ဝက်ခြံရှိသူမှာ ဂရုစိုက်ရမယ့် အစားအစာ

>>  ဘယ်လိုအစားအသောက်တွေ စားသင့်လဲ?
ကစီဓာတ်များတဲ့ အစားအစာတွေဟာ အင်ဆူလင်ပမာဏကို များစေပါတယ်။ ဒါကြောင့် အဆီတွေ များများထွက်လာပြီး ဝက်ခြံပိုထွက်စေပါတယ်။ ဒါ့အပြင် ကစီဓာတ်နည်းတဲ့ အစားအစာတွေဟာ အရေပြားအတွက် ကောင်းတဲ့အဆီကို ပိုများစေလို့ ဝက်ခြံထွက်တာ လျော့နည်းစေပြီး ဝက်ခြံအခြေအနေကိုလည်း သိပ်မဆိုးစေပါဘူး။ ဒါကြောင့် အသီး၊ ဆန်ပြုတ်၊ ပဲ စတဲ့ ကစီဓာတ်နည်းတာတွေကို ဝက်ခြံတွေထွက်နေတဲ့ အချိန်မှာ စားသင့်ပါတယ်။
အစိမ်းရောင်ရှိတဲ့ အသီးအရွက်တွေကို စားပေးတာက ကျန်းမာရေးအတွက် အရမ်းအကျိုးရှိတာကို သိပြီးသား ဖြစ်မှာပါ။ လေ့လာချက်တွေအရ အသီးအရွက်များများ စားတဲ့လူဟာ ဆိုးဆိုးရွားရွား ဝက်ခြံထွက်ဖို့ အခွင့်အရေးလည်း နည်းပါတယ်။
ဇင့် ဟာ ခန္ဓာကိုယ်အတွက် အရေးကြီးတဲ့ ဓာတ်တစ်မျိုးဖြစ်ပြီး အရေပြားအတွက်လည်း လိုအပ်တဲ့ဓာတ်တစ်မျိုး ဖြစ်ပါတယ်။ သုတေသနတွေအရ ဇင့် ဓာတ်နည်းတဲ့ လူတွေဟာ ဝက်ခြံထွက်နိုင်ချေ ပိုများတယ်လို့ ဆိုပါတယ်။ ဒါကြောင့် ဝက်ခြံရှိတဲ့လူတွေရော၊ ဝက်ခြံထွက်တာကို ကာကွယ်ချင်တဲ့ လူတွေအတွက် ဇင့် ပါတဲ့ အစားအစာတွေ ( ဥပမာ - အစေ့အဆံတွေ၊ ပဲတွေ)  ကို ပုံမှန်စားသင့်ပါတယ်။
ဒါ့အပြင် ဝက်ခြံကြောင့်ဖြစ်တဲ့ ရောင်ရမ်းခြင်းတွေကို လျှော့ချပေးပြီး ဝက်ခြံအမာရွတ်တွေ၊ အမည်းစက်တွေကို သက်သာလျော့ပါးစေဖို့အတွက် ဗီတာမင် C ပါဝင်တဲ့အစားအသောက်တွေ၊ ဗီတာမင် C ပါဝင်တဲ့ ဆေးဝါး (ဥပမာ - ViCee) တို့လို ဆေးမျိုးတွေကို မှီဝဲလို့ ရပါတယ်။