ကိုဗစ်-၁၉ ကပ်ဆိုးချိန်ခါမှာ စိတ်ညစ်ညူးနေကြသူ မိသားစုတွေအတွက် စိတ်အားတက်စေမယ့် နည်းလမ်းကောင်းလေးများ

>>  ရင်ဖွင့်ပါ။
ကိုယ်စိတ်ပူပန်တာ၊ စိတ်ညစ်တာတွေကို သူငယ်ချင်းတွေ၊ မိသားစုဝင်တွေကို ရင်ဖွင့်ပါ။ လူကိုယ်တိုင် တွေ့မရတဲ့အချိန်မို့ ဖုန်းတွေ၊ လူမှုကွန်ရက်တွေကနေတစ်ဆင့် ဆက်သွယ်ပါ။

>>  မိသားစုဝင်တွေကို ကျန်းမာရေးနဲ့ ညီညွတ်စွာ ကျွေးပါ။
●  မနက်စာနဲ့နေ့လယ်မှာ ပရိုတင်းကြွယ်ဝတဲ့ အစားအသောက်တွေ ကျွေးပါ။ ပရိုတင်းဓာတ်က သွေးတွင်းအချိုဓာတ်ကို မျှတစေပြီး ဦးနှောက်ကို စွမ်းအင်ဖြည့်တင်းပေးပါတယ်။
●  ဗီတာမင် C ကြွယ်ဝတဲ့ အစားအသောက်တွေကို နေ့စဉ်စားသောက်ပါ။ (ဥပမာ - ပန်းဂေါ်ဖီစိမ်း၊ ခရမ်းချဉ်သီး၊ မာလကာသီး၊ ငရုတ်ပွ)
●  အိုမီဂါ ၃ အဆီဓာတ် ကြွယ်ဝတဲ့ အစားအသောက်တွေစားပါ။ ငါး (ဆာဒင်း၊ ဆယ်လ်မွန်၊ မက်ကရယ်ငါးသေတ္တာ၊ ငါးသလောက်)၊ အပင် (နှမ်းကြတ်စေ့၊ ချိုင်ယာစေ့၊ အစိမ်းရင့်ရောင်အရွက်များ၊ ပဲအမျိုးမျိုး၊ သစ်ကြားစေ့၊ တိုဖူး) နဲ့ ဆီ (ကနိုလာဆီ၊ မြေပဲဆီ၊ သစ်ကြားစေ့ဆီ) စတာတွေမှာ အိုမီဂါအဆီပါ ပါတယ်။ ဒီလို အိုမီဂါ ၃ အဆီဓာတ် ကြွယ်ဝတဲ့ အစားအသောက်တွေဟာ စိတ်ခံစားချက်ကို မြှင့်တင်ပေးပါတယ်။
●  အသီးအရွက်တွေ၊ အစေ့အဆံတွေ စားပေးပါ။ ဦးနှောက်အတွက် လိုအပ်တဲ့ ဗီတာမင်၊ အမျှင်ဓာတ်တွေနဲ့ သတ္တုဓာတ်တွေ ပါဝင်ပါတယ်။
●  သရေစာတွေ၊ အသင့်စားအစားအစာတွေ လျှော့စားပါ။ အဆီတွေ၊ ကိုလက်စထရောတွေ၊ ဆားနဲ့ ဖြည့်စွက်သကြားတွေနဲ့ ပြည့်နေတာမို့ သွေးတွင်းစွမ်းအင ်အတက်အကျမြန်စေပြီး လူကို စိတ်တိုစေနိုင်ပါတယ်။

>>  အရာအားလုံးအတွက် အကောင်းမြင်စိတ် မွေးပါ။
အကောင်းမြင်စိတ် မွေးပါ။ အရာအားလုံးကို အကောင်းမြင်ပြီး ကျေးဇူးတင်စိတ်မွေးသူတွေဟာ ပိုပြီးပျော်ရွှင်ရပြီး စိတ်ဖိစီးမှု၊ စိတ်ဓာတ်ကျမှုတွေ လျော့နည်းကြောင်း တွေ့ရပါတယ်။