အိပ်ရေး၀၀ အိပ်ပျော်စေဖို့ မရှိမဖြစ်လိုအပ်တဲ့ ဗီတာမင်နှင့်သတ္တုဓာတ်များ
တစ်နေကုန် ပင်ပန်းနေတာတောင်မှ ညဘက်ကောင်းကောင်း အိပ်မပျော်ကြတာမျိုး ကြုံတွေ့ဖူးကြပါသလား။
လူတော်တော်များများဟာ အသင့်စားအစာတွေကို နေ့စဉ်နီးပါးစားလေ့ရှိပြီး အမှန်တကယ် အာဟာရပြည့်ဝတဲ့ အစားအစာတွေကို စားသုံးကြသူနည်းပါတယ်။ စိတ်နှင့်ခန္ဓာ ကြံ့ခိုင်သန်မာစေဖို့နှင့် ကောင်းစွာ အိပ်စက်နိုင်ဖို့အတွက် အာဟာရပြည့်ဝစွာ စားသောက်ဖို့ကလည်း အရေးကြီးလှပါတယ်။
(၁) ဗီတာမင်ဒီ
● ဗီတာမင်ဒီ ချို့တဲ့ခြင်းဟာ အိပ်စက်ခြင်းဆိုင်ရာပြဿနာတွေနှင့် ဆက်စပ်မှုရှိနေတယ်ဆိုတာကို ပညာရှင်များ ရှာဖွေတွေ့ရှိခဲ့ပါတယ်။
● ဗီတာမင်ဒီကို နေရောင်ခြည်ကနေ ရနိုင်တဲ့အပြင် အားဆေးတွေ မှီဝဲခြင်းဖြင့်လည်း ရရှိနိုင်ပါတယ်။
● ကြက်ဥ၊ ဆယ်လ်မွန်ငါးနှင့် မှိုတွေကို စားခြင်းဖြင့်လည်း ရရှိနိုင်ပါတယ်။
(၂) ဗီတာမင်အီး
● ၂၀၁၁ က လေ့လာချက်တစ်ခုအရ အိပ်ရေးပျက်ခြင်းကြောင့် မှတ်ဉာဏ်ယိုယွင်းခြင်းကို ဗီတာမင်အီး က ကာကွယ်ပေးနိုင်ကြောင်း သိရှိရပါတယ်။
● ဓာတ်တိုးဆန့်ကျင်ဂုဏ်သတ္တိရှိတဲ့အတွက် ဆဲလ်များပျက်စီးခြင်းကို ကာကွယ်ပေးပါတယ်။
● ကိုယ်ခံအားကိုလည်း ကောင်းမွန်စေပါတယ်။
● နေကြာစေ့၊ သစ်ကြားစေ့နှင့် နေကြာဆီတွေမှာ ဗီတာမင်အီး ပါဝင်ပါတယ်။
Revicon 1
(၃) ဗီတာမင်ဘီအုပ်စု
● ဗီတာမင်ဘီအုပ်စုတွေဟာ အိပ်ပျော်စေဖို့ ကူညီပေးတဲ့ မယ်လတိုနင်ထုတ်လုပ်ခြင်းကို အားပေးကူညီပါတယ်။
● ဗီတာမင်ဘီ အားဆေးပြားများ မှီဝဲနိုင်သလို ဂျုံ၊ အသား၊ သစ်သီးနှင့် ဟင်းသီးဟင်းရွက်တွေကနေလည်း ရရှိနိုင်ပါတယ်။
(၄) ကယ်လ်စီယမ်နှင့် မဂ္ဂနီစီယမ်
● ကယ်လ်စီယမ်နှင့် မဂ္ဂနီစီယမ် ချို့တဲ့ခြင်းဟာ ညဘက် ကောင်းစွာအိပ်မပျော်ခြင်းနှင့် ဆက်စပ်နေပါတယ်။ ကယ်လ်စီယမ်ဟာ ဟိုမုန်းတစ်မျိုးဖြစ်တဲ့ Tryptophan နှင့် ပူးတွဲလုပ်ဆောင်ပြီး အိပ်ပျော်စေတဲ့ မယ်လတိုနင်ဟိုမုန်းကို ထုတ်လုပ်ပေးပါတယ်။
● မဂ္ဂနီစီယမ် ချို့တဲ့ခြင်းဟာ နာတာရှည် ညအိပ်မပျော်ခြင်းကို ဖြစ်စေပါတယ်။
● အစိမ်းရောင်အရွက်များ၊ အစေ့အဆံများကို နေ့စဉ်စားပေးနိုင်သလို အားဆေးပြားတွေလည်း သောက်သုံးနိုင်ပါတယ်။
Revicon 2
(၅) သံဓာတ်
● သံဓာတ်နည်းပါးခြင်းရဲ့ ပထမဆုံးလက္ခဏာက ပင်ပန်းနွမ်းနယ်ခြင်းနှင့် ညအိပ်မပျော်ခြင်း ဖြစ်ပါတယ်။ သံဓာတ်နည်းပါးတဲ့အခါ စိတ်ပူပန်ခြင်းကိုဖြစ်စေပြီး ညအိပ်မပျော် ဖြစ်စေပါတယ်။ သံဓာတ်ပြည့်ဝစေဖို့ ကြက်သား၊ အမဲသား၊ ခရု၊ ပဲအမျိုးမျိုး၊ တို့ဟူး၊ အာလူး၊ အစိမ်းရောင်အရွက်များနှင့် cereal များကို နေ့စဉ်စားသုံးသင့်ပါတယ်။
(၆) မယ်လတိုနင်
● မယ်လတိုနင်ဟာ ညအိပ်မပျော်သူများအတွက် ဆရာဝန်များ ညွှန်ကြားသော ဖြည့်စွက်စာတစ်မျိုး ဖြစ်ပါတယ်။ ဆရာဝန်ညွှန်ကြားချက်ဖြင့်သာ သောက်သုံးသင့်ပါတယ်။
ကျန်းမာသော အိပ်စက်ခြင်းဟာ ကိုယ်ခန္ဓာတစ်ခုလုံးရဲ့ ကျန်းမာရေးအတွက် အလွန်အရေးကြီးပါတယ်။ ဒါကြောင့် အိပ်မပျော်တဲ့သူတွေအနေနှင့် ပုံမှန်ပြန်အိပ်ပျော်စေဖို့အတွက် အာဟာရပြည့်ဝအောင် စားသောက်နေထိုင်ပြီး ကိုယ်လက်လှုပ်ရှားမှုများ ပြုလုပ်ကြဖို့ တိုက်တွန်းလိုက်ပါတယ်။
လေပြေနုသွေး (ဆေး-၂) (www.drmyanmar.com)
Related News And Articles
အမျိုးသားတွေ အသက် ၅၀ ကျော်လာတဲ့အခါ အသက် ၂၀၊ ၃၀ တုန်းကလိုမျိုး ခံနိုင်ရည်အား ရှိတော့မှာ မဟုတ်ပါဘူး။ ဒါကြောင့် မိမိတို့ကျန်းမာရေးကို ဂရုစိုက်တဲ့ အမျိုးသားတိုင်း အသက် ၅၀ ကျော်ပြီးနောက်ပိုင်းမှာလည်း လူငယ်တစ်ယောက်လို အမြဲတက်ကြွနေဖို့ လုပ်ဆောင်သင့်တဲ့ အချက် (၆) ချက်ကို လေ့လာကြည့်ကြရအောင်နော်။...
အမျိုးသားတွေ အသက် (၅၀) ကျော်လာတဲ့အခါ မှန်ကန်တဲ့ အာဟာရဓာတ်ကို ရရှိဖို့ အလွန်အရေးကြီးပါတယ်။ လိုအပ်တဲ့အာဟာရဓာတ်တွေကို အစားအသောက်တွေကနေတဆင့် ရရှိနိုင်ပေမယ့် အသက် (၅၀) ကျော် အမျိုးသားတွေအနေနဲ့ ဗီတာမင်နဲ့သတ္တုဓာတ် ဖြည့်စွက်အားဆေးတွေကို သောက်သုံးပေးဖို့လည်း လိုအပ်ပါတယ်နော်။