အရွယ်မတိုင်ခင် အိုမင်းရင့်ရော်မှုကို ကာကွယ်ရန်နည်းလမ်းများ
အသက်အရွယ်ကြီးလာလို့ အိုမင်းရင့်ရော်လာခြင်းကို မတားဆီးနိုင်ပေမယ့် နေ့စဉ် နေထိုင်မှုပုံစံတွေကြောင့် ဖြစ်ပေါ်လာတဲ့ အရွယ်မတိုင်ခင် အိုမင်းရင့်ရော်မှုကိုတော့ တားဆီးလို့ရနိုင်ပါတယ်။
(၁) နေရောင်ကို ကာကွယ်ပါ
● နေရောင်ကာနိုင်မည့် အဝတ်အစားဝတ်ပါ။
● ရေစိုခံ နေရောင်ကာလိမ်းဆေးများ (SPF 30 နှင့်အထက်) သုံးပါ။
● အရိပ်ထဲတွင် နေပါ။
(၂) အစိုဓာတ်ပါတဲ့လိမ်းဆေး (သို့) အသားအရေထိန်းသိမ်းမှု အဆီတစ်မျိုးမျိုး လိမ်းပါ
● အသားအရေကို နူးညံ့စိုပြေစေဖို့အတွက် အစိုဓာတ်ပါတဲ့လိမ်းဆေး (သို့) အသားအရေထိန်းသိမ်းမှု အဆီတစ်မျိုးမျိုးကို နေ့စဉ်လိမ်းပေးပါ။
Bio-Oil 1
(၃) ဆေးလိပ်သောက်သူဆိုပါက ဆေးလိပ်ဖြတ်ပါ
● ဆေးလိပ်သောက်ခြင်းဟာ အသားအရေကို ကြမ်းတမ်းစေပြီး အရေးအကြောင်းများကို စောစီးစွာ ဖြစ်ပေါ်စေပါတယ်။
(၄) အရက်သောက်တတ်ပါက လျှော့သောက်ပါ
● အရက်သောက်ခြင်းက ရေဓာတ်ခမ်းခြောက်စေပါတယ်။
● ရေများများသောက်ပေးပါ။
(၅) မျက်နှာအမူအရာ မကြာခဏပြုလုပ်ခြင်းကို လျှော့ပါ
● မျက်နှာအမူအရာတစ်ခု ပြုလုပ်တိုင်း သက်ဆိုင်ရာကြွက်သားတွေကျုံ့ခြင်း ဖြစ်ပေါ်ပါတယ်။ ဒါကြောင့် နှစ်တွေ ကြာလာတဲ့အခါ အရေးအကြောင်းများ ဖြစ်လာပါတယ်။
(၆) အာဟာရပြည့်ဝအောင် စားပါ
● အရည်ရွှမ်းတဲ့ အသီး၊ အရွက်များ စားပါ။
● အချိုဓာတ်၊ ကစီဓာတ်များ လျှော့ပါ။
Bio-Oil 2
(၇) လေ့ကျင့်ခန်းလုပ်ပါ
● ကိုယ်လက်လှုပ်ရှားမှု ပြုလုပ်ခြင်းက သွေးလှည့်ပတ်မှုကို ကောင်းစေပြီး ကိုယ်ခံအားလည်း ကောင်းစေပါတယ်။
(၈) အသားအရေကို ညင်သာစွာ ဆေးကြောသန့်စင်ပေးပါ
● ကြမ်းတမ်းစွာ ပွတ်တိုက်ခြင်းက သင့်အသားအရေကို ထိခိုက်စေနိုင်ပါတယ်။
● ညင်သာစွာ ဆေးကြောခြင်းက အရေပြားထဲရှိ မိတ်ကပ်နှင့် အညစ်အကြေးများကို ပိုပြီးဖယ်ရှားပေးနိုင်ပါတယ်။
(၉) ချွေးထွက်ပါက တစ်နေ့ (၂) ကြိမ် မျက်နှာသစ်ပါ
● ချွေးထွက်ခြင်းက အသားအရေကို လှုံ့ဆော်မှုတွေ ဖြစ်စေနိုင်တာကြောင့် မျက်နှာသစ်ပေးပါ။
(၁၀) မိမိနဲ့ဓာတ်မတည့်သော အသုံးအဆောင်ပစ္စည်းများကို ဆက်မသုံးပါနဲ့
● စပ်ဖျဉ်းဖျဉ်းဖြစ်စေသော (သို့) အရေပြားကို လောင်စေတတ်သောပစ္စည်းများကို ဆက်မသုံးသင့်ပါဘူး။
ဒေါက်တာနေလွင်ထူး (www.drmyanmar.com)
Related News And Articles
1. ဝက်ခြံကို ဘယ်တော့မှ မညှစ်ပါနဲ့။
ကိုယ့်မျက်နှာပေါ်က ဝက်ခြံလေးက ကြီးလာ၊ ရဲလာ၊ စူထွက်လာပြီဆိုရင် ဒီဝက်ခြံကို ကိုယ့်အရေပြားပေါ်ကနေ အတတ်နိုင်ဆုံး မြန်မြန်ပျောက်သွားစေချင်ပြီးတော့ ညှစ်ထုတ်ဖို့ လက်ယားနေကြမှာပါ။ ဒါပေမဲ့ လုံးဝမညှစ...
ချိုင်းကြား အသားမည်းညစ်နေလို့ လက်မမြှောက်ရဲ၊ လက်ပြတ်အကျလှလှလေးတွေ မဝတ်ရဲ ဖြစ်နေပါသလား?
ချိုင်းကြား အသားမည်းနေတာဟာ ကျန်းမာရေးနဲ့ မသက်ဆိုင်ပါဘူး။ ဓာတုပစ္စည်းတွေပါတဲ့ ချိုင်းမွေးချွတ်ခရင်မ်တွေ၊ ချိုင်းမွေးရိတ်တာတွေ၊ အရက်ပြန်ပါတဲ့ ချိုင်းတောင့်တွေ၊ ချိုင်းနေရာကို လေအဝင်အထွ...