ပျိုမေတို့ ရာသီမှန်မှန်လာစေဖို့ ဒီအချက်တွေ လိုက်နာစို့
အမျိုးသမီးများရဲ့ ကျန်းမာရေးဟာ လစဉ်ရာသီပုံမှန်လာခြင်းအပေါ်မှာလည်း မူတည်ပါတယ်။ ရာသီပုံမှန်မလာခြင်း၊ ထိန်ခြင်းတို့ ဖြစ်ပေါ်ပါက နောက်ဆက်တွဲကျန်းမာရေးဆိုးကျိုးတွေနှင့် ရင်ဆိုင်ရမှာ အမှန်ပါပဲ။ ရာသီပုံမှန်မလာခြင်းဟာ များစွာသော အကြောင်းတရားများနှင့် ဆက်စပ်နေသလို နေ့စဉ်လူနေမှုပုံစံနှင့်လည်း သက်ဆိုင်ပါတယ်။ ဒါကြောင့် အောက်ပါအလေ့အထလေးတွေကို လိုက်နာခြင်းဖြင့် ရာသီပုံမှန်လာစေဖို့ အထောက်အကူပြုနိုင်မှာ ဖြစ်ပါတယ်။
Dolfenal 1
(၁) ကိုယ်လက်လှုပ်ရှားမှု ပြုလုပ်ပါ
သင့်အနေနှင့် TV ထိုင်ကြည့်လိုက်၊ အိပ်ရာပေါ်လှဲလိုက်၊ ကွန်ပျူတာထိုင်သုံးလောက် လုပ်နေရင်တော့ ဟော်မုန်းတွေကို မမျှမတဖြစ်စေပြီး ရာသီလာစဉ်ပြဿနာတွေကို ပိုဆိုးစေနိုင်ပါတယ်။ ဒါကြောင့် လမ်းလျှောက်ခြင်းနှင့် ကာယလေ့ကျင့်ခန်းများကို အနည်းငယ် ပြုလုပ်သင့်ပါတယ်။
(၂) အိပ်ရေး၀၀အိပ်ပါ
အိပ်စက်ချိန်မမှန်ပါကလည်း ရာသီစက်ဝန်းကို ပုံမမှန်ဖြစ်စေတတ်ပါတယ်။ ဒါကြောင့် တစ်နေ့ကို အိပ်စက်ချိန် ၈ နာရီလောက် ရှိပါစေ။
(၃) အစားကို မဆင်မခြင်စားတာမျိုး ရှောင်ပါ
အဝလွန်ခြင်းဟာ ဟော်မုန်းတွေကို ပြောင်းလဲစေပြီး ရာသီနှင့်ဆိုင်တဲ့ပြဿနာများကို ဖြစ်ပေါ်စေတတ်ပါတယ်။ ဒါတင်မကပဲ အစားရှောင်ခြင်း၊ သရေစားများ အလွန်အကျွံစားခြင်း၊ အာဟာရချို့တဲ့ခြင်း၊ တစွတ်စွတ်စားနေခြင်းတို့ဟာလည်း ဟော်မုန်းတွေကို ပြောင်းလဲစေတာမို့ သတိထားသင့်ပါတယ်။
Dolfenal 2
(၄) စိတ်ဖိစီးမှု လျှော့ချပါ
အလုပ်ကြောင့်ဖြစ်စေ နေ့စဉ်လူမှုဘဝမှာဖြစ်စေ စိတ်ဖိစီးမှုတွေနှင့် ကျွန်မတို့ ရင်ဆိုင်ရလေ့ရှိပါတယ်။ ဒီလိုစိတ်ဖိစီးချိန်မှာ ထွက်လာတဲ့ ဟော်မုန်းတွေဟာ " မ " ဟော်မုန်းတွေရဲ့ လုပ်ဆောင်ချက်တွေကို ထိခိုက်စေတဲ့အတွက် ရာသီစက်ဝန်း ပုံမှန်မဟုတ်တာတွေကို တွေ့ကြုံစေပါတယ်။
(၅) အာဟာရပြည့်ဝအောင် စားသောက်ပါ
အာဟာရပြည့်ဝအောင် စားသောက်ခြင်းဖြင့် ကိုယ်ခန္ဓာမှာ ဗီတာမင်နှင့် သတ္တုဓာတ်တွေ ပြည့်ဝစေပြီး စိတ်ရောကိုယ်ပါ ကျန်းမာစေတဲ့အပြင် ဟော်မုန်းတွေရဲ့ လုပ်ဆောင်ချက်တွေကိုပါ ကောင်းမွန်စေပါတယ်။ ဒီအခါမှာ ရာသီမှန်မှန်လာစေပြီး သွေးသားညီညွတ်စေမှာ ဖြစ်ပါတယ်။
လေပြေနုသွေး (ဆေး-၂) (www.drmyanmar.com)
Related News And Articles
ဓမ္မတာလာတဲ့အခါ အမျိုးသမီးတွေ မခံစားချင်တဲ့ ဝေဒနာတွေထဲမှာ ဆီးစပ်ကိုက်ခြင်းကလည်း တစ်ခုအပါအဝင်ပဲ ဖြစ်ပါတယ်။ တချို့တွေဆို အရမ်းကိုက်လွန်းလို့ အလုပ်ပျက်တဲ့အထိကို ဖြစ်တတ်ကြပါတယ်။ ဒါကြောင့် ဆီးစပ်မကိုက်အောင် ကြိုတင်ကာကွယ်လို့ရရင် ကောင်းမှာပဲလို့ တွေးမိကြပါလိမ့်မယ်။ စိတ်မကောင်းစွာနဲ့ပဲ ဆီးစပ်ကိုက်တာ...
ဓမ္မတာလာချိန်မှာ ဖြစ်လေ့ရှိတဲ့ ဆီးစပ်ကိုက်ခဲခြင်းဟာ တော်တော်လေးခံရခက်တဲ့ ဝေဒနာတစ်မျိုးဆိုတာကို ခံစားဖူးသူတွေမှပဲ သိနိုင်မှာပါ။ ဒါကြောင့် ဓမ္မတာလာတဲ့အခါ ကိုက်ခဲနာကျင်တတ်တဲ့ အမျိုးသမီးလေးတွေအတွက် အိမ်မှာအလွယ်တကူပြုလုပ်နိုင်တဲ့ ဓမ္မတာကိုက်ခဲနာကျင်ခြင်းကို သက်သာစေမယ့် သောက်စရာလေးတွေကို မျှဝေပေ...