံနိုင်ပါတယ်။
● ဆီး၊ ဝမ်းမထိန်းနိုင်ခြင်း
ဆီး၊ ဝမ်းမထိန်းနိုင်သူတွေမှာ စိုစွတ်မှုကြောင့် ယားယံမှုတွေ ဖြစ်နိုင်ပါတယ်။
● သွေးဆုံးခြင်း
သွေးဆုံးပြီးချိန်မှာ အီစထရိုဂျင်နည်းခြင်းကြောင့် မိန်းမကိုယ်ပါးလွှာပြီး ခြောက်သွေ့လာတတ်ပါတယ်။
● ကိုယ်ဝန်ဆောင်ခြင်း
မိန်းမကိုယ်ပြင်ပသွေးကြောတွေ ကျယ်လာခြင်းကြောင့်ယားယံနိုင်သလို အဖြူအဆင်း များလာတာကြောင့်လည်း ယားယံတတ်ပါတယ်။
● တစ်ကိုယ်လုံးယားယံခြင်း
သိုင်းရွိုက်ရောဂါ၊ သွေးရောဂါ၊ ကျောက်ကပ်ရောဂါ၊ အသည်းရောဂါ စတဲ့ ရောဂါတွေကြောင့် တစ်ကိုယ်လုံး ယားယံရာကနေ မိန်းမကိုယ်ကို ယားယံစေနိုင်ပါတယ်။
Dolfenal 2022 IA 2
● ဆီးချိုသွေးချိုရောဂါရှိခြင်း
အထူးသဖြင့် ဆီးချိုသွေးချိုရောဂါကို ကောင်းကောင်းမထိန်းနိုင်တဲ့အခါ မိန်းမကိုယ် ယားယံတတ်ပါတယ်။
● မိန်းမကိုယ်ကင်ဆာ
အဖြစ်နည်းပေမယ့် အကျိတ်အဖုငယ်အပြင် ယားယံတာနဲ့ လာတတ်ပါတယ်။
● စိတ်ဖိစီးမှုများခြင်း
စိတ်ဖိစီးမှုများခြင်းကလည်း မိန်းမကိုယ် ယားယံ့စေတတ်ပါတယ်။
>> ဘယ်အချိန်မှာ ဆရာဝန်နဲ့ပြဖို့လိုမလဲ?
ယားယံတာဟာ လုံးဝမပျောက်ဘဲ ဆက်တိုက်ဖြစ်နေတယ်၊ ခရင်မ်လိမ်းဆေး လိမ်းပေမယ့် မသက်သာဘူးဆိုရင် မရှက်ဘဲ ဆရာဝန်နဲ့ သွားပြပါ။
Dr. Mya Phoo Ngon (www.drmyanmar.com)
Related News And Articles
ဓမ္မတာလာတဲ့အခါ အမျိုးသမီးတွေ မခံစားချင်တဲ့ ဝေဒနာတွေထဲမှာ ဆီးစပ်ကိုက်ခြင်းကလည်း တစ်ခုအပါအဝင်ပဲ ဖြစ်ပါတယ်။ တချို့တွေဆို အရမ်းကိုက်လွန်းလို့ အလုပ်ပျက်တဲ့အထိကို ဖြစ်တတ်ကြပါတယ်။ ဒါကြောင့် ဆီးစပ်မကိုက်အောင် ကြိုတင်ကာကွယ်လို့ရရင် ကောင်းမှာပဲလို့ တွေးမိကြပါလိမ့်မယ်။ စိတ်မကောင်းစွာနဲ့ပဲ ဆီးစပ်ကိုက်တာ...
ဓမ္မတာလာချိန်မှာ ဖြစ်လေ့ရှိတဲ့ ဆီးစပ်ကိုက်ခဲခြင်းဟာ တော်တော်လေးခံရခက်တဲ့ ဝေဒနာတစ်မျိုးဆိုတာကို ခံစားဖူးသူတွေမှပဲ သိနိုင်မှာပါ။ ဒါကြောင့် ဓမ္မတာလာတဲ့အခါ ကိုက်ခဲနာကျင်တတ်တဲ့ အမျိုးသမီးလေးတွေအတွက် အိမ်မှာအလွယ်တကူပြုလုပ်နိုင်တဲ့ ဓမ္မတာကိုက်ခဲနာကျင်ခြင်းကို သက်သာစေမယ့် သောက်စရာလေးတွေကို မျှဝေပေ...