အမျိုးသားများတွင် ဆီးလမ်းကြောင်းပိုးဝင်ခြင်း
ဆီးလမ်းကြောင်းပိုးဝင်ခြင်းဆိုတာ ကျောက်ကပ်၊ ဆီးစုပြွန်၊ ဆီးအိမ်နဲ့ ဆီးစွန့်ပြွန် စတဲ့ ဆီးလမ်းကြောင်းတစ်လျှောက် ဘယ်နေရာမှာမဆို ဘက်တီးရီးယားပိုးဝင်ရောက်တာကို ဆိုလိုပါတယ်။ အမျိုးသမီးတွေမှာ ပိုဖြစ်လေ့ရှိပေမယ့် အမျိုးသားတွေမှာ လုံးဝမဖြစ်နိုင်ဘူးလို့ မပြောနိုင်ပါဘူး။ အတူနေဖော် အမျိုးသမီးမှာ လိင်မှတစ်ဆင့်ကူးစက်တဲ့ရောဂါတွေ ရှိတဲ့အခါ ကိုယ့်ဆီကူးစက်ခံရပြီးတော့ ဆီးလမ်းကြောင်းပိုးဝင်တာမျိုး အဖြစ်များပါတယ်။ အမျိုးသားတွေမှာဖြစ်ရင်တော့ ရောဂါပိုးဟာ ကျောက်ကပ်နဲ့ ဆီးစုပြွန်အထိ ရောက်လေ့ရှိလို့ ဆရာဝန်နဲ့တိုင်ပင်ပြီး ကုသမှုခံယူဖို့ လိုအပ်ပါတယ်။
Oligocare IA 1
ဆီးလမ်းကြောင်းပိုးဝင်ခြင်းရဲ့ လက္ခဏာများ
ဆီးလမ်းကြောင်းပိုးဝင်တဲ့အခါ ဆီးပူ၊ ဆီးကျဥ်၊ ဆီးအောင့်တာအပြင် ဆီးခဏခဏသွားတာ၊ ဆီးကျန်သလို ခံစားရတာ၊ တစက်စက်နဲ့ဆီးထွက်ကျတာ၊ ဆီးစပ်နေရာက နာကျင်တာမျိုးလည်း ဖြစ်လေ့ရှိပါတယ်။ ပြင်းထန်ရင်တော့ ချမ်းတုန်ဖျားတာ၊ ခါးနာတာ၊ ပျို့အန်တာတွေပါ ဖြစ်နိုင်ပါတယ်။
ဘယ်သူတွေမှာ ပိုဖြစ်နိုင်သလဲ?
ဆီးချိုသွေးချိုရောဂါရှိသူတွေ၊ ဆီးကျောက်တည်သူတွေ၊ ကိုယ်ခံအားနည်းသူတွေ၊ ရေသောက်နည်းသူတွေနဲ့ ဆီးသွားချင်တာကို အောင့်ထားလေ့ရှိသူတွေမှာ ဖြစ်နိုင်ခြေပိုများပါတယ်။
Oligocare IA 2
ဘယ်လိုကုသမှုတွေ ခံယူသင့်သလဲ?
အမျိုးသားတွေမှာဖြစ်ရင် ကျောက်ကပ်နဲ့ဆီးစုပြွန်လိုမျိုး ဆီးလမ်းကြောင်းအပေါ်ပိုင်းမှာ ဖြစ်တတ်တာကြောင့် ဆရာဝန်နဲ့ တိုင်ပင်ဆွေးနွေပါ။ ကိုယ်ဖြစ်တဲ့ရောဂါလက္ခဏာပေါ်မူတည်ပြီးတော့ ပိုးသတ်ဆေး၊ အကိုက်အခဲပျောက်ဆေး၊ အဖျားကျဆေးတွေ သောက်ပေးဖို့ လိုကောင်းလိုနိုင်ပါတယ်။ ဆရာဝန်ညွှန်ကြားတဲ့ဆေးတွေအပြင် ကိုယ်တိုင်ကလည်း ရေများများသောက်ပေးဖို့ လိုပါလိမ့်မယ်။ Cranberry ဖျော်ရည်ကလည်း ဆီးလမ်းကြောင်းပိုးဝင်ခြင်းအတွက် အထောက်အကူပေးနိုင်တယ်လို့ ဆိုကြပါတယ်။
အမျိုးသားတွေအနေနဲ့ ဆီးလမ်းကြောင်းပိုးဝင်ခြင်းမဖြစ်အောင် ဘယ်လိုကာကွယ်သင့်သလဲ ?
• ရေများများသောက်ပါ။
• မကြာခဏ ဆီးသွားပေးပါ။
• ဆီးသွားချင်တဲ့အခါ အောင့်မထားဘဲ ချက်ချင်းသွားပါ။
• ရေချိုးတဲ့အခါ လိင်တံထိပ်အရေပြားကို သန့်ရှင်းပေးပါ။
• အတူနေတဲ့အခါ အကာအကွယ်သုံးပါ။
• အတူနေပြီးတိုင်းမှာ ဆီးသွားပြီး အမျိုးသားအင်္ဂါကို သန့်ရှင်းပေးပါ။
Related News And Articles
အမျိုးသမီးတွေ ဟင်းသီးဟင်းရွက်သုပ် စားနေချိန်မှာ အမျိုးသားထုကြီးက ဟမ်ဘာဂါတို့၊ ပီဇာတို့ကို စားနေကြတုန်းလား။ ဒါဆိုရင်တော့ အမျိုးသမီးတွေနဲ့တန်းတူ ကျန်းကျန်းမာမာနဲ့ အသက်ရှည်ရှည်နေဖို့ဆိုတာ ခက်ခဲသွားမယ်နော်။ ဒါကြောင့် ငယ်တုန်းရွယ်တုန်းမှာ ဘယ်လိုပဲစားခဲ့စားခဲ့၊ အသက် (၄၀) ကျော်ပြီဆိုရင်တော့ ကိုယ်ရဲ့စားသ...
အမျိုးသမီးတွေဟာအသက်ကြီးလာလျှင် ကလေးရနိုင်ခြေအခွင့်အလမ်း နည်းသွားသကဲ့သို့ အမျိုးသားတွေအနေနဲ့လည်း အသက်ကြီးလာလေ မျိုးအောင်နိုင်စွမ်းကျဆင်းလေဖြစ်ပါတယ်။ ပျမ်းမျှအားဖြင့် အမျိုးသားတစ်ဦးမှာ သုတ်ကောင်ပေါင်း 252 သန်းရှိပြီး အသက်ကြီးလာတာနဲ့အမျှ သုတ်ကောင်အရေအတွက် ကျဆင်းလာကာ မမျိုးဥတည်ရှိရာသို့ သုတ်က...
