အမျိုးသမီးများကို ဒုက္ခပေးသော “တင်ပဆုံအတွင်းရောင်ရမ်းရောဂါ”
တင်ပဆုံအတွင်းရောင်ရမ်းရောဂါဟာ မိန်းမကိုယ် သို့မဟုတ် သားအိမ်အဝတွင်းရှိ ဘက်တီးရီးယားတွေဟာ အမျိုးသမီးမျိုးပွားအင်္ဂါတွေဖြစ်တဲ့ သားအိမ်၊ သားဥပြွန်နှင့် မျိုးဥအိမ်တွေဆီ ပျံ့နှံ့ရာကနေ ဖြစ်ပေါ်လာပါတယ်။
ကောင်းစွာမကုသဘူးဆိုရင်တော့ ကလေးမရနိုင်ခြင်းနှင့် အခြားဆိုးကျိုးတွေကိုပါ ဖြစ်စေပါတယ်။
>> ဖြစ်စေသော အကြောင်းရင်းများ
● ဘက်တီးရီးယားပိုးများ ဝင်ရောက်ခြင်း
● လိင်ကတစ်ဆင့် ကူးစက်ခြင်း
● ရာသီလာစဉ် (သို့) ကလေးမီးဖွားစဉ် ပိုးဝင်းခြင်း
● ကိုယ်ဝန်ဖျက်ချရာကနေ ပိုးဝင်းခြင်း
Dolfenal 1
>> လက္ခဏာများ
● ပုံမှန်မဟုတ်သော မိန်းမကိုယ်သွေးဆင်းခြင်းများ
(လိင်ဆက်ဆံပြီးနောက် သွေးဆင်းခြင်း၊ ရာသီသွေးများများဆင်းခြင်း)
● ဗိုက်အောက်ပိုင်းနာကျင်ခြင်း
● လိင်ဆက်ဆံစဉ်နာကျင်ခြင်း
● ခါးနာခြင်း
● မိန်းမကိုယ်မှ အနံ့အသက်မကောင်းသော အရည်ဆင်းခြင်း
● ဆီးသွားရင် ပူခြင်း၊ နာခြင်း
● ချမ်းတုန်ခြင်း၊ ဖျားခြင်း၊ ပျို့အန်ခြင်း
>> နောက်ဆက်တွဲဆိုးကျိုးများ
● ကလေးမရခြင်း
● နေရာမှားပြီး ကိုယ်ဝန်တည်ခြင်း
● တင်ပါးဆုံကွင်းတစ်ဝိုက်တွင် နာတာရှည်နာကျင်ခြင်း
Dolfenal 2
>> ဘယ်လိုလူတွေမှာ အဖြစ်များလဲ?
● အကာအကွယ်မဲ့ လိင်ဆက်ဆံခြင်း
● လိင်ဆက်ဆံဖော်တစ်ယောက်ထက်ပိုခြင်း
● မိမိလိင်ဆက်ဆံဖော်တွင် လိင်ဆက်ဆံဖော်တစ်ယောက်ထက်ပိုခြင်း
● လိင်ဆက်ဆံမှုများသော အသက် ၂၅ နှစ်အောက်အရွယ်ဖြစ်ခြင်း
● မကြာသေးမီက သားအိမ်ခြစ်ခြင်း သို့မဟုတ် သားအိမ်မှန်ပြောင်းကြည့်ခြင်း ပြုလုပ်ထားသူများ
>> ဘယ်လိုကာကွယ်ကြမလဲ?
● လိင်ဆက်ဆံဖော် တစ်ယောက်တည်းထားရှိခြင်းက အန္တရာယ်အကင်းဆုံးဖြစ်ပါတယ်။
● လိင်ဆက်ဆံဖော်တစ်ယောက်ထက်ပိုပါက ကွန်ဒုံးစွပ်ခြင်း၊ လိင်ကတစ်ဆင့်ကူးသောရောဂါများကို ပုံမှန်စစ်ဆေးခြင်းတို့ ပြုလုပ်သင့်ပါတယ်။
● ဘက်တီးရီးယားပိုးမွှားများ ဝင်ရောက်ခြင်းမှ ကာကွယ်ရန် မိန်းမကိုယ်သန့်စင်ဆေးရည်များ အသုံးပြုနိုင်ပါတယ်။ ဒါပေမဲ့ မိန်းမကိုယ်မွေးလမ်းကြောင်းအတွင်းထဲထိ ဆေးကြောတာမျိုးကိုတော့ ရှောင်ကြဉ်ရပါမယ်။
တင်ပဆုံအတွင်းရောင်ရမ်းရောဂါ (PID) ရောဂါရှိသည်ဟု မိမိကိုယ်ကို သံသယရှိတာနှင့် တစ်ပြိုင်နက် ကလေးမရနိုင်တော့တာမျိုး မဖြစ်စေဖို့ သားဖွားမီးယပ်ဆရာဝန်နှင့် တိုင်ပင်ပြီး ကုသမှုချက်ချင်း ခံယူသင့်ပါတယ်။
Related News And Articles
ဓမ္မတာလာတဲ့အခါ အမျိုးသမီးတွေ မခံစားချင်တဲ့ ဝေဒနာတွေထဲမှာ ဆီးစပ်ကိုက်ခြင်းကလည်း တစ်ခုအပါအဝင်ပဲ ဖြစ်ပါတယ်။ တချို့တွေဆို အရမ်းကိုက်လွန်းလို့ အလုပ်ပျက်တဲ့အထိကို ဖြစ်တတ်ကြပါတယ်။ ဒါကြောင့် ဆီးစပ်မကိုက်အောင် ကြိုတင်ကာကွယ်လို့ရရင် ကောင်းမှာပဲလို့ တွေးမိကြပါလိမ့်မယ်။ စိတ်မကောင်းစွာနဲ့ပဲ ဆီးစပ်ကိုက်တာ...
ဓမ္မတာလာချိန်မှာ ဖြစ်လေ့ရှိတဲ့ ဆီးစပ်ကိုက်ခဲခြင်းဟာ တော်တော်လေးခံရခက်တဲ့ ဝေဒနာတစ်မျိုးဆိုတာကို ခံစားဖူးသူတွေမှပဲ သိနိုင်မှာပါ။ ဒါကြောင့် ဓမ္မတာလာတဲ့အခါ ကိုက်ခဲနာကျင်တတ်တဲ့ အမျိုးသမီးလေးတွေအတွက် အိမ်မှာအလွယ်တကူပြုလုပ်နိုင်တဲ့ ဓမ္မတာကိုက်ခဲနာကျင်ခြင်းကို သက်သာစေမယ့် သောက်စရာလေးတွေကို မျှဝေပေ...