အသက် (၂၅) နှစ်နောက်ပိုင်းမှာ အသားအရေကို ဘယ်လိုထိန်းသိမ်းကြမလဲ
အသက် (၂၅) နှစ်ကျော်လာတဲ့အခါ အသားအရေဟာ ခြောက်သွေ့တာ၊ အရေးကြောင်းဖြစ်တာ၊ အမည်းစက်ဖြစ်တာနဲ့ ချွေးပေါက်ကျယ်တာလိုမျိုး အိုမင်းရင့်ရော်ခြင်းဖြစ်စဉ်တွေ စတင်ဖြစ်လာတာကြောင့် အဲ့ဒီအချိန်မှာ အသားအရေကို သေချာလေး ဂရုစိုက်ပေးသင့်ပါတယ်။
ဒါကြောင့် မိမိတို့အနေနဲ့ အသက် (၂၅) နှစ်ကျော်ပြီဆိုရင် အခုပြောပြပေးမယ့် နည်းလမ်းတွေအတိုင်း အသားအရေထိန်းသိမ်းကြဖို့ မမေ့ပါနဲ့နော်။
● ကိုယ့်အသားအရေနဲ့ကိုက်ညီတဲ့ မျက်နှာသစ်ဆပ်ပြာကို အသုံးပြုပြီး မနက်တစ်ကြိမ်၊ ညတစ်ကြိမ် မျက်နှာသစ်ပါ။
● မျက်နှာသစ်ပြီးတိုင်းမှာ တိုနာလိမ်းပါ။ တိုနာလိမ်းပေးတဲ့အခါ ချွေးပေါက်ကျဉ်းစေပြီး အသားအရေကို တင်းရင်းစေပါတယ်။ ဒါ့အပြင် မျက်နှာသစ်ပေမယ့် ကျန်နေနိုင်သေးတဲ့ အဆီတွေကို ဖယ်ရှားပေးနိုင်ပါတယ်။
● ပြီးရင်တော့ အစိုဓာတ်ထိန်းခရင်မ် (moisturizer) ကို မျက်နှာအပြင် လည်ပင်းကိုပါ လိမ်းပေးပါ။
Bio Oil Updated IA 1
● တစ်ပတ်ကိုတစ်ကြိမ် ဆဲလ်သေတွေကို ဖယ်ရှားပေးပါ။
● နေရောင်ခြည်ဒဏ်ကို ကာကွယ်ဖို့အတွက် အနည်းဆုံး SPF 15 ပါတဲ့ နေရောင်ကာလိမ်းဆေး အသုံးပြုပါ။ အပြင်သွားတိုင်း ထီး၊ ဦးထုပ် ဆောင်းပါ။
● မျက်နှာကို ညှင်သာစွာ နှိပ်နယ်ပေးတာဟာ ပြန်ရေကြောစီးဆင်းမှုကို ကောင်းစေလို့ မျက်နှာအမ်းတာတွေကို သက်သာစေပါတယ်။
● တစ်ပတ်ကိုတစ်ကြိမ် mask ကပ်ပါ။
Bio Oil Updated IA 2
● ဗီတာမင်အေ၊ ဗီတာမင်အီး၊ ဗီတာမင်စီ၊ Alpha hydroxyl acid နဲ့ Retinol လိုမျိုး အိုမင်းခြင်းကို ဆန့်ကျင်တဲ့ပစ္စည်းတွေ ပါဝင်တဲ့ အလှကုန်တွေကို အသုံးပြုပါ။ သဘာဝအဆီအနှစ်တွေကနေ ထုတ်လုပ်ထားတဲ့ Bio-Oil လိုမျိုး အသားအရေထိန်းသိမ်းပစ္စည်းတွေကလည်း အရွယ်မတိုင်ခင် အိုမင်းရင့်ရော်ခြင်းမရှိအောင် တားဆီးပေးနိုင်ပါတယ်။
● အာဟာရ စုံလင်စွာ စားသောက်ပါ။ တစ်နေ့ကို ရေဖန်ခွက် ၆ ခွက်မှ ၈ ခွက်အထိ သောက်ပေးပါ။
အသက် (၂၅) နှစ်နောက်ပိုင်းမှာ အခုပြောပြပေးသွားတဲ့ နည်းလမ်းတွေကို တစ်စိုက်မတ်မတ် ကျင့်သုံးသွားမယ်ဆိုရင်တော့ ကိုယ့်အသားအရေလေးဟာ နူးညံ့ကြည်လင်ပြီး အရွယ်တင်နုပျိုနေမှာ အသေအချာပါပဲနော်။
Dr. Aye Hsu Mon (www.drmyanmar.com)
Related News And Articles
ပျိုမေတွေအနေနဲ့ ချိုင်းမည်းနေခြင်းကြောင့် အကျႌလက်ပြတ်တွေကို ၀တ်ဆင်ရမှာ စိုးရွံ့နေတတ်ကြပါတယ်။ ဒါကြောင့် ချိုင်းကြားအသားအရေဖြူ၀င်းလာအောင် အထိရောက်ဆုံးပြုလုပ်ပေးနိုင်စွမ်းရှိတဲ့ သဘာ၀နည်းလမ်းလေးတွေကို ရွေးချယ်ဖော်ပြပေးလိုက်ပါတယ်။
1. သံပုရာရည်
သ...
လက်မနှစ်ဖက်ကိုအသုံးပြု၍ နာရီပေါင်းများစွာကြာအောင် ဖုန်းအသုံးပြုပြီး စာရိုက်ခြင်းသည် လက်ကောက်၀တ်ရှိ အရွတ်အားရောင်ရမ်းစေနိုင်ကြောင်း အမေရိကန်နိုင်ငံရှိ Cornell တက္ကသိုလ်မှ ပါရဂူဘွဲ့ရ ဆရာ၀န်ကြီး၏ ပြောကြားချက်အရ သိရှိရပါတယ်။
လက်မနှစ်ချောင်းအား အသုံးပြုလျက် အချိန်ကြာမြင...
