ကလေးငယ်လေးများ နှာခေါင်းပိတ်ခဲ့လျှင် ပြုလုပ်ပေးရမည့်နည်းလမ်းများ

>>  နှာပိတ်ခြင်းကို ဖြစ်ပေါ်စေသော အကြောင်းရင်းများ
(၁)  အအေးမိခြင်း - Rhinovirus ကြောင့် အဖြစ်များပါတယ်။
(၂)  တုပ်ကွေးဖျားခြင်း - အအေးမိခြင်းနဲ့ ဆင်တူပြီး ကိုယ်ပူကြီးတတ်ပါတယ်။
(၃)  ဓာတ်မတည့်မှုများဖြစ်ခြင်း - ဖုန်၊ အမှုန်အမွှားတွေနဲ့ အချို့သောပန်းဝတ်မှုန်များက ဓာတ်မတည့်မှုများကို ဖြစ်စေပါတယ်။
(၄)  အာသီးရောင်ခြင်း - ရောဂါပိုးကြောင့် ဖြစ်ပါတယ်။
(၅)  နှာခေါင်းထဲသို့ အရာဝတ္ထုတစ်ခုခု ဝင်နေခြင်း - ကလေးငယ်များဟာ ဆော့ကစားရင်း နှာခေါင်းနဲ့ ပါးစပ်ထဲသို့ ပစ္စည်းငယ်လေးများကို ထည့်တတ်ကြပါတယ်။

>>  သက်သာအောင် ဘယ်လိုလုပ်မလဲ?
(၁)  နှာခေါင်းထဲသို့ ဆားရည် (Saline) ထည့်ပေးပါ။
(Saline ဝယ်လို့မရခဲ့လျှင် အိမ်သုံးဆား လက်ဖက်ရည်ဇွန်း လေးပုံတစ်ပုံကို ရေ ၂၄၀ စီစီဖြင့် ရောပါ)
●  ကလေးငယ်ကို ပက်လက်ထားပြီး နှာခေါင်းပေါက် နှစ်ဖက်လုံးထဲသို့ saline (၃) စက်ခန့် ထည့်ပေးပါ။
●  ထို့နောက် မှောက်လျက်အနေအထား ထားပြီး နှာခေါင်းကို ညင်သာစွာ ညှစ်ပေးပါ။
●  ထွက်လာသောနှာရည်များကို အဝတ်သန့်ဖြင့် သုတ်ပေးပါ။