ဗီတာမင်စီမှီဝဲပေး ဝက်ခြံဖုတွေဝေးဝေးပြေး

● ဝက်ခြံတွေ တအားထွက်နေချိန်မျိုးမှာ ဗီတာမင်စီက ဖြစ်တဲ့နေရာကို အင်တီအောက်စီဒန့်တွေ အများကြီးထုတ်လွှတ်ပေးခြင်းအားဖြင့် ဝက်ခြံတွေကို သက်သာစေနိုင်ပါတယ်။ ဗီတာမင်စီဟာ အရေပြားကို ဓာတ်တိုးပစ္စည်းတွေကနေ ကာကွယ်ပေးပြီး အရေပြားပြန်လည်ပြုပြင်ပေးတဲ့အပြင် အမာရွတ်၊ သွေးကြော၊ အရွတ် စတာတွေ ဖြစ်ပေါ်စေဖို့လည်း ကူညီလုပ်ဆောင်ပေးတာကြောင့် ဆင်ဝက်ခြံကြီးတွေကို ကုသရာမှာလည်း အသုံးဝင်တယ်လို့ ဆိုနိုင်ပါတယ်။

● ကော်လဂျင်ဆိုတာ အရိုး၊ သွေးကြော၊ ကြွက်သား၊ အရေပြားစတဲ့ ကိုယ်ခန္ဓာအစိတ်အပိုင်းတွေ အမျိုးမျိုးမှာ တွေ့ရတဲ့ပရိုတင်းတစ်မျိုး ဖြစ်ပါတယ်။ ဒါပေမဲ့ အသက်ကြီးလာတာနဲ့အမျှ ကော်လဂျင်ထုတ်လုပ်မှု လျော့နည်းလာပြီး အရေပြားရဲ့ကျုံ့နိုင်ဆန့်နိုင်အားလည်း ကျဆင်းလာပါတော့တယ်။ ဗီတာမင်စီဟာ ဒီလိုမျိုး ကော်လဂျင်ထုတ်လုပ်မှုကို အားပေးတာကြောင့် ဝက်ခြံကုထုံးမှာ အင်မတန်အသုံးဝင်တာပဲ ဖြစ်ပါတယ်။

● ဝက်ခြံထွက်တဲ့အခါ ရောင်ရမ်းမှုကြောင့် နီရဲနေတတ်ပါတယ်။ ဗီတာမင်စီမှာ အရောင်ကျစေနိုင်တဲ့ အစွမ်းသတ္တိလည်းရှိတာမို့ ဒီလိုနီရဲရောင်ရမ်းမှုတွေကို ကျဆင်းစေနိုင်ပါတယ်။ ဒါ့အပြင် ဗီတာမင်စီဟာ အရေပြားကို အစိုဓာတ်ထိန်းပေးပြီး အသားအရေကို ကြည်လင်ဝင်းပလာစေနိုင်ပါတယ်။