အမျိုးသမီးများနဲ့ သားဥအိမ်ကင်ဆာ

အမျိုးသမီးတွေမှာ ဖြစ်တတ်တဲ့ ကင်ဆာရောဂါတွေထဲ သားဥအိမ်ကင်ဆာဟာလည်း အဖြစ်များတဲ့ ကင်ဆာတစ်မျိုး ဖြစ်လာပါတယ်။ သားဥအိမ်ကင်ဆာ ဖြစ်နိုင်ခြေရှိသူတွေထဲမှာ မျိုးရိုးဗီဇ (BRCA1/BRCA2) မူမမှန်ဖြစ်တာ၊ မိသားစုကင်ဆာမျိုးရိုးရှိတာ စတာတွေလည်း ပါဝင်နေပါသေးတယ်။ ကင်ဆာရဲ့ အစောပိုင်းကာလတွေမှာ ဘာရောဂါလက္ခဏာမှမပြဘဲလည်း လာတတ်ပါတယ်။

>>  ဖြစ်လေ့ရှိတဲ့ ရောဂါလက္ခဏာတွေကတော့ -
●  အသက်ရှူမဝခြင်း
●  ဗိုက်အောင့်ခြင်း၊ ဗိုက်ကြီးဖောင်းလာခြင်း
●  ရင်ပြည့်ရင်ကယ်ဖြစ်ခြင်း
●  ဆီးမကြာခဏသွားခြင်း
●  ဝမ်းချုပ်ခြင်း
●  ဆီးခုံ၊ နောက်ကျောနဲ့ ဗိုက်နာခြင်း
●  နည်းနည်းစားရုံနဲ့ ဗိုက်ပြည့်သွားတတ်ခြင်း
●  လေပွခြင်း
●  ဓမ္မတာမမှန်ခြင်း စတာတွေ ဖြစ်ပါတယ်။
ဒီလိုလက္ခဏာတွေ ကြုံတွေ့လာရပါက မပေါ့မဆဘဲ နီးစပ်ရာ ဆေးရုံ၊ ဆေးခန်းမှာ စမ်းသပ်စစ်ဆေးမှု ခံယူပါ။

Dr. Mya Phoo Ngon (www.drmyanmar.com)