ဟော်မုန်းအပြောင်းအလဲကြောင့် မွေးဖွားပြီးစမေမေတို့ ကြုံရတတ်တဲ့ စိတ်အခြေအနေ

နောက်တစ်ခုကိုတော့ အခုတစ်မျိုး၊ တော်ကြာတစ်မျိုးရောဂါလို့ အမည်တပ်ပါရစေ။ အဲဒီဝေဒနာ ခံစားနေရတဲ့ အမျိုးသမီးတစ်ဦးက ဒီလိုဖွင့်ဟပါတယ်။ ကျွန်မဟာ တချို့အချိန်တွေမှာ အလွန်အကျွံစိတ်တက်ကြွတာ ဂဏှာမငြိမ်တာတွေကို ခံစားရပြီး တချို့အချိန်တွေမှာတော့ ဘာမှမလုပ်ချင်မကိုင်လောက်အောင် ပျော့ခွေနုန်းချိနေတတ်ပါတယ်။ နုံးခွေနေတဲ့အချိန်မှာ ဘယ်လိုမှ တွန်းအားမရှိသလို အိပ်ရာထဲမှာပဲ ခွေနေချင်မိပါသတဲ့။
တချို့လူတွေကျတော့ ရာသီဥတုအလိုက် စိတ်ကျရောဂါ ဝင်လာတတ်တာ ဖြစ်ပါတယ်။ များသောအားဖြင့် ဆောင်းဝင်စ စက်တင်ဘာလနဲ့ အောက်တိုဘာအစောပိုင်းမှာ စတင်လေ့ရှိပြီး ဧပြီလလယ်လောက်ဆိုရင် ပုံမှန်စိတ်အခြေအနေ ပြန်ဖြစ်သွားတတ်ပါတယ်။ စိတ်ကျရောဂါခံစားနေရတဲ့ တစ်အုပ်စုကျတော့ နှစ်နှစ်တိုင်တိုင် မပျော်ရွှင်နိုင်တော့ဘဲ စိတ်ဓာတ်ကျဆင်းနေတာ ဖြစ်ပါတယ်။ သူရဲ့ အနီးကပ်လူကတော့ မပျော်ရွှင်ဘဲ ငေးမှိုင်နေတတ်တာ၊ အစားအသောက်နည်းတာ၊ နေမကောင်းတာတွေ ကာလရှည်လာရင် သတိထားမိလာမှာ ဖြစ်ပါတယ်။ ဘာရောဂါမှမရှိဘဲ ဆေးရုံဆေးခန်းတွေမှာ အကြောဆေးထိုး၊ အားဆေးသွင်းတာပဲ လုပ်ချင်နေသူတွေ ပျော့ခွေပြီး ဘာမှမလုပ်ချင်ဘဲ တရှောင်ရှောင်ဖြစ်နေသူတွေဟာ စိတ်ကျရောဂါ ရှိ၊ မရှိ စစ်ဆေးမှု ခံယူသင့်ပါတယ်။
ဒီလူကတော့ဖြင့် ဆိုက်ကိုဖြစ်နေပြီလို့ ဆိုလိုက်ရင် အူတိအူကြောင် ဂွတီးဂွကျလူတွေကို ရည်ညွှန်းကြပါတယ်။ ဆရာဝန်တွေ သတ်မှတ်တဲ့ဆိုက်ကိုကတော့ အဲဒါထက် အများကြီးဆိုးပါတယ်။ စိတ်ရောဂါဖြစ်ပွားအဆင့်လို့ သတ်မှတ်ပြီး ကုသမှု ချက်ချင်းခံယူဖို့ လိုအပ်လေ့ရှိပါတယ်။ သူတို့တွေဟာ မိမိကိုယ်မိမိလည်း အန္တရာယ်ပြုတတ်သလို မိသားစုနဲ့ ပတ်ဝန်းကျင်ကလည်း ကုသမှု စေလွှတ်စေဖို့ လျစ်လျူရှုမထားသင့်ပါဘူး။
စိုးရိမ်မှုလွန်ကဲတဲ့ ရောဂါခံစားရသူတွေက အကြောင်းရင်းမရှိဘဲ ထိတ်လန့်တတ်တာ၊ ရင်တုန်တာ၊ မောတာ၊ စိတ်မထိန်းနိုင်တာ၊ ချွေးစေးထွက်တာ၊ နွမ်းနယ်တာတွေ ခံစားရလေ့ရှိပါတယ်။ စိတ်ကျရောဂါနဲ့ ခပ်ဆင်ဆင်တူပေမယ့် အစားမမှန်၊ အအိပ်ပျက်တာ အကြောင်းအရင်းမရှိဘဲ ရင်ဘတ်အောင့်တာတွေ ပိုမိုတွေ့ကြုံရတတ်ပါတယ်။ နှစ်သိမ့်ဆွေးနွေးပညာပေးဖြင့်သော်လည်းကောင်း အပြုအမူ အနေအထိုင် မှန်ကန်ရေး အကြံပြုဆွေးနွေးပေးခြင်းသော်လည်းကောင်း ကုသလို့ရပါတယ်။
စိတ်ကျရောဂါဟာ အများစုမှာ ဆေးဝါးမလိုအပ်သေးဘဲ့ နှစ်သိမ့်ဆွေးနွေးပေးခြင်း အကြံပြုပေးခြင်း စိတ်ခံစားရသမျှကို နားထောင်လက်ခံပေးခြင်းတို့အပြင် မိမိရင်ဆိုင်နေရတဲ့ ပြဿနာတွေကို မှန်ကန်သောနည်းလမ်းနဲ့ ဘယ်လိုစိတ်နေသဘောထားမယ်ဆိုတာတွေကို သင်ကြားပေးမှာ ဖြစ်ပါတယ်။ ပြဿနာအခြေပြု တိုင်ပင်ဆွေးနွေးပေးသော နည်းလမ်းများအတိုင်း သင့်ကိုကူညီပေးမှာပါ။

ဂျီပီငှက် (ဆေး/မန်း) (www.drmyanmar.com)